تجربة فورد اكسبلورر ٢٠١٦ ليميتيد
|
اليوم عندنا تجربة سريعة جداً على الفور الاكسبلورر ليميتد, الاكسبلورر المستكشف أو الباحث, فهذه السيارة المستكشفة للطرقات, ما شاء الله 25 سنة, الجيل الخامس, 2016, تحديثات شاملة, جميلة, رينجر روفر بسعر سيارة أمريكية أو راح تصير أمريكية.
طبعا هنا شوية لعب على أنه نحن كنا نملك شركة رينجر روفر في تشابه كثير خصوصاً من جوه في الدايلز في العدادات حق الاوفر لودنك, حق الرمل والطروس, خلوكم معنا اليوم نأخذكم نشاهد على السيارة كاملة ونشرح لكم أيش المميزات وأيش والاشياء الحلوة فيها, فيه أشياء يرفع لها القبعة احتراماً, وفيه اشياء جميلة, وفيه أشياء يعني لكن خلوكم معنا اليوم..
ابعاد السيارة كالآتي: خمسة متر طول, اثنين متر عرض, متر وثمانين سم الارتفاع, الوزن على ألفين, طبعا تجي 6 سلندر, 3500 CC , نفس المحرك بس بدون تروبو, 294 حصان - 370 حصان, 346 نيوتن متر – 470 نيوتن متر, طبعاً اتكلم عن المحرك العادي والمحرك التنتورو, كان ودي يكون معنا سبورت التنتورو لكن حظنا اليوم السيارة محجوزة لكن إذا واعدونا الزيارة القادمة شركة فورد ما يقصروا..
الشاهد 6 سرعات دفع أمامي, أو 6 سرعات دفع رباعي التوربو تجي دفع رباعي, الجنب ما شاء الله تبارك الله حجم عائلي محترم راح نتكلم عليها الآن.
واحد من الاشياء الحلوة بالسيارة هذه اللي هي على سيلكون الخلوص ارتفاعها عن الأرض حوالي 20 سم, 19,8سم هذا أيضا يساعدها قليلاً.
طبعا ما بدي أقول السيارة هذه حق الرمل من الطراز الاول – الله يرضى عليكم – لكن إذا احتجنا شوية رمل أن كان الوضع لقيت نفسك في مكان معين اضطرت على شوية رمله فالسيارة, هي ما بدي اسميها كروز روفر مع أنها كأنها كروز روفر بس يركزوا على طابع أنها SUV فعلى كذا لو حابب أن تطلع رمله حاطين لها سكت من تحت مصفح و مانع للضربات حماية للمكينة يعطيها مساعدة, ما أقول السيارة من الطراز الاول في الدفع الرباعي لكن إذا احوج الامر تجمل ما تقصر تقوم بالواجب معك وزيادة هذا اللي احب ان أوصله لكم.
تكلمنا عن حكاية الدفع الرباعي, وتكلمنا عن الانظمة الميكانيكية حق السيارة, المحرك موجود بالعرض, إذا حبينا ندخل في هذه الفئة الآن اللي أنا شايفه بالسوق الآتي بالعرض عندنا كيديا, ترافرس, الاكسبلورر, مازدا 68 , هوندا بايلت, الآن نطلع من الناحية هذه حتى نقسمها هذا الحوض اللي عندنا, السيارات هذه اللي نتكلم فيها و الدرانكو.
الدرانكو ميكانيكياً انا اعتبرها من اصلبهم لأن تجي المكينة بالطول, الكير بوكس, الدرفنسات تجي بالطول ما هي بالعرض.
الدرانكو على قدر ما هي ميكانيكاً عندها تابلت التكس عندها كل المميزات لكن عيبها انها منخفضة ارتفاعها عن الأرض, فهنا أعلى عشان نوعاً ما يمكن خلي نقول خلينا مركزين على ان الدرانكو للسحب وللتحميل أكثر على الاسفلت, وراك مركب يخت تريد تسحبه الدرانكو سيارة ممتازة, اسم شركة جيب وراها وشركة دوج كرايسلز عريق موجود, شاصيها مرسيدس, كير بوكس ألماني ومكملينها.
