Ad

تجربة لكزس ار اكس 350 اف 2016

فيديو يوتيوب: 

تجربة لكزس ار اكس 350 اف 2016 

السلام عليكم ورحمة الله وبركاته.. اليوم معانا لكزس ار اكس 350 اف سبورت 2016؛ خلوكم معانا اليوم إن شاء الله راح ناخذكم على التحسينات والتجميلات اللي سووها في المودي الجديد. السيارة هذ وحده من أكثر السيارات لكزس مبيعاً في العالم يمكن إحنا عندنا هنا اللكزس أو التويوتا عموماً مركزين على الكامري مثلاً الكامري برضوا مبيعاتها عالية برا

--

السعر

192 – 250 ألف ريال

51200 – 66666 دولار أمريكي

--

عندنا مثلاً لكزس 570 من المبيعات العالية هذي من المبيعات العالية جداً في العالم كله؛ خلوكم معانا اليوم لأنه السيارة صراحة فيها مميزات جداً فيها مميزات حلوة من أول وشوية عيوب حسنوا العيوب طوروها جملوها وطولوها صارت شكلها أحلى وأنعم من أول بكثير راح ناخذكم اليوم لفة كاملة على السيارة خلوكم معانا.

السيارة هذي الله يسلمكم أيش التعديلات اللي عملوها فيها؟ طبعاً السيارة مبنية من شاصية هذا أول شيء هذا الجيل الرابع إبتداء من عام 98 مبنية من الشاصية تويوتا بريفيا الفان العائلية تجي دفع أمامي سحب أمامي ودفع رباعي؛ الجيل الرابع وهذا الجيل الرابع الله يسلمكم أيش اللي عملوه فيه مقارنة بالأولاني.

أولاً: الشاصيه صار أطول؛ طول السيارة زاد؛ تصميمياً الإيبلر والبيبلر هذا الإيبلر بيبلر والسيبلر صارت أرفع وأسخف كرفع كمان كشكل أجمل؛ السقف نفسه علي شوية والسيارة حبوا يركزوا عليها أنها ما تتصرف كأنها كروس أوفر و إس يو في سيارة فان أو سيارة جيب حبوا أنها تكون أكثر تصميمياً وفعلياً كأنك بتسوق سيارة سيدان الإهتزازت أقل نعومة أعلى شركة لكزس إذا بنركز على كلمة نعومة فهم فعلاً تويوتا دائماً عموماً ولكزس يمكن خصوصاً تحاول دائماص تكون سياراتها مابدي أقول يمكن لها الهوية الواضحة البصمة الواضحة تماماً زي السيارات الألمانية الـ DNA تحسوا أنه واضح تماماً حتى في التصميم شوية الآن أبتدوا ياخذوه لكن دائماً ديدنهم كانت حكاية النعومة فنانين في الناحية دي النعومة وعزل الصوت وهذا اللي مسوينه في السيارة هذي هنا.

