تجربة مرسيدس سي 300 كوبيه 2016
|
تجربة مرسيدس سي 300 كوبيه 2016
السلام عليكم ورحمة الله وبركاته في يوم رمضاني جميل وكل عام وانتم بخير؛ معانا اليوم تجربة مرسيدس البيبي سي كلاس كوبيه
--
السعر
197 – 245 ألف ريال 52533
65333 دولار أمريكي
--
سي 300 أربعة سلندر توربو أداء رائع أخذت السيارة مشكورين شركة الجفالي وكيل شركة مرسيدس أعطوني السيارة أخذتها قلت أوكي حلوة ظريفة صغيرة راح تطلع ضيقة يعني أمور معينة كذا كان فيه شبه إنطباعات معينة في راسي لما ركبت السيارة لا والله أستمتعت فيها على قد ما أنها أصغر كوبيه عندهم في أو السي كلاس اللي هي يعتبر السيدان الكوبيه عندهم أصغر وحدة فيها وموفرين الدسكاوند الكوبيه عادة كلمة كوبيه زي ماشرحت لكم قبل كذا كلمة فرنساوية معناتها قص أو قطع فالسيارة معمولة من بابين قاصين منها بابين بس بصراحة اليومين اللي قعدت معايا السيارة استمتعت فيها نسيت تاني مرة كيف أو راجعت عيشتني تاني مرة كيف الأداء حق السيارات الألمانية في التفوق في الثبات في الفرامل في الرساوة سيارات رائعة.. خلوكم معنا اليوم ناخذكم تجربة على أو لفة كاملة على السي 300 أربعة سلندر 2000 سي سي توربو 245 حصان سي 300 – 2016 خلوكم معانا.
الآن الله يسلمكم أيش الإختلافات بين الموديل دا والموديل اللي قبله؟
فيه عدّة إختلافات طبعاً السيارة هذي زي ماقلنا عادة عادة مصانع السيارات أيش بتسوي بتوفر بابين وبيعملوا ورا أكبر في السيارات الكوبيه لأنها سيارات تلمس المشاعر سيارات عاطفية سيارات رياضية سيارات جميلة سيارات سكسي بالمعنى هنا طبعاً أرجوكم اللي يعني إنجليزيته ضعيفة كلمة سكسي هنا تعني كلمة مُثير فالسيارات مُثيرة وسكسية وجميلة هم حبوا أيش يسووا
--
المحركات
توربو سي 180
1.6 لتر
156 حصان
250 نيوتن
سي 200
2.0 لتر
184 حصان
300 نيوتن
سي250
2.0لتر
211 حصان
350 نيوتن
سي 300
2,0لتر
245
حصان
370 نيوتن
--
الشركة لما تكون يعني شركة من عام 1484 ميلادياً أول سيارة في العالم سووها؛ ماعندهم مشكلة ماشاء الله في التكاليف ماعندهم مشكلة في التكنولوجي ماعندهم مشكلة في العبقرية ولا من قلَة المهندسين المصممين فأيش حبوا يسووا السيارة ليها فئتها حبوا يركزوا على ثلاثة أربعة نقاط معينة كذا فيها وحبوا أنه أيش يزودوا عملية السكس عملية أنها تكون السيارة مُغرية أكثر مُثيرة أكثر وجاذبة للنظر أكثر.
عندنا التوجه العام عملية (الداون سايزنق إنجن) التكنولوجي كلها جديدة أنها تصغر المحركات توربو فعندنا هنا سي 180 تجي 1600 سي سي 4 سلندر توربو 157 حصان وبعدين عندنا السي 200 وسي 250 وسي 300 4 سلندر 2000 سي سي بس الأحسن تزيد معانا من 184 إلى 211 لـ 250 حصان كلها توربو دفع خلفي فيه فئة منها تجي دفع رباعي في الخارج هنا هذي دفع خلفي سبع سرعات الجيربكس أوتوماتيك وفيه طبعاً محركين ديزل وفيه محركين عبقرية جداً اللي هي إل إيه أم جي تي هذيك عاد ماشاء الله ندخل في في الـثمانية سلندر الـ 4 لتر تون توربو وغني يا وحيد سي سي سيكس ثري طيارة تصير. محركات السي سكس ثري 8سلندر 4 لتر تون توربو و 8 سلندر 76حصان و 510 أحصنة إذا تبغى كمان GMS فهي ماشاء الله على وزن خفيف السيارة ممتازة؛ تركز على عملية طبعاً المعتاد بالسيارات زي هذي بيركزوا السيفتي ماشاء الله الإيرباقات خليها