تجربة تويوتا فورتشنر جي اكس 2016
|
تجربة تويوتا فورتشنر جي اكس 2016
السلام عليكم ورحمة الله وبركاته.. اليوم معانا تجربة تويوتا فورتشنر 2016؛ هذي جي أكس2 دفع خلفي؛ أوتوماتيك؛ السيارة اللي شوية درجة فوق أقل من ذا النوع تجي دفع خلفي تجي دفع رباعي درجات لكن اليوم توفقنا الحمد لله في السيارة هذي كان ودي صراحة أنه نجرب الفور أوبشن بس للأسف ماهي متوفرة فحسب ما يعني حسب ماتتوفر السيارة ي يدي أنا بعمل تجربة عليها ودي أنها تكون فل أوبشن بس أرجع أقول حسب ماتتوفر السيارة في يدي ماقصر صاحب السيارة كلمنا فيها علشان نجربها اليوم.
راح ناخذكم مع بعض لفة على السيارة ونشرح لكم مميزاتها وعيوبها وأيش التحديثات والتعديلات اللي تمت فيها؛ خلوكم معانا.
طول السيارة الله يسلمكم وأبعادها 4597؛ عرضها 11959؛ الارتفاع 835؛ الأوزان من 2500 إلى حوالي 2650 كيلو
--
الاسعار من 89 – 139 ألف ريال
23733 – 37066 دولار أمريكي
--
تجي دفع خلفي أو دفع رباعي وفي نفس الوقت الله يسلمكم يجي مُحركين عليها 4سلندر 2700 سي سي 156 حصان أو 6سلندر 235حصان الـ6سلندر 4 لتر طبعاً نفس المُحركات اللي جوة شركة تويوتا بين البرادوا بين الإينوفا الهايلكس نفس الشاصية حقت تويوتا الهايلكس نفس الشاصية حق الجديد طبعاً ونفس الشاصية حق الإينوفا والفورتشنر بيتشاركو من تحت زي ماقبل كذا برضوا شرحت طبعاً كل الشركات الكبيرة تتبادل داخلياً الشاصيات؛ مثلاً عندكم الكامري نفسها على الشاصية شوي أطول تلاقيه هو الأفالون وتلاقيه هو نفسه اللكزس اي300؛ شركة فورد تلاقي التورس نفس الشاصية حقت التورس شوية مطولينه صار الأكسبلورر فهذا طبيعي بين الشركات بيستخدموه داخلياً بعض الناس يتحسسوا من الكلمة دي ولكن دا الواقع الفعلي الشاصية ماتقدم أو تأخر في السيارة كثير على قد ما باقي الترتيب.
شكلاً السيارة أحلى وأجمل وأفضل من الأولانية في حاجة وحده جاية أطول اعرض بس أقل إرتفاعاً من فوق علشان يعطيها الشكل الإنسيابي وفي نفس الوقت أعلى إرتفاعاً من الأرض كخلوص أرض أو إرتفاعاً عن الأرض علشان لو فيه عوائق رمل طين مويا تدخل السيارة في إرتفاع أفضل تدخل إرتفاع المويا حوالي 70سم تقريباً والارتفاع عن الأرض من تحت أكرمكم الله من هنا أفضل من الأولانية بكثيرعلى حوالي 27,9سم الـ6سلندر أقل تجي 26,1 سم فهذي الـ4سلندر الأوتوماتيك دفع خلفي للأسف ماتوفر معانا 6سلندر لسى ماأظن أنه موجود في الوكالة والدفع الرباعي لسى ماني متأكد إذا موجود أو لا بس هذي السيارة توفرت معانا الآن جزاه الله ألف خير صاحب السيارة وكمان زي ماقلنا حاجة ثانية الله يسلمكم الأسعار تبتدي من ( 89,000 إلى 139,000 ريال سعودي) حسب هذي الأسعار المُعلنة حسب المواصفات والفئات والمُحركات الموجودة فيها.. خلوكم معانا ناخذكم فرجة على السيارة وباقي تفاصيلها كاملة خلوكم معانا.
المُحرك بوضعية طولية هذا شيء ممتاز أنه السيارة دفع خلفي و 164حصان أتوقع قليلة شوية على وزن السيار 2طن ونص؛ أي نعم العزم لا بأس فيه لكن عزم السيارة الله يسلمكم هي 2700 سي سي؛ 164حصان على 5200 دورة على 40يعني شوية مُرتفع والعزم 245نيوتن متر برضوا على 4000 دورة؛ كويس أنه فيه تقنية حقت الفي في تي آي في السيارة ي المُحرك علسان تساعد في المرونة والعزم؛ فيه موجود جي بي أس فيها واثنين إيرباقات أمامية قط؛ 6سلندر المُحرك الثاني 4 لتر 235حصان والعزم 376نيوتن متر؛ نفس الإنتقاد المُعتاد في عزّ الحر أنه مافي مساعد للكبوت والواحد في عزذ الحر ممكن يحرق أصابيعه علشان يفتح الكبوت.
