تجربة كيا كادينزا 2017 سيول كوريا حسن كتبي التصوير AK

فيديو يوتيوب:

السلام عليكم ورحمة الله وبركاته.. اليوم إن شاء الله في الجو الماطر الحلو هذا راح ناخذكم لف في كيا الجديدة في سيول في كوريا خليكم معانا إن شاء الله اليوم نعطي لكم كل اللي نقدر ناخذه عن السيارة معلومات ونفرجكم عليها.

الجو ماطر حلو غيم وأتوقع بكرا يعني ضباب أكثر لكن إن شاء الله معانا اليوم؛ اليوم راح نسوق الجي دي آي 290 حصان؛ 8 سرعة الجيربكس وبكار راح نسوق الإم بي آي نفس المُحرك بس طريقة البخ مختلفة 270 حصان و6 سرعة الجيربكس خلوكم معانا.

برغم أن السيارة نسخة كورية بس من الأدب حاطين لنا كمان المعلومات كاملة حقت صرفية البنزين السعر: 89 – 136 ألف ريال / 23733 – 36266 دولار أمريكي السيارة سحب أمامي 3.3 لتر 6 سلندر 8 سرعات 290 حصان جي دي آي سحب أمامي 3.3 لتر 6 سلندر 6 سرعات 270 حصان إم بي آي هذي علامة الـ( Z ) جايه من قدام ومن ورا وبعدين عندنا هنا ستارة هواء عشان التبريد يدخل الهواء من هنا من جوا عملية التبريد ويدخل على الفرامل والكفرات وكل شيء.

الخلفية كمان جايه عليها علامة الـ(Z) من ورا؛ الأمامي حساسات جانبية ( أمامية جنبية خلفية ) وعدسة أمامية كاميرا فوق على القزاز فوق وعندنا حساسات السيارة كاميرا 360 درجة أمامية جانبية خلفية. الله يسلمكم الشاشة هنا الكاميرا 360 درجة كانت 300,000 بكسل صارت 1000,000 بكسل وكان أول هنا فيه حواف تلاقوا هنا أنه فيه قواطع خطوط كذا بين الأربع مناطق حقت الكاميرا أنه لا فيه خطوط هنا أزالوا الخطوط اللي في النص بينهم صارت الصورة عندنا واضحة تماماً 360 درجة؛ المُحرك جي دي آي الجير بكس 8 سرعات ؛ 3300 سي سي ؛ 290 حصان هو نفس المُحرك بكرا حيكون إم بي آي طريقة البخ مختلفة حيكون السيارة بكرا إن شاء الله 3 سرعات و 270 حصان.

ماشاء الله مستوى الإزعاج جداً ممتاز في السيارة هنا 52,5 كانوا يتكلموا أنه عملوا شغل جبار في حكاية تخفيض الإزعاج وفعلاً مستوى ممتاز؛ زي ماقلنا السيارة تجي أطول عفواً نفس الطول أعرض وأقل إرتفاعاً عشان إنسيابية أكثر إنسيابية تكون أفضل؛ طبعاً خفضوا السقف بحوالي 5مل لكن في نفس الوقت وضعية السيارة الكرسي حق السواق وضعيته نفسه نزل كمان لتحت فصار رغم أنه نازل السقف فهو الواحد قاعد بنفس الإرتفاع السقف نزل مستوى الكرسي انخض في الأمام وفي الخلف صار وضعية الجلوس للخلف اللي قاعدين ورا المفروض الركبة تكون مايلة شوي ماهي عمودية فيتعب على مسافة طويلة لا هو قاعد مستريح؛ الكرسي صار الواحد عنده وضعية أفضل في الجلوس؛ الدركسون زي ماإحنا هنا شايفين فيه فرق ترى بين الدركسون حق الجماعة في آسيا في أوروبا الأوربيين نوعاً ما يحبوا الدركسون يكون أسمك شوي وهذا فعلاً هنا ناحية المنطقة ذي صارت أسمك هنا لا أرفع شوي وكشكل رياضي فأعطوا السيارة الفيلينغ الأحساس أنه السيارة الدركسون صار رياضي أكتر.