مابدي أتكلم مناطق عمياء، جهاز خروج من المسار، الرادار، مثبت السرعة الذكي، الكاميرات الجانبية 360 درجة أمامية جانبية خلفية يعني السيارة باسم مرسيدس مابتكلم في مواضيع زي دي حقت أمان وسلامة وثبات وفرامل يعني معتبرينها لجينا لمرسديس وراح تدفع للاسم الفلاني دا إنك مقدر الاسم الفلاني دا وهم لهم ستاندر معين ماراح ينزلوا عنه وهذي السيارة يعني يمكن حاجة سخيفة أنه الواحد يتكلم فيها يشرح وهو والله أنه للأسف أنه بعض السيارات نتكلم عن عدد الإيرباقات هنا سير مفروغ منه مابيتكلموا فيه أبداً بيتكلم تعال أيش يبغى شيء إضافي فينها السيارة أنا اليومين اللي قعدت معايا دي أنا ما أنكر كم رة من دون ما أنتبه ألاقي من كثر الثبات أحس أن السيارة ماشية على سرعة معينة لا شعورياً ألاقي نفسي على سرعة اعلى ويصيدني ساهر من كتر الثقة والثبات اللي في السيارة عزل الصوت يعني مرسيدس عاملة اللي بتعمله من برا اللي من برا بيعمل شغله ماهو كما هو متوقع منه من برا واللي من جوا بيعمل شغله كما هو موجود من جوا؛ الأشياء الأساسية اللي ركزوا عليها قلنا المُحرك إن كان تكلمنا على الديزل أو البنزين أو الناحية الإقتصادية التوفيرية أو المحركات الرياضية العنيفة مع وزن خفيف.
التصميم والشاصيه والشكل أنه حبوا يركزوا على حكاية الجمال باين شكل السيارة أجمل بكثير، من أمام لمبات الإضافات حقتها راح نشرح لكم هي بشكل أكثر. لسى بيبي بيبي مرسيدس إس إس كلاس كوبيه تشوف شكل السيارة أختهم الصغيرة وآخذه جينات وملامح نفس العائلة.
الآن الله يسلمكم من ضمن التصميم ركزوا عليه شوف الحزام هذا حزام الكتف العريض عاد الحزام واضح تماماً يبتدي من قدام يمسك لهنا ويرجع ألين آخر السيارة اللي ورا، مقدمة السيارة هجومية منخفضة، عندنا هنا الله يسلمكم طول السيارة طول الشاصية زائد 18 مل عشان يعطي وسع أكثر الداخلية للسيارة للكراسي الخلفية والأمامية طول السيارة زائد 95 مل وعرض السيارة زائد 14 مل ووزن أخف ومحركات أفضل، طبعاً طبعاً عندنا هنا الإم إي كيدج بالفرامل بالثبات فعلاً أنا استمتعت فيها يومين قعدت فيها السيارة فعلاً استمتعت بسواقتها.
طبعاً عندك الإيرسسبينشل التعليق حقت الهواء اللي هو تقدر تتحكم في الوضعية تبغاها رياضية إقتصادية تبغاها مُريحة الوضعية حقت السواقة حقتك اللي تبغاها بس بضغطة زر وأنت ماشي السيارة أدت كل شيء مكانها وانت مستريح كما هو متوقع من اسم مرسيدس.
اللي تم التركيز عليها الله يسلمكم الواجهة منخفضة عريضة إنسيابية تحسين ثبات إختراق الهواء خصوصاً 26 زي ماقلنا إنسيابية وعملية التبريد يعني شوفوا ماشاء الله يعني كمية فتحات التبريد واحد، اثنين، ثلاثة، أربعة، الحساسات موجودة هناك وهنا بكل مكان، الكاميرا الأمامية موجودة.
تصميمياً مرسيدس عملت حاجة جداً ممتازة غير أنه على طول الشاصية على عرض السيارة على إرتفاع على وزن على محركات زودوا من المنطقة ذي الله يسلمكم هنا من الفاروول بين الفاروول والمحور زودوا 60 مل، الأداء الكبوت طول عمق السيارة شكل رياضي أكثر منخفض إنسيابية أفضل لإختراق الهواء حتى وضعية كمان أنه الكبوت صار منخفض مع الطول حقه والمساحة الإضافية اللي محتاجينها عشان إن كان ثبات إن كان توزيع وزن وإن كان علامة في تصحيح المنطقة الأمامية أكثر لا سمح الله الحوادث.
