تجربة هيونداي كريتا 2016
|
تجربة هيونداي كريتا 2016
السلام عليكم ورحمة الله وبركاته.. اليوم معانا تجربة الهيونداي كريتا على اليمين وعندنا بطلة التانية الصغيرة هيونداي الألنترا على اليسار
--
السعر: 62 – 68 ألف ريال
السعر: 16.533 – 18.133 دولار أمريكي
--
مشكورين شركة ألو علا إنش شاحنين السيارتين من الرياض من الرياض لجدة عشان نجربهم عشانكم فخلوكم معنا إن شاء الله اليوم راح نديكم تفصيل على الأنترا وراح نعمل لكم تجربة ثانية كمان على الكريتا ونديكم معلومات السيارتين كاملة خلوكم معنا وشكراً لمتابعتكم خلوكم.
السلام عليكم ورحمة الله وبركاته.. اليوم معانا تجربة هيونداي كريتا؛ الكريتا جاي اسمها من إذا مانا غلطان من جزيرة كريت اليونانية فماخذين كلمة كريتا طبعاً ممكن أخواننا المصريين يسمونها كريتا فيعني الحنتور الكريتا برضوا ماشية ماعندك مشكلة فيها
السيارة ظريفة كانت تُصنع في الصين وبالتحديد تحت اسم آي إكس 25 ؛ السيارة آي إكس 25 هذي الظاهر فيما يبدوا شركة هيونداي حابه بدال ما أنه الواحد المطبخ طبعاً الصيني مشهور يمكن بالكريسبي دوك بالبطة المشوية حقتهم مقرمةشة فقال لك لا إحنا خلينا نبعتها للأسواق في الشرق الأوسط مع شوية سبايسي شوية بهارات شوية كاري قلبوها لتصنيع الهند فهذي اللي بتجينا إحنا حقت الهند مُش تصنيع الصين وطبعاً هذي السيارة نازلة عشان تنافس الله يسلمكم السيارات الجيوب الصغيرة من هذي الفئة.. خلوكم معانا اليوم راح ناخذكم تجربة كاملة.
طبعاً السيارة هذي زي ماقلت لكم الله يسلمكم جاية في الفئة اللي هي خلينا نسميها أيش الجيوب الصغيرة جداً المُدمجة جداً 1600 سي سي دفع أمامي أو سحب أمامي 123 حصان السيارة اقتصادية من الطراز الأول خصوصاً اللي يبغى يعني يبغى سيارة سيدان صغيرة بس مرتفعة شوية ناعمة حلوة وبعملية صرفية بنزين قليلة جداً في الفئة هذي يعني صرفية البنزين حتى أحسن حقتها كمان من الأنترا جايه سحب أمامي بتنافس الفورد أظن الإيكوس فورد الصغيرة مرة منزلين برضوا وحده تصنيع الهند بتنافس الرينو والدستر بتنافس سيارات في دي الفئة اللي هي جيوب صغيرة اللي هي جيوب صغيرة إقتصادية من الطراز الأول لداخل البلد.
طبعاً كلمة جيب بس لأنها مرتفعة شوية عن الأسفلت ومن ضمن الأشياء اللي حسنوها فيها عملية كانت شوية ضعيفة فيها شركة هيونداي اللي هي NVH أنه هو noise vibration and harshness اللي هي عملية الإزعاج والضوضاء والخشونة اللي جايه من الأسفلت من تحت عالشاصين عدّلوه حسنوه بشكل كبير جداً في السيارة هذي 123 حصان 6 سرعات أوتوماتيك إليكترونيك راح ناخذكم اليوم فُرجة حول السيارة خلوكم معانا. هذا الله يسلمكم المحرك الصغير كتكوت 1600 سي سي نفس اللي موجود برضوا على الأنترا 1600، 123 حصان.
صدق أنا ماكنت أتمنى السيارة ذي أشوف عليها ماكينة الفولكس موتور 204 حصان 7 سرعات على جيب على شكل زي ذا دفع رباعي راح يطلع مجنون وكتكوت في نفس الوقت غريب شوية كذا يعني أقعد أتخيل أيش لو صار أيش راح يصير أيش راح تسوي السيارة هذي؛ نفس المشكلة الله يسلمكم حكاية العمدان العصي حقت رفع الكبوت ماهي مساعدات اليوم الجو بارد وحلو وغيم في الأيام الحارة بتكون الحكاية مشكلة؛ الماكينة طبعاً ساقطة شوية لتحت لمركز ثقل منخفض وثبات أفضل فنازلة لتحت أكثر. مقاس السيارات الله يسلمكم 215 – 60 و 17 جنط أكبر وجاي برضوا على شكل مفتوح عشان التبريد؛ للأسف اللي ورا درامات نفس مشكلة الفرامل أنه يعني مابقول أنها ماهي كفوء بس بقول تكنولوجي قديمة خلاص يعني عفى عليها الزمن إن كان برضوا موجودة في بعض سيارات تويوتا في بعض السيارات هذي هنا في بعض سيارات رونو الكابتشر الصغيرة معاكم أنه السيارة ماهي للأداء الرياضي هذي فرامل كافيه بس خلاص تعرفوا تكنولوجية قديمة أتمنى لو كانت هوبات الواحد يعني أيش هذا العصر الحديث هذيك شوية العصر القديم.