فيه حاجة تانيه عاملينها مابدي أستخدم كلمة فيراري ولمبرجيني بس الشركات السيارات الرياضية هي اللي مشهورة تماماً أنه بعملية الله يسلمكم تحت السيارة تحت المكينة تحت الجيربكس مُقدمة السيارة وسطها بالكامل تجي مغلفة عشان عملية عزل السوط مع الإسفلت وعملية الله يسلمكم الإنسيابية ففعلاً السيارة هذي الإنسيابية 0,28 زيها زي الآفالون 0.28 القديمة كادينزا كانت 0,29 خذوا بالكم كل ما أنخفض الرقم أفضل فأيام زمان كانت السيارات على 0,36 الآن 0,28 الكادينزا الجديدة 0,29 الكادينزا القديمة؛ الآفالون 0,28 واللكزس الجي إس عفواً الإي أس 350,29 فهذي راس براس مع الآفالون أفضل من القديمة وأفضل من اللكزس سرعة 350.

طبعاً هم الجماعة أطلعونا على الشرح كامل على لما يبنوا سيارة مين المنافسين وأيش السيارات اللي قدامهم اللي يقعدوا يشتغلوا على النقاط حقتها وإحنا لازم نكون مثلاً أفضل فرامل أحسن يدّخلك طبعاً من ضمن الأشياء..... (ماشاء الله شوفوا الغيم وكيف الضباب ماشاء الله تبارك الله يعني منظر رائع.

من ضمن الأشياء الحديد أزود 51 % يعني صار صلابة السيارة الحديد الصُلب فيها 51 % مقارنة بالموديل القديم . إحنا الآن ماشيين الرؤيا بالكاد باينه فالمعذرة منكم إذا ماقدرنا يعني نحط السيارة في إختبار فعلي أنه تسارع قوي أو شيء زي كذا زي منتوا شايفين الطريق قدامنا. عشان يطوروا السيارة الله يسلمكم غير أنه الشاصية أطول الشاصية حقتها فعلاً صار أطول من الآفالون من اللكزس اللي هي أس ومن الأمبالا يعني أنا حتى طول العام يمكن الأمبالا أطول لكن الشاصي أطول هنا؛ الآن الأشياء اللي نتكلم على السيفتي أول وبعدين نخش على الأشياء الجمالية ولمبات إل أيه دي والدلع دا كله هذا أنا أعتبره يعني على ما أنه لمبات الإيه دي مهمة لكنها ماهي بأهمية الأشياء اللي الآن راح أتكلم عنها الحديد الصُلب كان 24% صار 51% فيه طريقة اللي هو أنا أعتقد يسموه غراء صناعي عشان الحديد أحيانً لما يتلحم مع بعض فيه بعض المناطق يصير فيها ضعف أو إجهاد عليها فأبتدأوا يقللوا من حكاية من عملية اللحام دائماً وصارت الروبوتات تستخدم غراء صناعي يعني مابدي أحاكيكم أنه سوبر فالغراء الصناعي كان أول 17 متر في السيارة الآن 110 متر فيها من الغراء الصناعي ذا وكله عشان السيارة وصلابتها ومتانتها كهيكل تكون أقوى؛ الإيرباقات 9 إيرباقات بما فيها إيرباق ركبة للسواق لمبات الأيه دي طبعاً الإيرباقات دار مايدور ياجماعة الخير قف وجدران وجوانب وفوق وتحت وفي كل مكان الإيرباقات موجودة؛ عملية الرادار المناطق العمياء صارت العملية ذكية صار عندنا هنا فوق فيه كاميرا هنا كاميرا عيون بتقراء الطريق ومناطق عمياء هيد أب سبلاي حساسات أمامية حساسات خلفية كاميرات 360 درجة دار مايدور عشان الله يسلمكم كل دي تعمل حاجة وحده اللي هي تعمل حاجة وحده اللي هي هذي كلها أنه تشوف العوائق اللي قدامك اللي وراك أنت اللي من شايفها تبتدي تشوف كل حاجة وتغطي لك كل السيارة حتى لو فيه سيارة جايه من وراك وأنت بترجع حتفرمل أنت ماشفتها لقطها هي حتفرمل لوحدها فكل دا بيساعدك أنه الحامي الله بعد الله سبحانه وتعالى بتحميك أنه ممكن حادث يصير بتخش في مناطق جانبية بتديك إنذار إذا حتخرج من الخط حقك بترجعك في المسار حقك فاللينغ بارتشر الخروج من المسار هيد أب سبلاي مناطق عمياء مناطق ذكية صارت طبعاً كل شركة تختار لها اسم نوعاً ما وتسميه الأنظمة حقتها هو هنا وحده يسموه drive wise قُد بحكمة أو قُد بحذر هذا طلعوه نظام أعلنوا عنه في السنة اللي فاتت في أمريكا وهذا اللي هو كشركة شقيقة أو تحت مظلة شركة كيا وهيونداي وهذا الله يسلمكم عملية كل الإلكترونيات أيش ماكانت كيف ماكانت اللي تساعدك بعد الله سبحانه وتعالى وتحميك إنك ماتوقع في حادث طبعاً ياجماعة الخير إحنا هنا بنتكلم عن الشخص الواعي اللي يهمه ربط الحزام ويهمه أما اللي يسوق بتهور بيفحط وبيرمي يمين وشمال هذا الله يعينه على نفسه لكن بتكلم على الناس اللي هامتها حياتها وسلامتها وسلامة الرُكاب اللي معاه في السيارة جوا وبرا في السيارات أو إن كان ماشي على رجوله أو في سيارة تانيه فهذي وحده من الأشياء الله يسلمكم المهمة في السيفتي والتكنولوجي اللي حاطينها.