طبعاً اللمبات ماشاء الله LAD من أجمل مايمكن التصميم؛ على قد ماتصميم السيارة حلو وعادة يمكن أنا قاعد أطالع في السيارة خذوا بالكم عاجبني شكل السيارة يعني علشان لاحد يفهم كلامي غلط أنه لا والله ما عجبتني؛ عاجبني شكل السيارة بس عادة ملاحظ حاجة وحدة في الرسوم دائماً لما يجوا يعملوا الموديلز الكلي اللي معمول من صلصال وينحتوا السيارة بتلاقي واحد فنان في النحت يا دوب سكينة صغيرة هنا موس هناك حاجة كذا يا دوب ينحته نحت خفيف هذي تحسه واحد سيف ساموراي وجاي قطع في السيارة زوايا حادة كثير؛ مسطحة كثير لكن هل هي وحشة أنا ما أعتقد أنها وحشة أبداً بالعكس أعتقد شكلها جميل عاجبني وإن كانت الزوايا أحسها يمكن زوايا كثير؛ إن كان هذي أو في تويتا بريوس يعني أفتكر رحلة اليابان كانوا بيسألوني بعد ماخلصوا التصوير أيش رأيك في تصميم البريوس وقلت كسيارة إنسيابية, سيارة عبقرية السيارة الهدف اللي معمولة منه رائعة؛ اللي صمم السيارة مصممة الظاهر أكرمكم الله كان عنده مغص إمساك فعلشان كذا التصميم شوية طلع يعني زي مابيقولوا زوايا حادة مسطحة كثير؛ لكن أنا أترك الشكل لذوقكم وخلينا نكمل أمامنا حالياً سيارة جميلة خلينا نكمل في السيارة اليوم باقي تفاصيلها. الآن الله يسلمكم إذا بنتكلم على أبعاد السيارة: طول السيارة 4890 , العرض 1895, الارتفاع 1690, وزن السيارة من 2010 إلى حوالي 2085؛ من ضمن التطويرات والتحسينات اللي عاملينها في السيارة عندكم الله يسلمكم المُحرك 6سلندر 3500 سي سي اللي موجود عالكامري اللي موجود على لكزس ال اي اس على باقي عائلة تويوتا ولكزس مُحرك عبقري وممتاز بس هنا أخذوا خطوة أحسن بدل ما 275 حصان زي اللي موجود في ال اي اس رفعوه لـ 296 حصان يادة مشكورين عليها أعتقد محتاجتها السيارة ذي لأنه خصوصاً منافسينها كلهم فيهم أداء رياضي ونفس رياضي؛ الجيربكس أخيراً الحمد لله كمان زيها أختها الكبيرة ال اي اس 570 صار 8 سرعات المفروض أنه منعكس كمان هذا إيجاباً على عملية صرفية البنزين أنها تكون أحسن.

الله يسلمكم باين أنه السيارة أطول أجمل أنعم؛ التعديل الرياضي صار فيها شوية تعليق رياضي في اس سبورت فئة رياضية زودوها أحصنة صارت 296حصان على 6300آر بي إم والعزم 37,7 يعني سبعة وثلاثين فاصلة سبعة على أي حال أربعة آلاف وكسور؛ الجيربكس 8سرعات؛ طبعاً مازلنا في حتة معينة سيارة أرجوكم ماتفهموا الوصف دا برا الوصف دا مشهور ومعترف فيه تماماً يسموه it is a girly care بمعنى تبغى سيارة حقت يعني خذوا بالكم ستات وكل الرجال برا بالعالم يسوقوا ففي التصميم بياخذوا بعض المصطلحات ماتعني إساءة فبعض الناس تلاقيه حساسه مرة على أي كلمة لا كيف بياخذوا السيارة بقلبه خذها بمنطق العاطفة أنا أتركها وأحترمك تماماً بمعنى السيارة لما تكون عفشة وقاسية تماماً المقصود فيها يمكن سيارة رياضية سيارة سبورت سيارة حقت رجال فمخصوص فيه بعض السيارات بيستخدموها بعض السيارات يستخدموها عوائل ست عندها أطفال بتوديهم المدرسة بتجيبهم من المدرسة بتروح البقالة بتجيب المقاضي فالسيارة لازم تكون نوعاً ما مُراعية أنه ست بتستخدمها فيه سيارات حتى كمان برا مخصوصة للستات لوحدهم فهذي كانت أعتبرها من ضمن السيارات الأكثر مبيعاً ليه لأنها شوية it is a girly care جايه نعومة لطيفة حلوة ظريفة سيارة مدينة من الطراز الأول النعومة فيها مركزين عليها الفخامة الدلع كل شيء موجود عندك؛ ماشاء الله فيها نافيجيشن ماشاء الله حجم عائلي زي اللي شفتوه في الـ 570 شيء يملّي العين حاجة تفرح القلب كذا الواحد يحس نفسه بيتفرج على شاشة كبيرة. سعرياً السيارة تبتدي من 192 ألف لغاية 50 ألف ريال حسب الدرجة اللي هي فيها؛ فيه فئة منها هايبرد كمان فشيء كمان ممتاز عشان التوفير في البنزين وأكثر شيء بمعنى أصح تقنية الإنبعاثات السامة وتطويل مدى السيارة والمحافظة على البيئة؛ خلوكم معانا اليوم نكمل فُرجة على السيارة ونعطيكم أيش التعديلات اللي فيها. طبعاً الإس سبورت والجنوط العشرين ركزوا على عملية القصور اللي كان في الموديل السابق شوية عدم الرساوة فحاولوا حسنوه الآن بتعليق أذكى وتغير وزي مابيقولوا أيش الفئة السبورت منهاخلوكم معانا. هذا الآن الله يسلمكم مفتاح السيارة أهو بمنتهى البساطة المفتاح المُعتاد حق لكزس. باين معانا ماشاء الله طول الشاصية وطول السيارة الإضافي باين معانا ماشاء الله فيه عندنا هنا فيه عندنا أبو أربعة أصابيع خمسة أصابيع؛ السقف كمان نفس الشيء؛ أي واحد طوله متر وثمانين أنا أعتقد أبدعوا بصراحة في الناحية هذي فعلاً فيه عندنا أشياء.....