الآن إذا بدي اتكلم على رمله انا اقترح السيارة هذه الاكسبلورر والهوندا البايلت, ارجع وأقول ما هي مركزة تماماً على أنها سيارة رمله لكن أنها تؤدي الغرض, أنا أعتبرها منافسة للبايلت وأن كان البايلت أيضا.., بصراحه ارتفاعها مساعدها ودخلنا فيها برملة بشكل رهيب ما قصرت السيارة بشكل رائع جداً.
المازدا 69 انا اعتبرها سيارة مدينية, من الطراز المديني أكثر, استخدام داخل المدينة وخصوصاً الموديلات الجديدة GR 4 سلندر 2500CC توربو, فمعموله أنها سيارة اقتصادية أكثر مع أنها حمولة 7 ركاب, 3 صفوف ركاب مثل هنا, فمركزين أكثر شيء على عملية توفير البانزين, فهنا شوية نوعاً ما كل شيء له طريقة ما في سيارة أنها أحسن من سيارة أنت حابب أيش؟, في واحد يقول لك والله ابقى اطلع مزرعة وابقى شوية رملة, خذ هذه, لا يا أخي انا ابقى اكثر بين رمل وبين سفر.., انا بركز على الهوندا أكثر, في واحد يقول لا والله انا ابغى ثلاثة صفوف ركاب بس أبغى مثل اقتصادية أكثر و4 سلندر وسكاي اكتف, عندك المازدا فكل شيء تميز شوية بشكل معين انه والله انا اخذ الطريق هذا والجانب هذا وكل شيء كلهم السيارات حلوة وممتازة الترافرس كلها سيارات مدينية من الطراز الاول وفيها أشياء سفتي حلوة.
الآن وحدة من الاشياء اللي عجبتني جداً في السيارة هذه – فيه أشياء كثيرة عجبتني – أكثر حاجة عجبتني في السيارة هذه الاهتمام في الناحية الجمالية, ركز على الشكل, السيارة حلوة وناس كثير ترغبها, واللي يرغب السيارة لاحظوا على الاقل في امريكا زي مثل اللي يأخذ أودي Q5 أو تكوان أو الي يبغى النفس الرياضي بس يبغاها أكثر شوية فـ الاكسبورت انجنز محركات تكون توربو مع أنها السيارة أكبر وشكلها جمالي فالإكسبلورر تكون منافس في الفئة هذه, أنا بصراحة محترم شركة فورد جداً على تصميم المحركات التوربو العنيف شلون رائع.
كامرة أمامية, كامرات جانبية, كامرة خلفية مناطق عمية وما راح اتكلم على الارباكات لأنها بديهية حاطينها هنا الجماعة.., دائما أقول السيارات الامريكية من ناحية الارباكات والاوروبية انا ما أتناقش معهم فيها, أتناقش في الكوري والياباني والصيني نوعاً ما في الزيادة والنقص فيها مع البولو ساكتر نخاف على كاكتر في الفول اوبشن الديك ما معك فلوس مو ضروري يعني اعتقد وصلتكم الصورة.
وحدة من الاشياء اللي عجبتني جداً غير السفت الموجود, أحزمت الارباك, أحزمة الركاب هي نفسها أرباك, فهو حزام وهو أرباك غير الارباكات الجانبية, غير الارباكات اللي في الكراسي, غير الارباكات الامامية, فالسيارة الحزام أرباك, والارباك صار حزام, هذه وحدة من الاشياء اللي نرفع لها القبعة احتراماً, لأنه لأي شركة تروح المشوار الاضافي عشان تحمي الركاب اللي جوة أربع لهم القبعة.
طبعا لمبات LED أمام – خلفي صار موضة ما نتكلم في حاجة جديدة صار هو الشيء المعتاد.
مثل ما قلت المحركات 3500 CC توربو بدون توربو متنفس عادي, خلي نأخذكم نفرجكم على السيارة الآن كفاية تفاصيل ميكانيكية قد تكون مملة للناس خلي نتفرج على السيارة من الداخل والخارج.
