تجربة بيجو 308 2016
|
تجربة بيجو 308 2016 حسن كتبي 4K
السلام عليكم ورحمة الله وبركاته.. اليوم معانا السيارة بيجو 308 الرياضية جي تي لاين الخط الرياضي والسيارة موديلها 2016- 1600 سي سي توربو 163 حصان " السعر من 76 – 79 ألف ريال / 20,266 – 21066 دولار أمريكي " السيارة رائعة حلوة مُدمجة صغيرة تجي بين السيدان والهاشتباك المُدمج الصغير خليكم معانا ناخذكم لفة السيارة ظريفة بصراحة حلوة وعزمها حلو خلوكم معانا.
صرفية البنزين ممتازة ( 16,8 كيلو لكل لتر - البنزين 95 ) على قد أن السيارة أوروبية؛ السيارة أوروبية فتعرفوا شوي عن الثقافة الأوروبية بيركزوا على عملية صرفية البنزين تكون منخفضة حتى لو مثلاً الإنبعاثات السامة تكون منخفضة سيارة إقتصادية فيها السيفتي فيها الثبات فيها الأداء الرياضي والسرعة؛ الشكل جميل دلع الفرنساوييين كمان يحبوا شوي الدلع بزيادة في السيارات حقتهم تلقى شوية أشياء في الداخل تقعد تلعب فيها حتى صوت الغماز يعني أول مرة أشوف صوت الغماز حقت السيارة من الداخل الفلاشر يمين شمال أو جرس السرعة تقدر تتحكم فيه تختار لك لستة من الأصوات سواء غابة أو على شكل يعني فيها شوية أشياء خنفشارية دلع حلوة يعني ما أنكر أنها لمسات جميلة ماخطرت على بال أحد الفكرة كلها ما أقدر أقول أنها راح تقدم أو تأخر بس أن العملية بتديك شعور جميل وأنت صاحب السيارة تستمتع فيها السيفتي الأرباقات ماشاء الله فيها دلع كامل فيها الـ( aye) يسموه البيجو الأيكون المفهوم حق العين جاي على شكل مثلث راح نوريكم هو الأن فيها مواصفات كاملة.
زي ماقلت السيارة الله يسلمكم ( 1600 سي سي – 163 حصان وزن السيارة حوالي 1300 كيلو 1300 وكسور- 6 سرعات ) قاصدين الثبات الشكل الجميل مواصفات جميلة وصغيرة تقدر توقفها في أي مكان في الباركينغ ماعندك مشكلة السيارة تنحط في أي مكان بسهولة أنها توقف.. خلوكم معانا اليوم نكمل أيش الفرجة على السيارة هذي.
4253 - 2043 -1457 مل طول عرض إرتفاع؛ الوزن على حوالي 300 وكسور 1300 سي سي توربو؛ صرفية البنزين جداً منخفضة؛ 6 سرعات سحب أمامي أو دفع أمامي وزي ماقلت السيارة قاصدين فيها مواصفات دلع كثير قاصدين ينافسوا فيها الجولف والجي تي آي سيارات ستروين وبالنسبة للكيا عندكم سيراتو بالنسبة للهيوندا عندكم الفولوستر فيها شوية سيارات شبابية موجودة؛ الصراحة أنا من جربت أول الثمن مئة والخمسة آلاف الأولانية السيدان كان عاجبني في السيارة الفيلنغ الأوروبي تحس السيارة قطعة وحده كأنك يعني ناعمة وفي نفس الوقت كأنك راكب قطعة خراسانة جاية قطعة وحده ماتحس كل شيء ماشيء لوحده لا ماشية مع بعض يعني فعلاً استمعت فيها نفس المُحرك الموجود في السيارة الأولانية هنا موجود بس هنا مع الوزن أخف والحجم أصغر فتحس السيارة كمان أداء أيش يعني أظرف وألطف وأشرس أكثر.. خلوكم معانا اليوم هذا ماشاء الله المُحرك حقت السيارة القلب النابض نفس المشكلة الله يسلمكم حقت أنه هنا فيه مساعد الواحد يحرق أصابيعه عفواً فيها عصايا مافيها مساعدات المُحرك صغير مُدمج يؤدي الغرض 600 سي سيس جميل وهذي باينه ماشاء الله الليات حقت التوربو داخله حقت التبريد الإنتركولر الطلوع داخله للمحرك.
علامة البيجو أهو باين الفتح والقفل والشنطة طبعاً في السيارة بيجي عندنا حساسات خلفية أو كاميرا خلفية حسب المواصفات هذي اللي عندنا فيها حساسات مافيها كاميرا خلفية وطبعاً يجي بانوراما أو بدون حسب مواصفاتها.