والله الكرسي الخلفي حلو مرة مريح أريح حتى كمان من الأنترا أوسع فيه هنا تقريباً أربعة أصابيع؛ السقف عالي ماشاء الله تبارك الله يعني شوفوا حطيت يدي كاملة خمسة أصابيع ولسى يمكن فيه قدام أصباع أصباعين لفوق عشان كمان أوصل للسقف؛ فتحتين تبريد خلفية.
السعر هنا يبتدي معانا من 62 ألف لحوالي 67 – 68 ألف ريال.
تنفتح من برا وفيه عندنا كاميرا خلفية كريتا الشنطة ما شاء الله مساحة الشنطة لا بأس فيها أبداً حلوة وتتطبق الكراسي الخلفية كمان وعندنا حساسات خلفية كمان ورا والتقفيل يدوي.
على 1300 سي سي جيب ناعمة وزن ثقيل هذا تسارع السيارة صفر من مئة – 12,13 ثانية.
نسبة الإزعاج على سرعة 90 كيلو في الهيونداي كريتا هذي نسبة الضوضاء والإزعاج هو بيتقارب مع السيارات الثانية في التجارب اللي قبلها 65,4.
هذي صرفية الكريتا كمان أحسن من الألنترا؛ عملياً السيارة إقتصادية 15,10 ممتازة.
السيارة الله يسلمكم الكريتا أخذناها اليوم ولفينا فيها السيارة حلوة إقتصادية منتظمة وناعمة توقعتها مزعجة أكثر من كذا بالعكس طلعت كويسه سحب أمامي لا تتوقعوا كثير عالأقل في الفئة اللي أنا شايفها قدامي فبحكم في الأشياء اللي قدامي لاتتوقعوا مرة كثير لكنها السيارة جداً جميلة على قد أنها اللي يبغى السيارة عملية سعر معقول وأمورها كويسة عندنا أثنين إيرباقات؛ كاميرا خلفية وفيه إيرباقات في الكراسي كمان في الاثنين هنا وستائر الإيرباقات كمان خلفية واصلة لورا بصراحة شيء ممتاز؛ النفيجيشن للأسف مافي شيء هنا يادوب بس اللهم أيش الكامير الخلفية؛ عندنا بلوتوث؛ مختصرة ومفيد جداً السيارة الإعدادات حقتها معتدلة عاجبني هنا كمان العداد هنا ديجتال برضوا خل نشوف هنا شوية.
هنا كمان المدخل حقت اليو إس بي إكزيرري وولاعة وولاعة ثاني حقت الكهرباء؛ الجيربكس هنا زي ماقلنا ستة سبعات إلكترونيك بس السيارة زي ماقلنا معمولة أنها إقتصادية عملية بسعر معقول ويعني مافي شيء بصراحة خليني أقول لكم هي مافي شيء مرة مرة مميز أنها تخش في فئة السيارات اللي أكبر منها اللي والفين على سانتا في وإلا التوسان يمكن أجمل هناك هنا لا إقتصادية من الطراز الأول وصغيرة توقفها في أي مكان بسهولة وناعمة.
ختاماً.. أتمنى إن شاء الله قدرنا على أيش نشرح لكم شوية عن السيارة ذي أتمنى تكون التجربة ناسبتكم والتجارب الثانية كثير.
إحنا داخل الكريتا الآن هيونداي كريتا زي ماإحنا شايفين الدنيا مظلمة كذا خلينا نشغل الأنوار اشتغلت الإضاءة وهذي الله يسلمكم منظر الكابية الداخلية لمن حقتها الإضاءة الداخلية تشتغل.
التقييم الإجمالي التصميم:
التصميم: 7/10
الأمان: 8/10
الأداء: 8.5/10
السعر: 8.5/10
صرفية البنزين: 9/10
الإجمالي: 41/50
شكراً لمتابعتكم.
- يرجى تسجيل الدخول لإضافة تعليقات