معليش السيارة ماشاء الله دوبها مخلصة التمرين يادوب 1700 كيلو؛ فتحات تكييف خلفية ماشاء الله السقف فتحتين بانوراما هي كانت قطعة وحده؛ ساوند سيستم؛ تويترز اللي فوق والسبورفو اللي تح السماعات؛ الكراسي تتطبق بالكهرباء؛ الشنطة بزر من عندنا؛ السيارة جميلة بصراحة اللي عملوه فيها الشغل أحلى بكثير من الموديلات السابقة. وحده من الأشياء الحلوة في السيارة الله يسلمكم في السيارة علشان بس تفتح الشنطة كويس كفاية يكون معاك المفتاح تحط يدك هنا فدام العلامة هي تفتح السيارة وحدها؛ طبعاً حلو لو أنت يد وحده فاضية لو أياديك الأثنين مليانه ازلت أفضل أنه أيش إنك رجلك من تحت تتحرك زي الكوريين لكنها برضوا حاجة فكر حلوة عملية؛ عندنا حساسات خلفية؛ كاميرا خلفية.

هذا المحرك حق السيارة القلب النابض عاجبني طبعاً دائماً الملاحظة اللي أقولها دائماً أنه فيه الحمد لله فيه مساعدات حقت الدركسون أهي من ناحيتين شيء ممتاز؛ المُحرك تحت؛ الطُرمبة (7:41) باينه هناك أهي 296حصان، دفع رباعي، أتوماتيك.

ماشاء الله تبارك الله علامة الشبك الأمامي حقت اللكزس حجمه كل ماله بيصير حجم مُرعب، حساسات أمامية موجودة عندنا هنا، كاميرا أمامية موجودة عندنا هنا كمان كاميرا موجودة.

الجنوط عندنا 235 55 R20 ومازلت شوية نوعا ما شايف الفرامل الخلفية الهوبات حقها صغيرة؛ نرجع ثاني مرة نؤكد أنه هذي السيارة فيها نفس رياضي بس ماهي السيارة الرياضية من الطراز الأول المقصود فيها أن السيارة تكون ناعمة سيارة مدينة مش لأداء رياضي عالي لكنها السيارة جميلة في كل الأحوال. شاشة النافجيشن ماشاء الله تبارك الله يعني إيه حاجة أيه حلوة تفتح النفس حجم رهيب.