الكامرة الامامية, رينجر روفر تماما ومعنا نفس الشيء هنا شايف أيضاً شايف بصراحة لمبات الفوكس واكن الباصات شبيه فيها تماماً, فتحتات تبريد موجودة ليمر الهواء للكفرات, حساسات أمامية و جانبية, حساسات الباركنك رائع جداً حتى من الجوانب تلاقي السيارة النور أخضر, النور أحمر, الخروج من المسار, دار اقتراب من السيارة الأمامية, مناطق عمية , هذه المنطقة العمية, علامة فورد القيمة المعتادة في الاضاءة حق الازارير الابواب.
الكفرات 255 على 50- 20, كفرات عريضة, وحدة من الاشياء الحلوة في السيارة هذه من ضمن الدلع والتطويرات اللي عندنا في السيارة, حكاية ترجع الكراسي تطلع من تحت الارض بصراحة عجبتني جداً جميلة الحركة هذه الآن نطبق الكراسي.
طبعا هذه عملية تجميلية فيس لفت 2016 فركزوا على أشياء اكثر الناحية الجمالية جداً على السيارة هذه, السيفتي الناحية العملية, واللي يدور على حاجة رياضية فما شاء الله عنده محركات الـ 4 سلندر توربو و الـ 6 سلندر توربو و الـ 6 سلندر محرك عادي.
ستادة الكبوت عصاية ما هي مساعدات في يوم حر ما راح تكون حاجة ظريفة الواحد راح يكون حرق أصابيعه أو المكينة مسخنه من تحت لأي سبب من الاسباب محتاج صيانة أي شيء بده يلحقه راح يحرق أصابيعه قبل ما يعرف يفتح الكبوت فهذه وحدة حاجة جداً سهلة وبسيطة ما راح تكلف المصنع أي شيء.
هذا الاحزمة الارباك حتى كاتبين "INFLATABLE BELT" هنا, حزام قابل للنفخ, الواحد قاعد في وره مستريح ما يقول لا والله ماني قاعد مستريح, وضعية الجلوس حلوة, علاقات صغيرة فتحت التركيز, شاشات اللي يبغى.
من ضمن الاشياء الحلوة بالسيارة نظام السمعي حق السيارة, السماعات مو بس كلمة رهيب يعني كلمة رهيب فيه قليلة, من أجمل ما يمكن, الآن انا مثل ما قلت أجرب اللي الليميتيد ما هي التوربو إلى أن تسهل معانا نسخة توربو ذاك الساعة نقدر نحكم عليها صح من ناحية الاداء الرياضي.
التكييف بارد, تكييف الكراسي أو تسخينها ممتاز ياريت حتى لو الخلفية فيها تبريد كان يطلع شيء جداً رائع خصوصاً في الجو الرومانسي والشاعري.
ما زلنا في بعض الاشياء فيه "شعابيطه" شوية في شركة فورد, يعني النافيكيشن ما يشتغل ولا عليه كلمة نافيكيشن إلا اللي عارف أن هذه شركة فورد لازم يضغط على زر حق الاوامر الصوتية الشخص اللي يتكلم ذاك الساعة ياله تشغل النافيكيشن, الواحد أول مرة يسوق فورد يدور على كلمة نافيكيشن ما في.
الزر حق الكامرة الأمامية يساعد كثيراً لما الواحد داخل زقاق ضيق شارع ضيق يضغط على زر حق الكامرة الأمامية جداً رائع.., وان كان طبعا الواحد يقدر يغير وضعية الكامرة الأمامية والخلفية.., وان كان اعتقد ناقصها شيء بسيط خطين أخضر أو أحمر حتى يقول لك المسافة اللي قدامك لكن بشكل عام رائع.
من ضمن الاشياء السيارة ناعمة, ركوبتها جداً ناعمة وهذه على قدر ما هو ميزة على قدر ما هو عيب بمعنى أنا الآن ماشي في السيارة والآن نخترق سرعة 80 الآن ابدأ افرمل تلاقي السيارة تلاقي السيارة تنزل من قدام شوية يعني إذا جاءتك فرملة مفاجئة الفرامل ممتازة بس أعتقد انه التعليق شوية قد يكون محتاج خلي نسمي شوية اعتدال بدل الليونة الشديدة يكون فيه اعتدال أكثر, ويمكن هذا لمحبي السيارات الامريكية يمكن كلامي ما هو منطقي لكن انا اتكلم على عملية انه كل ما افرمل ينزل وجه السيارة شوية إلى تحت.
