تجربة هيونداى سوناتا ٢٠١٥
|
اليوم معنا تجربة الهونداي السوناتا 2015..
اليوم ادوشكم بكم معلومة كذا طريفة مضحكة شوي..
أصل الشعب الكوري من فين؟
على اللغة الكورية؟
على كلمة هونداي؟
وعلى كلمة سوناتا, أيش معناها؟
خلوكم معنا وإن شاء الله تونسكم التجربة اليوم..
اليوم خلونا نتكلم شوية قبل ما نخش السيارة وتفاصيلها ونغرق فيها وحلاوتها, خلينا نتكلم على شوية أشياء بسيطة.
انا كنت أعتبر الشعوب اليابانية وشعوب شرق آسيا عموماً هناك تره الشعوب أدب في شرق آسيا اللي قابلتهم, اليابانيين كنت اعتبرهم مؤدبين جداً إلى أن قابلت الكوريين.
ما أقدر أقول اليابانيين غير مؤدبين ولكن بصراحه أدب شعب شفته في حياتي كلها على قدر شفت شعوب كثير أقدر أقول من العالم كله شفت ناس, لكن الكوريين أدبهم.
الكوريين من فين كشعب تاريخيا "بدون ما نضحك" من الشعب الذين كانوا يتنقلوا في شرق آسيا يسمونهم وفي أوروبا يسمونهم "الغجر" فكانوا يتنقلوا هنا كثير وختلطوا ووصلوا كمان مع الصينيين فكونوا دويلة صغيرة, ولهم حضارتهم في جنوب شرق آسيا.
لغتهم – حتى ما كان عندهم حروف – حتى واحد من الملوكهم يحبون أكثر ماني فاكر أسمه عمل لهم الحروف حقهم وابتدأ كشعب يصير لهم ثقافة محددة.
طبعاً من ضمن الاشياء اللي كنت اضحك عليها يعني "المضحك المبكي" كل ما اروح على الاثار حقهم فيقول لك والله هذه العائلة المالكة حقنا الحمد لله قتلهم اليابانيين, اليابانيين ما خلوا أحد جنبهم في الغزوات إلا ما هلكوهم هلكوا الصينيين, هلكوا الكوريين ما خلوا أحد إلا ما عدموا العافية عشان كذا امريكا خبطتهم بقنبلتين ذرية مو وحدة حتى يتوب.
فكل ما يقول لك العائلة المالكة وهذه القصر حقهم, طيب فين القصر, لالا هو كان هنا بس حرقوا اليابانيين فنحن نبني من أول وجديد, فكل الاثار اللي ورونياها هي كانت كدا.
وضمن الثقافة حقهم مضحكة دائما القبور حقهم يحطوها على مناطق العالية على أساس الروح لما تطلع تصير أسرع للسماء, وكان الملك اللي يعتبروا شرير عندهم أو شيء زي كدا ما يفتحوا قبروا والملك اللي يعتبروا طيب يفتحوا قبروا ويطلعوا أثاروا, فأقول لهم حتى سيء الاخلاق في الدنيا والاخرى ما فتحوا قبروا ما علينا.
خلينا نخش على كلمة "هيونداي" هيونداي باللغة الصينية الكورية معناها العصر الحديث أو العصر الجديد, وكلمة "سوناتا", سوناتا أيش معناتا؟, هي كلمة متأخذه من اللغة الاتينية اللي هي السوناري والكنتاري بالإيطالي تجي سوناري وكنتاري, أيش السوناري والكنتاري؟, هي بمعنى الغناء أو المعزوفة الموسيقية, فكونشيرت والوصلة الموسيقية, فهذه هي السوناتا بمعنى معزوفة موسيقية.
وبصراحة من 2015 هنا أقدر أقول لكم راح تكون معزوفة حلوه جداً جداً إن شاء الله.
السيارة تصميمياً حسنوا فيها الشيء الكثير جداً, حسن عزل الصوت, جودة المواد الخاملة الموجودة جوة, المكينة هي, هي الاولانية , 2400 CC , 185 حصان/ 6000 -2000 مع 6 نمر الكير الأوتوماتيك تبعها إلكترونك, والتصميم أخذوا فاصل 27 على مقياس cdx.
إذا أخذنا أيس يعني 27؟, الـ 27 يا جماعة الخير يعني مثلا إذا أخذنا سيارة اللكزس أو المرسيدس الاسكلاس والمكزس 460 السيارات الفخمة الاودي اللي تدفع خلي نقول متوسط تدفع فوق 400,000 ريال, المقاييس حق السيارات هذه على الانسيابية, طبعا الرقم هذا كل ما يقل كل ما يكون أحسن فاصل 25 فاصل 28 فاصل 29 السيارة هذه فاصل 27 على السيارة سعرها من حاجة 70 ألف ريال فما فوق شيء رائع جداً, وخصوصا زي ما قلنا في منافسين حقونا فيوجن , المازدا 6, الالتيما ليها منافسين أقوياء في الفئة هذه من أمريكي على ياباني على كوري وغيره, لكن السيارة هذه بصراحة من ضمن السيارات اللي اكتسبت على صعيد المبيعات أخذت حجم لا يستهان فيه أبداً, وخلي نأخذ اليوم أيش الفرق معنا في السيارة هذه.