هذا الجيربكس 8سرعات؛ الماوس أحياناً يكون شويه مكانها مع أي حركة بتتحرك؛ عندنا هنا الله يسلمكم الدفلوك حقت التغيرز ووفص تحكم التماسك تغيير التعليق حقت السيارة من عادي لرياضي لرياضي بحت أو إقتصادي؛ الكراسي مخرمة ماشاء الله جميلة؛ ماشاء الله فتحة السقف.

الكراسي الخلفية والتحكم فيها بالكهرباء تطبيقها باكهرباء؛ مافي صف ثالث للكراسي شنطة فيها مكان للمقاضي لأي شيء أنت حاب تحطه فيها مساحة لابأس فيها تروح هنا مساحات يعني حتى لو راحت بالطول شوية أقصر عندك مسافة عرض كبيرة وإرتفاع ممكن لفوق وعندنا هنا أزارير حقت الشنطة الله يسلمكم أهي. الفرامل آآآح شويه بتسخن لا بأس فيها أعتقد زمان نفس الملاحظة اللي عندي كانت على حكاية الهوب الخلفي صغير لكنه لابأس فيه؛ طالع نازل حسب الحفر والمطبات لكنه لابأس فيه أبداً هذا مستوى الإزعاج حقه 60,0.

الله يسلمكم إحنا الآن في سواقة اللكزس ار اكس 350 2016؛ السيارة فعلاً جميلة فعلاً مدلعينها السيارة فيها مواصفات من أجمل مايمكن, مناطق عمياء، جيربكس إليكترونيك، تحكم كهرباء، كراسي كهرباء، هيد أب ديسبلاي، خروج من مسار يعني السيارة فيها كل شيء طبعاً كاميرات جانبية؛ طول الشاصية اللي حسنوه فيها على قد ما أنه أحس الثبات حسنوه في السيارة والتعليق أيضاً حسنوه مازالت راح أرجع أقول السيارة يها نفس رياضي ماهي المقصود فيها تنافس السيارات الألمانية أو حتى الإنفينتي من الناحية الرياضية الأوروبية من الناحية الرياضية؛ كنعومة فخامة دلع حدّث ولا حرج جميلة السيارة يعني فعلاً أنا برفع لهم القبعة عشان كذا قول جماعة لكزس لهم فترة الجماعة بيحسنوا كثير وبيصلحوا أمور كثير ي السيارة برافوا عليهم بس السعر في الناحية الثانية السعر الله يسلمكم نوعاً ما د يكون مرتفع شوية لأنه فيه منافسين كثير إذا جينا شفنا اللينكنغ إذا جينا شفنا الكاديلاك اكس فايف الجديدة اللي راح تنزل إذا جينا شفنا الألماز وشفنا الطوارق وشفنا مرسيدس جي ال اي وشفنا البي ام دبليو فيه لستة طويلة من المنافسين اللي ممكن توقفك تقعد تتفرج وتتأمل في المواصفات في الفرامل في الثبات في السرعة في الفخامة في في في في أشياء كثير راح تقول والله لكزس الوكيل قوي طول عمري أقول وكيل لكزس عبد اللطيف جميل تويوتا وكيل قوي جداً قطع غيار متوفرة بالعكس يعني أرفع له القبعة من الناحية ذي أنا خلافي كان دائماً على مرحلة يمكن فالي فور مني والسيفتي تدفع كم وتاخذ مقابله أيش والسيفتي أنه كل ماتكون السيفتي أقل تدفع أكثر عشان تاخذ سيفتي أعلى وذا مرفوض المفروض كل شخص حتى اللي عنده ميزانية أو اللي ماعنده ميزانية ياخذ سيارة سيفتي كاملة؛ هنا كل شيء ماشاء الله عالأقل في الفئة ذي طبعاً أنا من ضمن الفئة العُلياء أو اتوقع أن اسم لكزس المفروض كل الفئات حقتها ن الدُناي للعُلياء راح يكون فيها مواصفات أمان كاملة.