طبعاً النظام السمعي حق السيارة الشاشة هنا قلنا غيروها من 300,000 إلى مليون بكلس؛ الكراسي الأمامية فيها تبريد وتدخين خليني أوريكم الشاشة هنا النظام السمعي حق السيارة 12 سماعة 640 واط الله يسلمكم وعندنا هنا تسخين وتبريد الكراسي وعندنا درايف auto ahold عملية توقف السيارة طلعات ونزلات الفرامل أوتوماتيكياً تشتغل طبعاً لو أنا خارج من المسار حقي وبنقل على مسار تاني السيارة حسب وبيشتغل واحد من الجوانب الفرامل بتشتغل فيه عشان ترجعني مكاني تاني مرة وهنا مثلاً كيف طريقة السواقة أبغاها كمفورت أبغاها مثلاً هنا وضعية الإقتصادية هنا الوضعية السبور حطيناها هنا على الوضعية الذكية اللي هي بتشوف أيش محتاج في الطريق وهي تقرر عليه ففيها شوية أشياء ماشاء الله جداً ظريفة السيارة.

أنا فيه وحده من الأشياء البسيطة اللي اتمنى ينزلوها إلى الآن مانزلوها للكار اللي هي الأبل بلاي أنه السيارة لما تشبك التلفون حقك الأبل فيقوم يشتغل عليها؛ عندنا هنا الشحن الموجود تحت حق الجوال أتوماتيكيا من لما تحط الجوال حقك على الآلة حقته يشحن أوتوماتيكياً وبيديك إشارة هل هو بيشحن وألا خلّص شحن وإلا لاسمح الله فيه عُطل في عملية الشحن وماتمت.

من الأشياء الجديدة حلوة وجميلة الله يسلمكم اللي عاملينها في القزاز هنا عشان لايطلع أحياناً مع إختلاف الحر الشديد والبرد الشديد عشان لايطلع يخبط القزاز فوق فعندنا هنا في المنطقة ذي السرعة متغيرة هنا المنطقة السرعة ثابته هنا أرجع يصير السرعة متغيرة فتبطى سرعته أو تزيد فيعني كأناه ثلاث مرات متغير ثابت متغير عشان ماتلاقي القزاز وهو طالع معاك فوق وتسمع فجأة صوت طق أو خبط او شي زي كذا ماهي حلوة فهذي كمان من الأشياء الإضافات الجديدة اللي عاملينها في السيارة من اللمسات الجميلة فعلاً فعلاً يعني اللي يشوف شركة كيا قبل عشرة سنين أو هيونداي ويجي يشوفها الآن لا صار فيه فرق في التصميم في السيفتي في المحتوى حتى عملية التعاون أنه هم يعملوا أب سكير بيرفعوا السيارة حقتهم من خصوصاً أعتقد عندنا الجماعة حيفهموا دي الكلمة جداً هذي كوري هذي صيني الآن لا بيرفع لك الكوري زي ما أبتغت لكزس في وقت من الأوقات كانت كامري منفخ في التسعينات كنا نسمع الكلام دا الناس تضحك وتتريق والآن صارت واو علامة فخمة ياجماعة بيسلكوا نفس الطريق أنه بيرفعوا من أنه مجرد منتج لكزس ممكن أنه تم الإستهزاء فيه لفعلاً منتج فخم وراقي وكلاس أتمنى طبعاً الأمور هذي يوازيها ويكملها عملية الصيانة والضمان والأمور التانية ذي كلها عشان فعلاً تاخذ الحيز لأنه فعلاً الإستثمارات الموجودة رهيبة إن كانت تقنية أو تسويقية أو تصميمية في السيارة فأتمنى الباقي يكمل وراها.