لو واحد سواقته يدور على جيبه شوية نفس رياضية, الآن يمكن لو سقنا النسخة الرياضية يكون الموضوع هذا ما في, انا أتكلم على النسخة التي في يدي الليميتيد.
في أنذار خروج من المسار بس ما هو زي مثل بعض.., نتكلم على سيارة سعرها 325 الف, 185 الف, 200 الف هذه الاسعار حقها تقريباً, توقعت أن الدركسون شوية يرجعني بحس انه لو عيني راحت في النوم يقول لي لا مو بس شوية " توت توت" وانا غاطس في النوم ما راح أسمعها, لا ممكن يرجعني في مساري ثاني مرة, لو طبعا هذه محطوطة لا سامح الله لو عينه راحة في النوم أو .., أو.. أي أشياء معينة يرجعه.
الآن على مثبت السرعة الذكي تحدد المسافة اللي بينك وبين السيارة اللي قدامك, فيه انذار إذا اقتربت السيارة اللي قدامك إذا انت ماشي لكن إذا في الباركنك ما يشتغل معاك إذا اقتربت من السيارة اللي قدامك كثير, نسبة الازعاج 56 في الساعة.
الشاصي حق السيارة هذه هو نفسه حق التورس بس يعني ممطوط شوية, أخذين التورس – إذا صحت الكلمة – بس على أعلى مع شوية نفس دفع رباعي.
افضل سيارتين انا أشوفهم حالياً إذا فيها شوية لمسة طعوس ورمله فهي الهوندا البايلت والفورد الاكسبلورر هذه في السوق, إذا تركز على عملية توفير البانزين فانا أعتقد المازدا 69 الجديدة 2017 والهايدر والدلع اللي حاطينه في السيارة جداً رائع وتوربو, عزم عالي تقريباً الدبل عن الأولانية الـ 6 سلندر عشان عملية توفير في البانزين والسيارة داخلة المدينة والانذارات وخروج من المسار وهذه الامور كلها.
في أنذارات كاملة هنا وأن كان بعضها ما هو شغال إذا مشغل مثبت السرعة, أو تعطيك أنذار جداً ظريف لما توقف السيارة مع طولها تبان معاك في الباركنك تلاحظ السيارة من يمين وشمال وقدامك وخلف يعطيك أنذارات ونور أخضر ونور أحمر بشكل رائع جداً في العداد الموجود حق اليسار.
إذا تبغى تسحب أوزان معاك وتحمل أوزان في السيارة أعتقد الدرانكو أفضل شيء, إذا تبغى داخل المدينة أيضاً الامريكي كالترافرس والاكيديا دلوعه ناعمة داخل المدينة, قعدة أمريكية مريحة لكن اللي برزت بروز واضح الاكسبلورر مع سنة النفس الدفع الرباعي هي والبايلت والمازدا 69 تخصصت أكثر تقول لك انا داخل المدينة عشان أوفر لك صرفية البانزين أكثر مع ثلاثة صفوف ركاب بشكل جميل وشوية دلع.
هنا طبعا حاطين الحزام الارباك, بصراحة شيء رائع جداً يشكروا عليه جداً, الجزام الارباك انا شفته أول مرة كان في الرائعة الجميلة جداً السوبر كار اللي هي لكزس LFA بس تلك السيارة كان سعرها من 2 مليون إلى 2 مليون وي وإنتاج محدود, وكانت السيارة – خلي نأخذ سعر وسط 2 مليون ريال - هنا نتكلم عن الفول أوبشن 200 ألف ريال, يعني أعتقد تأخذ التكنولوجي من السيارات السوبر الرياضية تحطه في سيارات الركاب أعتقد هذا الشيء جداً مشكور, خصوصاً لما يكون في حماية الركاب أو تقوية الفرامل أو الثبات .. إلخ.
ختاماً اتمنى تكون التجربة هذه ناسبتكم لتجارب ثانية كثير وشكراً لكم.
- يرجى تسجيل الدخول لإضافة تعليقات