حياتك تهمنا ماذا تفعل اذا انقلبت بك السيارة
|
حياتك تهمنا ماذا تفعل اذا انقلبت بك السيارة
السلام عليكم ورحمة الله وبركاته.. اليوم حابين موضوع شوية مختلف كل مرة أتكلم على أشياء السلامة الأمان كيف دائماً نسوي الأمن والأمان والسلامة قبل لاسمح الله مايصير حادث اليوم راح نتكلم شوية ونطلع من مواضيع الأمن والأمان والسلامة مو بعيد بس راح نلف بس لاسمح الله صار حادث. طبعاً أيش تسوي لاسمح الله أنقلبت فيك السيارة وأنت جوة السيارة طبعاً بديهي جداً لازم نربط الحزام اللي ماهو رابط الحزام الله يستر عليه يعني أقل مافيها أظن إذا عاش إذا عاش ماأعرف أيش راح يكون وضعه وأيش اللي فاكره وأيش اللي مو فاكره لأنه يكون جسمه عامل زي القذيفة من الشباك من القزاز طلع وصلة وحده طلع وصلتين اللي صار ربنا يتوفى عباده والمسلمين أجمعين فاللي ماعنده نية يهتم في نفسه وفي حياته وعمره ويسائل فيها أمام الله أنا ما أقدر أساعده بشيء الآن اللي يفكر لا والله بوعي ومنطق والعمر ماهو بعزقه ومهم جداً الأمن والأمان والسلامة فنبغى نربط الحزام..
لاسمح الله أنقلبت السيارة أيش راح تسوي؟ أو أي سبب من الأسباب أو طاحت في بحر طاحت في بحيرة طاحت في نهر طاحت مويا أي شيء كله وارد أيش اللي راح نسويه لو لاسمح الله أتزنقت جوة السيارة فراح أشرح لكم اليوم على حاجة جداً مهمة أهيء هذي يسموها مطرقة القزاز ونسميها مطرقة الحياة في الحوادث راح أشرح لكم عليها أيش بتسوي.
هذي بمنتهى البساطة شوفوا فيها جزئين طبعاً بحكم تعرفت على الجهاز الظريف ذا الصغير وأنا كنت في دراستي برا لأنه كنت دائماً أدرس في منطقة كانت باردة جداً وفيها ثلج وفيها أمطار فيها أشياء حلوة دائماً الواحد يستمتع في الفصول الأربعة لكن لاسمح الله الحزام تعلّق معاك وهذا نادراً جداً يتعلق الحزام من هنا تقص الحزام ينقطع أهوء شوفوا هذا فيها حاده سكينة زي الموس سكين حاد ومن هنا لاسمح الله القزاز تفقشه كذا تكسره القزاز راح نشرح لكم كيف يتم أستخدامها وكيف لاسمح الله الواحد تعلّق في السيارة أيش يسوي.
دحين الله يسلمكم المفروض فرض لاسمح الله لاسمح الله السيارة مقلوبة يعني تخيلوا معايا شوية يعني على سقفها فبطن السيارة أو أسفلها من تحت فوق والسقف تحت عادة طبعاً إذا ربطت الحزام خلينا نشوف يعني نوريكم هي خطوة بخطوة أهوء طيب الآن الله يسلمكم خل نحط المايك هنا علشان مايسوي لي تشويش طيب نفترض السيارة مقلوبة فوق تحت فهذا عادة بيتحط جنب السواق أو بيتحط له حتى زي المكان يتثبت فيه عند رجول السواق بحيث أنه ممكن يمد يده بس عند رجوله كذا يروح ساحبه الآن سحبناه في يدنا طيب هذا بس عشان التشبيه طبعاً أهم شيء الواحد يتمالك نفسه مع الفجعة ويبتدي يفكر يخلّي تفكيره يغلب الخوف عشان كيف أطلع من السيارة. الآن الواحد أول حاجة بيكون مقلوب فمعلق بالحزام أول شيء تسويه الله يسلمك أضغط على السقف ودخل جسمك يعني أضغط بقوة أضغط كذا في السقف ودخل جسمك تاني مرة في الكرسي وأضغط على الحزام عشان ما تطيح على وجهك بسرعة