السيارة خلينا نتكلم عنها 4770 مل نفس البُعد أو الطول السابق؛ العرض 1870 أزود بعشرين مل؛ الإرتفاع 1470 مل أقل بخمسة مل والشاصية 1855 اللي هو أطول في فئته من الأفالون والإمبالا واللكزس الأي أس 350. السيارة مقارنة بالموديل القديم باين فرق كبير جداً من ناحية جمالية كشكل طول عرض إرتفاع وجود السيارة أو شخصيتها نفسه لما تشوف السيارة جايه من بعيد ماشاء الله شكل جمالي حلو جداً؛ المواصفات جداً جميلة في السيارة اللي حاطينها فيها من أجمل مايمكن طوروا فيها كثير كنت أتمنى على قد الـ 8 الجيربكس 8 سرعات فعلاً كنت أتمنى شوية عزم رياضي أعلى كمان عليها 290 حصان فعلاً مع 8 سرعات لو فيه شوية عزم رياضي إضافي السيارة حتعمل إنجاز ماحصل نفس المواصفات الحلوة الجملية موجودة من أول بس بشكل إضافي وأحسن رحزوا على حكاية السيفتي على الصلابة على عزل الصوت وعلى الشكل الجمالي لأنه السيارة كشكل عام ليها شخصية أفضل كل ذا موجود حتى جلد النابا اللي موجود جوا من أفخم أنواع الجلد اللي فيها؛ خلوكم معانا اليوم طول ما أحنا ماشين راح نكمل أيش راح نصور لكم عن السيارة هنا وهناك لقطات مختلفة.

245,19 مقاس رياضي كسرات رياضية؛ كنا تكلمنا عن الشاصي أنه اطول 2855 مل فباين معانا طول الشاصي الكرسي أنا مرجعه لقدام لللآخر على ورا وعندنا في السقف أربعة أصابيع أو ثلاثة والرجول هنا فيه مسافة لابأس فيها ماشاء الله.

المُحرك الجي دي آي ماشاء الله عاملين مساعدات كويس عاملين مساعدات عشان الجو الحار مع أنه اليوم الجو بارد وحلو لكن لزاماً نتكلم عن منطقة الجو الحار في عز الصيف كيف الواحد لاسمح الله اضطر يفتح الكبوت راح يلاقي أصابعه تنحرق.

راح نقرب منها مفتاح الجيبو من هنا لمسافة 30سم من الجنبين يمين أو شمال ومن ورا لمسافة متر لمدة ثلاث ثواني الشنطة ممكن تفتح طبعاً هنا علامة الزي زي ماكنت بقول الزي ماشي من قدام وآخذه نفس الحزام حق الكتف شوفوا الحزام الله يسلمكم يكمل معانا في التصميم وينزل هنا ويرجع يكمل معانا حرف Z هنا؛ مسند الركب من تحت أو الرجول من تحت جميل.

ماشاء الله تبارك الله بشكل عام على وقت ضيق سقناها اليوم رائعة زر تشغيل كهرباء سيفتي كل شيء في السيارة الهيد أب سبلاي المناطق العمياء السيارة من أجمل مايمكن؛ لون السيارة الجديدة نازلة 2017 في حكاية الليند بارتشر الخروج من المسار والكاميرا شوية ماراح تنزل في أول دفعات في الشرق الأوسط إن شاء الله راح تجي في دفعات جاية قادمة المصنع قالنا الكلام دا أنه جاية بس في دفعات قادمة بشوية لقدام.