شكل السيارة واضح تماماً النواحي الجمالية فيها أجمل من أول بكثير جداً هذي مشكورين شركة تويوتا أبتدأوا يهتموا في في الشكل الجمالي ويضيفوا شوية عاطفة على شكل السيارة بدل الأشكال المملة الأولانية لا فعلاً فيه شكل جمالي فيه مجهود مبذول أفضل بكثير من أول بشكل عام على السيارة فيه فرق كبير.
شوية الكبوت كذا جاي لقدام واللمبات شوية آخذها من الطوارق أو التيقوان على خفيف لمحة فيها مع الواجهة المنزلقة كذا شوية حقت الشبك.
الكفرات 265/55,17 ومازلنا في نفس المشكلة الخلفية حقت الفرامل التكنولوجي اللي هي الدرامز ماه دسكات زي الونيت الهايلكس للأسف أنا أعتبر هذي التكنولوجي أي نعم سيارة عائلة ماهي حقت سرعة ماني معترض بس أعتبرها شوية كان ممكن فيه شيء أفضل الدسكات الهوبات هذي خلاص التكنولوجي أبسوليت وقديمة شوية؛ فيه هنا عندنا التعليق نفسه حق الله يسلمكم الشاصية حقت الهايلكس بس الميزة هنا في السوسات لا هنا جايه تعليق متطور خمس أوصال علشان الثبات أفضل فيبان معانا ورا من هنا شوية التعليق حقت السيارة أفضل هنا؛ عفواً المقاس قريته غلط 265/65,17.
فيه هنا عندنا علاقات للحوائج أو للشنط للملابس للأشياء شيء ممتاز فكروا في أشياء كثير حلوة في السيارةدي؛ الخامات الداخلية شوية أحسن عن أول وإن كان مازلنا في نقص مواصفات الشاشات فيه برا تلاقوا شاشات باللمس كاميرا خلفية فيه أشياء جميلة كثيرة هنا للأسف ماهي موجودة وفتحت السقف كمان ماهي موجودة على أنه السيارة بـ95,000 ريال؛ تويوتا عملاق ما أنكره ووكيل ممتاز لكن فيه منافسين يابانيين ثانيين على دي الأسعار أو أقل أو أعلى شوية فعندهم أشياء جداً ممتازة مقدمينها دلالة على العميل مواصفات أكثر وأكثر مقابل السعر ومقابل يمكن نفس عدد الإيرباقات أو أزود شوية.
هذي داخلية السيارة؛ الإعدادات حقتها؛ التكييف هنا يدوي مو إليكتروني الشاشة برضوا فيه شاشات برا شفتها لمس أو كاميرا خلفية زي ماقلت فتحة سقف بس عالفئة ذي الموجودة هنا عندنا هذي الموجود حتى تبترونك ورا الدركسون مافي تبترونك عندنا من تحت 6سرعات الجيربكس؛ الإيكمود الوضعية الإقتصادية والوضعية الرياضية علشان السيارة تطلع يعني الـ 164حصان حقتها؛ هذا الإيكومود وهذا باورمود؛ الوضعية الإقتصادية الوضعية الرياضية.
الأشياء الكويسة في السيارة الله يسلمكم هنا تحت إيرباق للركب بس هنا الإهتمام زي ماقلت أنا مرة على قد ماهو شيء ممتاز الإهتمام بس في السيارة عائلية للي قاعدين قدام للي قاعدين ورا للأسف مافي إهتمام يعني هنا المفروض في الفئة الآلي يكون فيه أوبشنز أزارير؛ فيه عندنا هنا حوالي أربعة أصابيع خمسة أصابيع تجي هنا؛ السقف كمان نفس الشيء؛ ماعندنا فتحة تبريد تحت لكن عندنا فتحات التكييف جايه أمامية وجاية فوق في السقف هنا وفي الخلف كمان في الصف الثالث وإن كان ضيق كالمعتاد عادة السيارات الكبيرة غالبيتها باستثمء الكبيرة جداً يكون الصف الثالث ضيق لكن التكييف واصل مااشاء الله من قدام لورا بشكل جداً ممتاز؛ مساحة الجلوس وضعية الكراسي جداً مُريحة مازلنا في نفس المشكلة إيرباقات أمامية اثنين في الجوانب مافي للأسف مع انه يعني السيارة هذي 95,000 ريال سعرها ماهي أقل من المواصفات تماماً لكن مازلنا إيرباقات خلفية مافي وهذي وحده من المشاكل مو في تويوتا بس أنا بعترض دائماً على كل وكلاء سيارات الياباني والكوري والصيني على وجه الخصوص إلا من رحم ربي عندهم أقل درجة في الفئة مواصفاتها ماهي كاملة من يوم ماتدفع فلوس كاملة تطلع فئة أعلى سعر فأغلى سعر وقتها يهتموا في حياتك أما إذا مادفعت الفل أوبشن فحياتك نوعاً ما أيش يعني مافي إهتمام على حياتك في الناحية دي.
اللمبات الخلفية شوية شايفها تشبه يعني الإينوفا عفواً مو الإينوفا البريفيت تويوتا بريفيا وبيحاولوا يقربوا الشبه شوي مع اللكزس إن كان في الإكس أو في شيء يعني بيحاولوا يقربوا شوي الشبه بينها وبين السيارات الثانية.