السائق اللي قاعد داخل السيارة شايف الكبوت قدامه منخفض فشايف الطريق قدامه كله مفتوح بشكل واضح مافي لاسمح الله أنه شيء بيعيق نظره أو بشكل آخر غير الإلكترونيات الموجودة كاملة؛ طبعاً غير المنطقة ذي هنا على طولها تلاحظوا كمان الله يسلمكم المنطقة ذي هنا اللي هي قد أيش وسع اللي جالسين في الكراسي الخلفية مهما كانت ضيقة صدق وأمانة قعدت ولدي وبنتي فيها 11 و13 سنة فكانت ماشية أمورهم طبعاً أنا ماراح أقدر أقعد لكن توقعت أنه ماراح يقعدوا جوا السيارة راح يكونوا متضايقين رحنا مشوار أربعة أنفار جوا السيارة أثنين كبار وأثنين يعني صغار شوية بكل أريحية أنا توقعت أنه السيارة راح تكون مرة ضيقة لكن لا بالعكس أدت شغل ممتاز. طبعاً كأي سيارة كوبيه دائماً يميزها طول الباب مقارنة بالسيارة الأربعة أبواب. طول السيارة الأربعة أبعاد 4686 – 2016 – 1405 وحاجة جداً مهمة معاملة إنسيابية في السيارة الكوبيه الكفرات هذي العريضة الثبات 0,26 رقم جداً ممتاز على سيارة كوبيه. هذا القلب النابض حق السيارة بياخذ الهواء من هنا من فوق من هنا من قدام عفواً خليني أوضحها بشكل أفضل بياخذ الهواء من هنا باروول على راس الفلتر على التوربو علشان تشغل يديها هواء سريع بسرعة وتوربات شغالة من تحت؛ الإنتركورل باين هنا من فوق المبرّد محطوط على جنب علشان كمان الهواء اللي داخل من فوق يبرّد السيارة؛ 4 سلندر 2000 سي سي؛ مكينة بالطول؛ دفع خلفي أو دفع رباعي شيء رائع جداً. هنا كاميرات وهنا فيه السيارة ماهي فل أوبشنز واضح أنه هنا فيه نقص شوي في الأوبشنز؛ الهيدر دسبلاي مافي أنه الحساس أنه أقرب من باب السيارة أنها تفتح لوحدها مافي لازم أفتح بالريموت كنترول وهذا مفتاح السيارة الريموت كنترول؛ هنا برضوا باقي الأزارير زي ماقلت وهنا تحمل التحكم فيها الإسسبينشل تعليق السيارة.
الشاشة حلوة والتصميم حلو بس أحس الشاشة كأنه الواحد في آخر دقيقة أفتكر يحطها هنا مابقول أنها وحشه لا والله ماهي وحشه حلوه بس غريبة شوية تحس عادة الشاشة يا إما مثلاً محفورة لجوا أكثر أو معلقة فوق أكثر او نازلة لتحت شوية هنا لا جاية مكانها شوية كأن واحد آخر دقيقة أفتكر أوه خلينا نحط تابليت آيباد نحطها هنا لكنها مقبولة لكنها كل ما أطالع فيها أحس شكلها غريب شوية. ماشاء الله الكليبرات كبيرة والهوبات مخرّمة بالعرض كروز ريلد؛ كفرات 225 / 40 19؛ الكفرات الخلفية 255/35 زد آر 19.
حسب الخيارات كنت أتمنى هنا تكون الشنطة زي مابيقولوا أيش يعني فتح تقفيل كهرباء فيه مكان لها بس ما أعتقد أنه فيه مكان لها هنا بس ما أعتقد موجود في الأوبشنز حقت السيارة هذي؛ هذي الشنطة حقت السيارة ماشاء الله عميقة جوا داخلها.
الخلفي منحوت نحت كذا؛ الشنطة معمولة شكل جناح نفسها منها فيها إنسيابيتها وثبات. الكرسي بيتحرك لوحده لقدام موتريس تحته ماطور طبعاً زي ما أنتوا شايفين الإيرباقات بكل مكان وإيرباقات في الكراسي؛ أعتقد عيب زي ماقلت نتكلم عن سيارات محترمة ألمانية زي كذا مرسيدس ونتكلم عن حكاية السيفتي؛ التكييف بارد جداً ماشاء الله تبارك الله؛ عندنا فتحة سقف كبيرة.