السيارة زي ماقلت جداً جميلة ؛ السعر من تقريبا86 / 89,000 إلى حوالي 136,000ريال سعر تنافسي على قد أنه السيارة فيها بصراحة كمية مواصفات في سيارات فخمة أغلى منها بكثير مافي. 136,000 حط السيارة على مرحلة ودي بنشوفها أحياناً في الألماني تلاقي الإي كلاس مثلاً فيها الفول أوبشن تلاقيها تطلع على السعر أعلى من الإس كلاس أقل نوع فهنا الأوفر لوفينغ في البرايس اللي هو عملية تداخل في السعر؛ على قد أن السيارة حلوة وبتزود السعر يمكن حطها على عتبة الجينيسيس مقارنة بسيارات أكبر منها فعلاً سعر الفول أوبشن بس كمية المواصفات بصراحة الموجودة في السيارة كلمة رائع قليل يعني أنا عجبتني حركة الجيربكس 8 سرعات عاجبني تصميم السيارة عرض السيارة الإضافي العشرين مل والطول زي ماهو وخفضوا السقف خفضوا الجلوس وحسنوا من السيفتي من تحت والمنافسة اللي ورونها هي الأرقام مع المنافسين جداً رائعة وجداً ممتازة يعني أدت السيارة كشكل محتوى أنه السيارة واقفة ليها هيبة ليها شكل جمالي ليها منظر فعلاً anyway تشوف السيارة جايه من بعيد يعني أنا قاعد أطالع في المرايا وأنا سائق أشوف السيارات اللي ورايا والمرايا اللي هنا وإلا فعلاً شكله حلو.

ختماماً.. أيش الأشياء البسيطة الهايفة جداً على قد ما أنا معجب في الإيرباقات متروكة في كل مكان الدركسون تحكم يدوي على سيارة زي كذا أعتقد أنه الكوريين شوي خايفين أنه السيارة تطلع مرة حلوة لدرجة أنه ممكن تأثر على أختها الكيا الكورس اللي أكبر منها وإلا السيارة it have what a test كل اللي محتاجته زيادة الـ 290 حصان رائعة كنت أتمنى أنه 300 / 300 بكسل حصان طلبت من الجماعة قلت ياريت تحطوا لنا كمان المُحرك الأربعة سندر التوربو ؛ 250/ 260 حصان أو شيء زي كذا بحيث أنه يصير 3 درجات اللي يبغى أربعة سندر توربو فيه الـ 3300 اللي هي الإمبي آي اللي هي 270 حصان وفيه الـ 290 حصان ياريت الـ 290 حصان تطلع شوي فوق الـ 300 حصان أو يكون فيه فرع رياضي إكسسوارات وضغط للماكينة شوية يكون مثلاً كأحصنة عزم أعلى غير كذا بصراحة السيارة فعلاُ فعلاً اللي حبوا ينافسوا الياباني التاني في عملية الهدوء حطوا الهدوء حبوا ينافسوا في العزم مع الماكسيما مثلاً حط لك العزم حق الماكسيما الوسع حق الإمبالا والأفالون من جوا وأوسع كمان؛ اعطاك السيفتي أوروبية تماماً بس حتى لما أعطاك العزم حق الماكسيما ماأعطاك هو العزم بقساوة مساعدات لا أداك هي بشكل ناعم كذا قال لك أديك ماكينة رياضية بس هي درايف أعتقد لو شالوا كلمة كيا قدام وحطوا علامة سيارة تانيه أفخم السيارة تعدّي بكل راحة وبكل أريحية من كمية الأشياء الموجودة جوات السيارة أنا أرفع لهم القبعة.

أتمنى يواكب الشيء دا خلال الثلاث سنين اللي جايه يواكبها فعلاً دعم من المصنع للوكيل لمنطقة الشرق الأوسط ونلاقي فعلاً العُملاء مبسوطين في الصيانة وقطع الغيار وفي السيارة؛ السيارة فيها اللي يخليها تعيش فيها اللي يخليها تمش معاك بس ياجماعة الخير لاتاخذ سيارة تحرقها وتقول ماعاشت خليك منتظم في سيارتك خلّي أمورك ماشية كويس وبإذن الله السيارة راح تعيش معاك كويس أما بشكل عام السيارة تحسنت بشكل كثير وخصوصاً الحاجة اللي يسموها إن في أتش اللي يسموها في عملية القساوة إزعاج الصوت من الأسفلت الأمور هذي كلها فين كنا في كوري يعني بالمعنى اللي كانت الناس تعرفه وفين الآن لا والله واو سيارة كورية فيه فرق كبير في الزمن وفي المفهوم واتمنى الجماعة يكملوا أسلوبهم دا واتمنى السيارة تاخذ نصيبها في السوق وشكراً لكم متابعتكم شكراَ.

Tags:

كادينزا

حسن كتبي

نوع المقال:

فيديو