الشنطة صارت بلمسة زر الآن تتفتح هذي مساحتها يعني التخزين الداخلية الصف الثالث ضيق شوية تتطبق الكراسي إذا واحد أحتاج الكراسي تصير يعني نسيب مساحة أكبر وإن كان شوية مساحة برضوا من طريقة تطبيقها نوعاً ما أيش على جنب ماهي مرة يمكن يمكن إذا تطبق بحيث أنها تنزل تحت تماماً يكون أفضل لكنه هذا الموجود؛ تقفيل يدوي هنا الظاهر كان فيه زر كهرباء لكن مافي في هذي؛ مافي كاميرا خلفية؛ فيه حساسات خلفية بس للرجوع لورا.
بسم الله الرحمن الرحيم.. المُحرك 4سلندر 2700 سي سي أنا شايف شويه بيعاني مع وزن السيارة وهذي دفع خلفي ماهي دفع رباعي.
الآن بعد ماسقنا السيارة الله يسلمكم مقارنة بالموديل القديم أيش اللي لقيناه؛ السيارة أجمل أنعم أطول وأفضل بكثير؛ التعليق الخلفي ثابت غير مستقل وهذا الشيء أنا قلت ينفع يكون في ونيتات ماينفع يكون في سيارات سيدان أو ركاب راح يطلع نوعا ما قاسي شوي؛ التعليق شايلين الريش منه حاطين له التعليق يعني المتعدد خمسة أوصال علشان يساعد شوية نوعا ما في الثبات ويكون شكله أداءه أفضل وأنعم على الطريق؛ الـ4 سندر شوية بالرغم من أنه 400سي سي ومحسنين العزم ومركزين على العزم بس مازالت الماكينة ضعيفة شيوة وفيه عندنا شيء ثاني أيش فيه كمان الله يسلمكم عندنا الإيرباقات؛ عندنا أمامية بشكل جداً ممتاز بما فيها للركبة شيء حلو للسواق طيب لكن اللي قاعدين ورا منسيين تماماً؛ أنا بتكلم الله يسلمكم على الفئة اللي أنا سايقها أو توفرت معايا أتمنى تتوفر معايا 6سلندر في الأوبشن الدفع الرباعي علشان نقدر نجربها حتى لو لقدام كمان لكن حالياً ذا المتوفر؛ المادة خامة جودة أجمل في كل شيء يعني بلاستيك ومحطوط الأشياء جوة السيارة افضل بكثير؛ منافسين أعتقد فيه منافسين كثير جداً للسيارة دي مقابل السعر والسيفتي اللي موجود في السيارة لكن لمحبين تويوتا فأكيد يعني حابب أتكلم معاهم أيش زي مابيقولوا الله يسلمكم بالنسبة لهم هذي يعني القمة والروعة ما أنكر فيه أشياء كثيرة عاملينها حلوة في السيارة لكن على الشاشة, الكاميرا الخلفية, مناطق عميا ءمافي, الإيرباقات أثنين أمامية وواحد للركبة شيء ممتاز بس الباقي مافي؛ فيه نقص في التجهيزات الشكل الجمالي أحلى؛ السعر من ناحية الفالي فورماني قلما يتوفر في تويوتا شوية لكن إعادة سعر البيع ممتازة للخدمات الممتازة من الوكيل؛ قطع غيار متوفر منه ممتازة فكون قاعدة كبيرة من العملاء الأوفياء والموالين جداً والأولياء جداً لكنه مقابل الأشياء الثانية نوعاً ما فيه شوية قصور؛ أتمنى كناحية تنافسية ويكونوا شغالين عالناحية ذي الأمريكان داخلين في الناحية ذي أتمنى شوية شوية الأمور تكون كمان أيش يعني زي مايقولوا أيش يتم مراعاتها في الناحية ذي لأنه اسم تويوتا اسم كبير واعتقد عملاء تويوتا يستاهلوا كمان كل خير.
ختاماً.. أتمنى تكون ناسبتكم التجربة ذي والتجارب ثانية كثير وشكراً لكم أتمنى إن شاء الله تتسهل معايا سيارة بالمواصفات الأعلى لكن حالياً for nowيعني زي ماقلت لا إليكترونيك لا مناطق عمياء لا إيرباقات خلفية لا كاميرا لا شاشة لكن السيارة بشكل عام فيها أشياء حلوة ما أنكر لكن مازالت فيها القساوة والإرث اللي ورثته من الونيت الهايلكس كصلابة بودي وبتأثر شوية في المطبات تلاقي السيارة شوية تنطنط معاك؛ عزل الصوت شوية ممكن تسمع الماكينة تسمع الشارع لكن كشكل فعلاً أجمل بكثير من أول بس زي ماقلت أنا أترك لكم الخيار لكم وجهة النظر اللي بيفكر بعاطفة راح تعجبه تماماً واللي بيفكر فلوس مقابل سيفتي مقابل أشياء ثانية فيه منافسين أقوياء كثير وشكراً لكم.
- يرجى تسجيل الدخول لإضافة تعليقات