طبعا السيارة هذه لما ابتدأوا فيها عادة ابتدأوا من الموديل القديم وبدأوا يطلعوا لفوق, هذا الموديل القديم غسلوا يدهم منها تماماً, مسكوا الجينزس ونزلوا منها تحت, فراح نشوف كمان معنا في المواصفات الخلفية والامامية للسيارات.
الواجهة فيها شبه كبير جداً من الجينزس, الشكل انسيابي جداً فاصل 27, ولو نطالع هنا حق التصميم في السيارة غير أن الكبوت نازل نحت لهنا خذوا بالكم الحزام الكتف اللي فوق والحزام اللي جاي من الوسط شوفوا كيف ماشي إلى آخر السيارة, ويعرض شوية مع الباب الخلفي عشان يعطيها انسيابية عشان الكفر يدخل لجوة فيتغطى بأكبر قدر ممكن من جسم السيارة فيصير أنعم ما يمكن اختراق الهواء بأقل احتكاك, بأقل مشاكل مع الهواء وبنفس الوقت بأقل صرفية بانزين لأن المكينة كلها 185 حصان هنا فشوفوا الشكل الجمالي حق السيارة.
الكفرات تعتبر رياضياً 235 على 45 – 18 على سيارة سيدان عائلية أو من الحجم الوسط فما شاء الله المفروض هذه يعطيها أداء رياضي أكثر, يعطيها رساوا في الملفات وفرمله أفضال.
طبعا من الاشياء اللي سووها في السيارة أخذوا المكينة والكير بوكس الاولانية وحسنوا أشياء كثير, أكثر حاجة من ضمن الاشياء اللي سووها غير أنه عزل الصوت والمواد الخام أفضل من جوة بكثير, بتدأوا يلعبوا هنا في "A بلر" العمود أ , "B بلتر" العموم ب, "C بلر" العمود ج وسعوا ورفعوه وعلوه لفوق شوية, فكل اللي صار معاك يعطيك وسع من جوة, أضاءه أفضل, وتحس أن السيارة السقف أوسع , وعموماً وسع السيارة والجمالية حقتها والشكل والاضاءة والسراونك اللي هي مدى النظر حول السيارة كامل دائر ما يدور يكون أفضل بكثير.
زي ما قلنا السيارة أخذة من الجينزس كل ما في الموضوع المفتاح في الجيب والسيارة تفتح الجنطه لوحدها أيادي شايلة أكياس له شيء, فما شاء الله الجنطة – راح نصورها بشكل أوضح – فيه مساحة جوة , فهذه وحدة من الاشياء الحلوة في السيارة هذه عملية أنها أيش, يعني المراعاة للشخص سائق السيارة.
عندنا هنا أيضا الكامرة الخلفية, حساسات رجوع إلى الوراء, والجنطة جاية مسحوبة سحب مع السقف بانوراما مع انسيابية السيارة زي ما قلنا فاصلة 27 مبينه تماماً في عملية .., السيارة أخذه قالب جداً ناعم منحوت نحت.
هذا زي ما شايفين مفتاح السيارة شكلة حلو, هذه علامة هيونداي مفتاح فتح السيارة, قفل السيارة, الجنطة ونفس الشيء المفتاح الثاني.
وزنها 1485 كيلو, طولها 485 سم, وارتفاع 148 وعرض 186.
معلومة بسيطة ليش الشركات تنصح هنا بعملية تدوير الكفرات الوراء تجي قدام, والقدام تجي وراء أو على شكل X يحركوها؟, عادة لأن السيارة ما تكون متوازنة الوزن بالكامل القدام والوراء 100% أو 50 – 50 وعملية الدركسون فيه قدام تتحرك الكفرات فيصير عليها جهاد أضافي خصوصاً في سيارات الدفع الأمامي فيصير الكفرات مطلوب منها توجه وتتحمل الوزن غير الوراء, فالمختصر لهذا كله في عملية أداة التدوير حتى يكون التأكل متساوي بين الكفرات الامامية والخلفية.
على يدينا المكينة صغيرة بس ناعمة السيارة, كبيرة 1485كيلو الوزن ثقيلة تعتبر بس ركوبتها حلوه.