كذا فهمت عليّ كيف بوعيه الواحد يتقرب في السيارة بالشكل كذا طبعاً حتلاقي خطر أنه لاسمح الله البنزين يمكن يبتدي يهرب من السيارة من ورا إذا في له إصابة قوية أو طبعاً الزيوت كلها راح تطلع على اللديتر الأشياء هذي كلها الشاكمان حار يمكن الزيت يجي عليّ لأنه السيارة معزولة كويس من تحت أنه تعزل السوائل بس من يوم ماتنقلب تلاقي السوائل كلها ماهي معزولة كثير من فوق فمن الممكن بسرعة تطلع من راس الماكينة ومن أماكن ثانية إذا ماتكسرت أمور لاسمح الله حسب يعني السيفيرتي أو حسب شدة الحادث وما أبتدت الأمرو زي مابيقولوا الزيوت تختلط الشاكمان حار ممكن تبتدي تولع نار أو تانكي البنزين مع أنه تانكي البنزين جداً في عملية أنه لاسمح الله إحتمال الصدمات ماتنفجر؛ المهم نتمالك نفسنا عشان نطلع بأسرع مايمكن من السيارة قبل لاسمح الله تصير أي مشكلة تانيه فراح تسوي كذا وتضغط على الحزام راح تنفك لأي سبب من الأسباب وطبعاً عندك استعمال المرحلة الثانية لو القزاز ماتكسر ما أنفك معاك بطرقة وحده كذا كسرت القزاز لاسمح الله سواء طاحت السيارة في مويا أو شيء زي كذا. الآن لاسمح الله سيناريو الأسواء وهذا نادراً يعني يمكن واحد في المليون مثلاً أو واحد في المئة ألف مافتح معاك الحزام بالشكل هذا هنا الله يسلمك طبعاً تبتدي تحط السكينة حد الموس السكين الحاد وتقطع الحزام وتطلع نفسك في بر الأمان وتجر نفسك بسرعة بعيد عن السيارة فمعمول حاد جداً لدرجة أنه فعلاً ماياخذ منك أبو 30 ثانية قدك قاص الحزام. كل مايزيد إرتفاع السيارة عن الأرض كل ما أرتفع مركز جاذبية الثقل على الأرض كل ماكانت السيارة لاسمح الله معرضة للأنقلاب مافي أي سيارة في الدنيا ماهي معرضة للأنقلاب أي سيارة يعني لما بنشوف خيل بيطيح أو جمل بيطيح فما في شيء بني آدم طبعاً ماشاء الله حدّث ولا حرج على كمية الزحلقة والطيحات اللي إحنا بنطيحها بحكم أنه إحنا عندنا رجلين الحيوانات التانيه كلها عندهم أربعة رجول فعندهم توازن يمكن أفضل مننا الشاهد كلما أرتفع مركز الثقل كلما السيارة عرضة أنها تنقلب أكثر أعتقد شفنا كمية حوادث حقت جيوب بمختلف الأنواع والمسميات فما في شيء عرضه أنه عنده مناعة أنه ماينقلب دائماً نقول الجاذبية والفيزياء مالهم كبير يعني أحسن شيء يمكن يدفوها شوية هناك شوية خمسة في المئة وخمسة هناك فمافي أفضل شيء من السلامة كل ماتقرب السيارة أكثر فكلما تكون أرسى أكثر فاللي بيركبوا السيارات عالية الله يرضى عليكم مافي داعي للسرعة وكل السيارات الواطية مهما كانت ثابتة وممتازة برضك عرضة لاسمح الله إلا مايجي شيء كذا أو كذا ممكن لاسمح الله الفيزياء أو هواء أو أي شيء يعمل دوره بس بشكل منعكس وتنقلب السيارة.
أتمنى إن شاء الله قدرنا اليوم نشرح لكم حاجة مفيدة لاسمح الله الله يقدر إن شاء الله بلطفه وسلامته الله لايجعلكم تحتاجوها بس لو حصل الواحد يعرف كيف يتصرف لو أنقلبت فيه السيارة.
شكراً لكم وتابعونا إن شاء الله في حلقات ثانية كثير شكراً لكم.
- يرجى تسجيل الدخول لإضافة تعليقات