ماخذ السيارة الوحيدة ذي حاجتين: إذا أنت وذا الأولاني له مقياسين إذا أنت تعرف أن السيارة فخمة وناعمة وسيارة مدينة ودلوعة اراح تكون عندك مشكلة إذا لا والله قلت لا أنا والله حابب آخذ سواقه رياضية ونفس رياضي شوية الفرامل والملفات شوية على سرعة عالية لأنه يمكن ابتدت من الشاصيه ناعم اللي هو حقت تويوتا بليفيا ماهي معمولة حقت كذا فيمكن هنا العيب مو في السيارة العيب في السواق إذا استخدم السيارة خلاف لماهية عملها أو الفئة تبغى سيارة رياضية وفيها القساوة للسيارات الرياضية حول لمنافسين كثير مرة.

طيب.. أتكملنا من ناحية السعر أن السعر ذا بيحط السيارة في فئات مع سيارات منافسة أنداد لها أقوياء وما بيمزحوا أسماء كبيرة وراح تكون خلينا أقول في أحسن الأحوال المنافسة راح تكون حامية بينهم وشديدة؛ الآن لا والله أنت بتدور عالريسل فاليو بسعر إعادة البيع ووكيل قوي أعتقد الإختيار واضح تماماً.

ختاماً.. أتمنى أن شاء الله قدرنا نعطيكم كذا أيش يعني زي مابيقولوا صورة كاملة على السيارة فعلاً أنا مُعجب في السيارة وإذا أبغى السيارة عاقلة ودلوعة كذا وجيب صغنطوط جميل؛ الماوس نوعاً ما في مكانه ما أحسه كل شوية يلعب يمين وشمال ماهو في مكان واضح تماماً أما غير كذا عفواً في الكلمة ذي حتى الماوس مكانه أو أنه تحرك حاجة هايفه ماهي شيء يعني ليه إعتبار أو ذي بال وغير كذا كل شيء ممتاز في السيارة الله يهني اللي شريها السعر أنا أعتقد هو شوية ممكن يكون فيه حاجز تحدذي شوية لا أكثر ولا أقل أما غير كذا ماشاء الله السيارة رائعة؛ شكراً لكم متابعتكم ولي تجارب ثانية كثير وشكراً لكم.

وبالمناسبة كمان رمضان أقل من شهرين فمقدماً كل عام وأنتم بخير ورمضانكم كريم يارب إن شاء الله ورمضان رحمة ورمضان مغفرة بإذن رحمن رحيم يارب إن شاء الله وشكراً لكم.

هذي الله يسلمكم إضاءة اللكزس من جوا الإضاءة مطفية الآن هذي عندنا العداد حقت الجيبورس القوة الجاذبية جانبية طولية عرضية حقت التسارع؛ عندن الآن خلينا نشغل الإضاءة حقتها لاحظوا مافي إختلاف في الإضاءة لما بتشتغل من جوا ومن برا لأنه ماشاء الله السيارة منورة في كل الأحوال فيه حتى هنا كمان إضاءة عفواً هنا إضاءة جانبية جميلة موجودة في الفريم حق الأبواب وعندنا هنا في القزاز إذا شايفين الهيد أب ديسبلاي بحاول أقربه إذا واضح أو لا أهو الكتابة حقت الهيد أب ديسبلاي بالأبيض شايفين الخط بالأبيض هذا هنا هذا هو الهيد أب ديسبلاي؛ داخلية السيارة زي ما إحنا شايفين وطبعاً الله يسلمكم الفئة الأعلى يجي فيها خروج من المسار وبعض إضافات المفروض أتوقع كان المفروض تكون على سيارة 235,000 ريال يكون فيها خروج مسار لكن فيه فئة أعلى بـ 250,000 يجي فيها الإضافات النهائية الأخيرة اللي ماهي موجودة هنا؛ كويس عندنا الحمد لله هنا مناطق عمياء موجودة كمان.

نوع المقال: 
فيديو