الآن فيه عندنا زر لفتح السيارة وقفلها هنا من ورا فإحنا الآن أو عفواً الزر من هنا بيقفل السيارة بالكامل واللي من هناك بيفتحها بالكامل أنا أوريكم بس أنه يكون المفتاح في يدي نفترض عملت كذا شفوا أهي فتحت معانا السيارة هنا أبواب أربعة فتحات بالكامل؛ الشنطة لا بأس فيها حجمها حلو هنا فبتشيل مقاضي حقت عائلة صغيرة بتأدي الغرض. في يدي هنا بس الأبواب الأمامية عنده الحساس ذكي بس أحط يدي هنا بس أحطها هنا فتحت الأبواب وكذا قفلت الأبواب.
29 – 40 زر 18 مقاس مشنال كفرات رياضية من الطراز الأول وتأدية ثبات حلوة بس طبعاً يبغالنا شوية عشان يمكن نوعا ما قد تكون المقاسات رفيعة شوية على قد أنه برضوا السيارة صغيرة فالواحد يبغى له ينتبه من الحفر والمطبات لا أكثر ولا أقل.
الآن راح نشوف الغماز تحت ماشاء الله تبارك الله الغماز جميل يعني عامل زي الآودي أو اللكزس الإل إل دي دي وعندنا كشافات تحت جميلة كمان ماشاء الله يعني الفرنسية جميلة موجودة في السيارة؛ السيارة طبعاً آخذه التصميم الجديد حق البيجو علامة الأسد قدام وراح تشوفوا كمان مخالب الأسد في اللمبات الخلفية؛ الكبوت وزنه خفيف معمول ليراعي وزن السيارة المعمول من الألمنيوم كلمة جي تي لاين موجودة عندنا هنا.
المخالب الخلفية لما يضرب فرامل على طول المخالب الخلفية أهوء باينه معانا زي أنه أيه مخالب نمر او الأسد باينه معانا هنا؛ زي ماقلت الشكامان رياضي مركزين على شكل السيارة أنها تكون أيش شبابية عائلية أو حتى شبابية رياضية حجم مُدمج وصغير شكل السيارة جميل.
الخلفية طبعاً السيارات هذي قلنا شبابية مُدمجة صغيرة أو عائلية صغيرة مركزة مخصصة للأطفال أكثر فباينه المساحة شوية قد تكون أنه أيش ماهي بالوسع الكافي لأنه الشاصي نفسه كمان حجمه صغير والسيارة مُدمجة سهل وقوفها في مكان في المواقف وفيه تجي نوعاً ما ضريبة في المساحة الخلفية.
ماشاء الله التفصيل حلو ملاحظين التفصيل حلو في داخلية السيارة من ناحية التطريز من ناحية الشامواه الجلد المخمل المحوط فيها فيه يعني إعتناء كثير في المواصفات الداخلية مجملين السيارة.
السيارة ماشاء الله ملاحظين أبدعوا الإيرباقات إيرباق هنا وإيرباق هنا إي رباق في الكراسي اثنين وإيرباقات الله يسلمكم في السقف من الجوانب لغاية الخلف هناك هنا كلمة إيرباق أهي فماشاء الله تبارك الله يعني من ناحية السيفتي ماراح نتكلم مافيها دربس بلاي لكن مركزين على حاجة يسموها آي حق البيجو التصميم حق البيجو بمعنى جايه على شكل مثلث راح أوريكن هو الآن.
هنا الله يسلمكم حركة الطبلون تصميمهم شيء جميل رياضي شكله حلو؛ الشاشة مبدعين فيها مواصفات جداً جميلة والعدادت جايين عكس بعض؛ السرعة الأيربين دوران المُحرك من اليمين لليسار والسرعة تبتدي من اليسار لليمين عداد حراري هنا راح نوريكم بالتفصيل أكتر الردركسون حاي عشان الجي تي مشطوط من تحت بشكل مثلث المثل يبتدي معانا من هنا الزاوية حقته لغاية هنا وتجي تنزل نزول لغاية هنا قدام هنا فأنت سايق قدام عينك الشاشة الجيربكس وإن كانت الترونيك تحت هنا يعني تعشق يدوي أو الزر حق الأسبور زر تشغيل السيارة تحت طبعاً عندنا هنا الثلاجة كمان مع التكييف موجودة التكييف حقها من جوا وعندنا اليو إس بي هناك ويو إس بي هنا وزر هنا برضوا حق السماعات السيستم؛ التكييف وباقي الأزارير موجودة هنا فيجي على شكل هنا بخصوص المنطقة ذي جايه بشكل مثلث أتكلمنا على الإيرباقات عملية التطيريز جميلة موجودة في الطبلون مختارين اللون كروم في العدادات شكلها حلو الشاشة هنا موجودة في النص؛ الآن إذا حبينا نتكلم شوية هنا نشوف الدلع اللي موجود الله يسلمكم أنا حابب نسمع من المفترض الغماز سامعين صوت الغماز واضح معانا الآن الفلاشر خلينا نجي هنا نلعب شوية في الأزارير فيه عندنا الأبلكيشن موجود فيه عندنا إختيار الألوان عشان الواحد يختار لون الشاشة اللي يبغاها أحمر أزرق اللون اللي يبغاه نفترض أخترنا أزرق يحطنا كذا طبعاً الخرائط الآن بالأنجليزي لكن آخر 2017 على 2018 راح تجينا الله يسلمكم راح تجي باللغة العربية.