فرامل السيارة حلو وبكل صراحه معاك يمكن أنا اطمع نوعاً ما أطمع في عملية تكون دائماً الكليبرات أكبر والهوبات اكبر, يعني الهوبات يكون نفس الدسكات والكليبرات اللي هي الملاقط اللي تلقط الفرامل تكون برضوا أكبر, على قد ما يمكن دون 1000 حصان ما استخدم 1000 حصان بس اعتقد في شوارعنا راح يحتاج الفرامل حق الـ 1000 حصان لأنه ما شاء الله الناس عندنا تسوق على مبدأ قدامه 100متر فيريد يوصل بسرعة 100 كيلو بس قديش المسافة اللي احتاجها حتى افرمل أو فين يفرمل ما يفكر فيها, ومع ذلك السيارة حلوه فراملها.
اللي عاجبني كمان في عملية التحكم الدركسون اللي هو التلسكوب يدخل لجوه ويطلع لبره ويصعد لفوق وينزل لتحت وان كان يدوي, انا مفتقد عملية التعشيق اللي هنا وان كان التعشيق موجود تحت, وفيه حاجة حلوة عملية اللمبة النور الازرق على حرف D من يوم ما نعشق على الاسبور يقوم ينقل الاسبور إلى هنا.
في وضعية السياقة فيه عندنا ثلاث وضعيات عندنا الاقتصادية والايدية والرياضية , الان هذه الرياضية مبينه قدامنا كلمة رياضية, والاقتصادية وهذه العادية لا هنا ولا هنا.
الآن حنا جوة السيارة في اهتمام كامل نصب في المنطقة هذه هنا اللي هي الكونصول الوسطي اللي في النص لغاية تحت وفي العدادات لجوه , نوعية المواد الخام نفسها كمان حسنوها شوية, حتى البلاستك يعني صار تحس شوية أفخم من أول, عاملين شوية خشب في السيارة , طبعا السقف بانوراما مفتوح معنا.
طبعا الملاحظ أنه فيه نوعاً ما العزل الصوتي أحسن من أول بكثير وهو هذا اللي ركز عليه الشركة, زي ما قلنا أخذوا مكينة كير بوكس حطوها, حسنوا العزل الصوتي, حسنوا المواد الخام المعمولة جوه, حسنوا الانسيابية, حسنوا تصميم السيارة من بره خلوها أفخم وأفضل, نزلوا من الجينزس تحت وبما فيها أضافة المواصفات حق الجنطة الخلفية الريمونت كونترول اللي تنفتح لوحدها.
ونفس الجوه خلي نسميها السيمبلاستي نفس العدادات الموجودة صارت اكبر وأسهل للعين أنه الواحد على طول حتى وهو سايق يعرف مكان الزر فين ويضغط عليه ما فيه أزارير صغيرة الأن كلها واضحه أكثر بكثير من أول وأن كانت نوعاً ما .., انا عارف ان السيارة حقة الفئة الي هي منافسة سعرياً بس ما أنكر نكون طمعانين تكون الشاشة اكبر, اللمبات محطوطة ما هي زينه محطوطة .., الـ HID الهاي سدجن جارج .., الموضة القديمة بس الحين صارت ممكن طوروها للزنون أو لمبات الـLID لكن لا بأس فيها جداً بالنسبة للسيارة من هذه الفئة أنها تأدي الغرض.
طبعا السيارة هذه خلي نقول حاجة وحدة المضحك شوف الزمن كيف اختلف, ايام زمان كانت المرسيدس 81 , 500 على CL وكانت قمة التكنولوجيا 8 سلندر 5000CC كانت 245 حصان فكانت تصل إلى 100 في 8 ثواني, شوف فرق الزمن الآن والتكنولوجيا صارت 4 سلندر 2400CC 185 حصان تصل إلى 100 في 8ثواني فشوف كيف اختلف الزمن وكيف التكنولوجيا تطورت .
الفكرة هنا يا جماعة هيونداي حبوا يقدموا على الاقل في فئة السيارة هذه, حبوا يقدموا كل أنواع الفخامة الممكنة بسعر معقول, نرجع ثاني مرة قوة الكوريين في حكاية بالي فورماني, يعطيك مواصفات ومميزات مقابل السعر, فدائماً هم يدخلوا فئة يتعبوا نفسهم ما ننكر فيه كامري جباره في الفئة هذه في عندنا ألتما جباره في عندنا – الله يسلمكم – إذا دخلتوا على الامريكي طبعا قلنا الفئة هذه شوية ندمجة يعني 4 سلندر و6 سلندر الخط اللي بينهم صار بلوري ما عاد واضح صار كلها داخل على بعض, فأن دخلت الكامري وله الكراندي وله – أسف – الكامري وله الاورين وله الامباله وله التوروس وله كملت على الماليبو يعني صارت على قول أخوتنا اللبنانيين عجئه دخلت كلها على بعض زحمة كثير, بس الكوريين محل ما يخشوا دائماً يفجروا منافسيهم وأن كانوا أقوى منهم أو اضعف منهم في حكاية البالي فورماني, شوفوا حتى المواد الخام المعمولة من جوه انا بصراحة عجبتني يعني ما انكر, طبعا المقياس خلي يكون دائما.., في ناس تقول لك يا أخي تجربه ومدري وما قلت لنا عيوب السيارة, فيه عيوب إذا حبينا نسميها عيوب ما تبان معاك, فيه واحد عنده مشكلة في كهرباء المشكلة إذا نسميها كهرباء لازم يكون مثل مئات السيارات طلع معها المشكلة هذه حتى نقول انه عيب, السيارة نجربها على مسافة بسيطة لو نعمل والله زي الشركات اللي بره موجودة تقعد معنا السيارة يعطونها المصانع لأن الشركات أما بتشتري أما مصنع يعطي السيارة تقعد معا السيارة سنة أو سنتين يختبروها يومياً ويمشي فيها 40، 50 ألف لغاية 80 الف كيلو وبالتالي يقول لك أي نعم خلال الفترة الفلانية ستهلكت معنا كذا وعملت معنا كذا, أحنا نجرب السيارة على عجالة وياله ياله زي ما يقولوا كرماً من الوكيل أو من الناس نجرب السيارة, خلاصة الموضوع السيارة من أجمل ما يمكن في منافسينها أنا شايف ان راح تمثل خطر.
حابب أرجع أشوف ثاني مرة بصراحة الاكورد 4 سلندر الجديدة نجربها عشان تصير واضحة معنا في الصورة كمان, وإن شاء الله تتيسر معنا حكاية الكامري في التجربة عشان نجربها لكن عشان تصير الصورة أوضح من اللي انا شايفه الآن بين الفيوجن وبين المازدا وبين الالتما والسوناتا الجديدة فيه منافس شرس جديد اللي هو السيارة هذه, ما شاء الله من أجمل ما يمكن عاملين السيارة وفيها مواصفات كل اللي يحتاجها الشخص.
حنا قاعدين في الكرسي الوراني, بصراحة من زمان ما استمتعت في الكرسي الوراني انا قاعد كدا في الوسع دا, تضحكوا عليه بس انا مرجع الكرسي القدام لوره واللي يخطر على باله الحين ........... فمن وسعها, بعدين زي ما قلت نكمل باقي السيارات نشوفها إذا كانت وسيعه من وراء.
مميزات السيارة هذه قلناها, عيوبها كالاتي ما زالت نفس المكينة القديمة أتمنى كان يجبوا لنا مكينة 2000 CC توربوا موجودة بره 245 حصان و 275 حصان نزلوا الـ 245 شركة هونداي دخلت في عملية النضوج الميكانيكي أو النضوج الهندسي فما داع يركزوا على عملية السرعة القصوى والاداء الرياضي الاقصى, لا صار عملية أقل صرف بانزين أقل تلوث مع أعلى كفاءة عشان كذا صار يركزون عليه.
اتمنى يجيبون المكينة الاكبر, ما زال الكير بوكس شوية 6 نمر القديم, اتمنى يجيبون ..., طبعا الحمد لله مع السيفيتي وحافظوا على الـ 6 نمر المعتادا لكن يا ريت كان خلوا 8 نمر كان فيه تطوير فعلاً, فيه مساحة حلوه وره , من عيوب الكرسي القدام اللي جنب السواق التحريك يدوي مو بالكهرباء الافضل كان يكون كهرباء, التكييف من أجمل ما يمكن, واصل وره فتحتا التكييف هنا وقدام, الكراسي مخرمة عشان عملية التبريد أو مو التبريد بمعنى أنه فيها تكييف لكن خلي نقول عملية تتنفس الكراسي أنه الواحد ما يعرق ظهرة فلا هنا عملية التخريم زي ما حنا شايفين عشان يكون مرور الهواء جوه السيارة مع التكييف حق السيارة يكون أنعم وأفضل, نوعية الجلة .., ما اقدر أقول أنها زين جلد السيارات الفخمة مرة لكنه أفضل من نوعية الجلد الصناعي السابق, نوعيته باينه أفضل بكثير.
اتمنى شاشة بنفكيشن أكبر وأوضح , تكون ماني لمبات زيون أو لمبات ID بينها الموضة الجين والكوريين ما شاء الله سباقين في الاشياء هذه, لكن بشكل عام, بشكل كامل السيارة جداً جميلة , السيارة جداً حلوة واتوقع لها مستقبل جبار ومنافس مع منافسينها من الياباني أو الكوري أو الامريكي.
- يرجى تسجيل الدخول لإضافة تعليقات