الإعدادات مثل ما أنتوا شايفين وصار اللون أزرق بدال اللون الأحمر خلينا الله يسلمكم نخش هنا على الإعدادات نخش على الإعدادات الصوتية طبعاً هنا الساوند سيستم النظام السمعي كيف تبغى السماعات حقت السيارة تتجاوب معاك لكن لما أيش أخش على الساوند إيفيكت عجبتني مرة عندك الرنات اللي تبغاها والأوامر الصوتية خل ناخذها طبعاً أنتوا سامعين صوت الغماز واضح تك تك تك تك الصوت الممل المعتاد خلينا نغير شوية النغمة وخلينا نسميها جنغل الغابة طيب ونقول له أيوا كونفيرم سامعين صوت الغمازة الآن تكتكتك تكتكتك حاجة يمكن ظريفة شوية وأنه الواحد يكون عنده أيش النغمة حقته اللي حاببها فيه أكثر من نغمة موجودة وزي ماقلت الإضاة الواحد أيش يختار الإضاة اللي يبغاها واللون اللي يبغاه. السيارة زي ما إحنا شايفين آخذها في ملفات سواقات رياضية ثابتة ماشاء الله تبارك الله يعني حجمها الصغير مايديها الشكل دا لكن فعلاً جداً ثابتة ومواصفاتها جميلة؛ السعر من 76 ألف تقريباً لغاية حوالي 79 ألف إلا شيء بسيط بالنسبة للمواصفات الموجودة؛ فيه فئات ثانية جاية عندهم كمان إذا تبغى السقف بانوراما إذا تبغى الكاميرا الخلفية ومواصفات ثانية ففيه مجموعة ماشاء الله مواصفات جيدة كثير زي مايقولوا ورى بعض بس يعني هذي من أوائل الفئات اللي وصلت 2016 وفعلاً السيارة شبابية جميلة من يعني أنا بصراحة أعتبرها صغيرة والسيارة جداً جميلة وحلوة خصوصاً اللي حجمه قليل يعني راح ينبسط عليها تماماً إن كان في الثانوي أو في الجامعة أو في أسرة صغيرة في بداية حياتهم وحابين ياخذوا سيارة يعني دلوعة وفيها يعني مواصفات حلوة؛ نسبة الإزعاج ياجماعة الخير أهي دحين مع الصوت وصلت 64 لما تكلمت لكن بين 60 – 64 حسب نسبة الإزعاج اللي طالعة في السيارة.
السيارة هذي من مميزاتها سيارة أوروبية جميلة راسية فرامل وحلوة وجملية.
عيوبها.. السعر قد يكون شوي نوعاً ما على قد أنه فيه مواصفات جداً ممتازة والسفتي فيها رائعة بس السيارة دي اللي يعرفها عرف قدرها اللي مايعرفها يجهلها فجاتهم أوقات مشاكل كهرباء حلوها جايين متقدمين عاملين أشياء حلوة وممتازة كثير؛ مشكلتها الأساسية أعتقد سعرها حلو على السيارة الأوروبية بس اللي مايعرفها راح يبتدي يروح يقول لك لا أنا أشوف كوري أشوف ياباني أشوف سيارات ثانية كثير فما أخذت الحيز الإعلامي أو صدى السوق اللي تليق فيها.
أتمنى مع أنه الآن فيه أثنين وكلاء لها أنه عملية الإهتمام من المصنع أنه يعطيها مغريات أكثر للعميل من ناحية الضمان 3 سنين 100,000 كيلو من ناحية الصيانة الأشياء ذي يغروا العميل يجذبوه أكثر أنه فعلاً يغامر ويجرّب سيارة فعلاً تستاهل وسيارة حلوة أنا أعتقد خلال السنتين الثلاثة الجاية السيارة دي لو ابتدت تنتشر وابتدت الناس تجربها ورجعت فالت لك فعلاً السيارة البيجو القديمة يفتكروها القدام الكبار أول سيارات كانت تعيش وتستحمل راح يكون لها مستقبل كويس؛ بس أعتقد هي الآن في منافسة عنق الزجاجة إذا خرجت منها بإغراءات أكثر لأنه السيارة فيها مواصفات جداً جميلة وأتمنى يدوا فئات كمان 250 – 260 حصان تجذب العميل أكثر منافسة رياضية وإلا بشكل عام السيارة جداً حلوة وجداً رائعة.
ماشاء الله الفرامل جبارة فعلاً الفرامل جبارة؛ هذي الإضاء الخلفية كاملة شغالة؛ هذي الإضاءة الداخلية حقت السيارة.
- يرجى تسجيل الدخول لإضافة تعليقات