ماشاء الله تبارك الله الفرامل ممتازة؛ نحاول نلحق نخلّص التصوير قبل ما يأذن المغرب يعني فاضل له سبعة ثمانية دقائق تقريباً؛ الشاهد.. خلينا نتكلم السيارة ذي صدق وأمانة كسيارة كوبيه حلوة جداً رائعة شركة مرسيدس في الفئة حقتها حبت تنافس طبعاً مرسيدس هاردلي بصعوبة يعني يجيك منافس في السعر يقول لك لا إحنا عملاءنا خاصين فينا ماراح ننافس في السعر كثير ودائماُ يعني لهم كلاس وبرستيج حقهم مُش بالضرورة أنا موافق وإلا معارض بس هذي فلسفة الشركة وبصراحة سياراتهم تستاهل؛ ما أكذب أخذت مخالفتين سرعة وأنا ماشي لأنه لاشعورياً ما انتبه للعداد ومستمتع في السيارة ماحسيت ماشاء الله تبارك الله السيارة جابت عدّة السيارة المسموح فيها بس أنا دائماً من هذي الناحية أنه العزم حقت السيارة من جوا حلو؛ الثبات؛ الألمان دائماً يخلّوا 500 روودنويز أزعجتني مايلغوه يقول لك أبداً إحنا سياراتنا مفتوح العداد تجيب 250 كيلو متر في الساعة إحنا لازم يكون عاملين لنا مفتح عينه ومركز ما يصرّح؛ بعاً فيه أوبشنز للأسف ناقصة في السيارة هذي الديست درايف دي لكنها موجودة بشكل عام هم ركزوا على حكاية الوسع؛ الشكل الإنسيابي؛ طبعاً اسم مرسيدس والأداء؛ الفرامل ماشاء الله حدّث ولا حرج؛ الثبات حدّث ولا حرج كل مايليق في اسم علامة مرسيدس موجود؛ التركيز كان في الوسع الداخلي في الشكل الجمالي الصرفية حقت البنزين للأسف مافي بطاقة حقت البنزين عشان أحطها لكم هي لكن مع ذلك أحاول أجيب قد أيش صرفية البنزين حقت السيارة.
السعر حول 245,000 ريال للسيارة اللي أنا راكبها دي يبتدي من 188 لأقل محرك اللي هو السي 180 إذا ماني غلطان تقريباً حسب الأوبشنز. أيش فيه شيء ثاني الله يسلمكم الآن إذا تكلمنا عن السعر 245,000 ريال مقارنة بسيارات ثانية أمريكية سبور إذا تكلمنا كوبيه زي الموست زي الكومارو أوكي سيارات جبارة وقوية و 8سلندر والأوتس فال والأوتس كول اللي هي مرسيدس شركة أو المدرسة القديمة الأمريكية 8سلندر؛ أنا عادة ما أخاف من المقارنة بين الأوروبي من ناحية السعر تكون متقاربة أوكي أنا ممكن آخذ موستينغ 8سلندر أكبر آخذ كومارو وأزود شويه يمكن آوصل لفوق مثلاً أطلع لفوق لغاية الكورفيت لكن اللي حابب الألماني وبيدور على الألماني عارف أيش هو يبغى وجاي عليه مخصوص لذلك اللي بيشتري كنت دائماً بقول لهم اشتروا الفولكس واجن الجولف إل آر اللي بيشتري السيارة دي يبغى سيارة بحجم محدد بآداء رياضي راقي وعالي جداً وفي نفس الوقت يبغى السيفتي تكون عالية وصار فيه صرفية تكون محدودة فجاي عارف السيارة أيش؛ الكوري الياباني الأمريكي كلهم الأوروبي عندهم سياراتهم السيارات الرياضية حقتهم لكن الألمان أحسهم بيلعبوا في مستوى خاص فيهم.
سهل أحد ينتقد الكلام ذا إلا إذا أحد فعلاً جرّب السيارات الألمانية اقتناء وحده تملكها عاش معاها يعرف ذيك الساعة لما نتكلم خصوصاً في اللحظات الحرجة في الفرملة وفي الملفات والثبات.
طبعاً من عيوب كوبيه مرسيدس مثلاً إذا خرب عليك زر في التكييف ماراح تلاقي أنه الزر وحده يتغير لازم تغير القطعة كاملة اللي فيها ثلاثة أربعة أزارير وهذي تكون مكلفة شوية.
نسبة الإزعاج أهي الله يسلمكم 575 هذي بصراحة السيارة كوبيه أنا أعتقد شيء ممتاز. أتمنى قدرنا نعطيكم كذا أيش لمحة سريعة عن السيارة يعني قد ماقدرنا كذا لأنه صيام رمضان شوية مع ذلك أعتذر منكم لو سقط مني شيء وأتمنى إن شاء الله قدرنا كذا نشرح لكم السيارة هذي بالكامل. شكراً للوكيل وشكراً لمتابعتكم التجارب الثانية كثير واللي لاقي فرصة عنده خلّيه ياخذ السيارة دي يسوقها شوية ياخذها في كم ملف كذا يشوف الفرمل حقتها أيش راح يستمتع في السيارة كثير.. وشكراً لكم.
الإضاءة جميلة الحركة جميلة حقت بداية النور لونه أزرق وبعدين يبيض إضاءة زي ما إحنا شايفين في المراية في كل مكان في السيارة من الجنب ومن قدام ومن ورا. هذي الإضاءات الداخلية حقت السيارة أتوماتيك في الظلام لوحدها تشتغل أوتوماتيك بدون أي شيء شغلنا شيء أو ماشغلنا شيء الإضاءة أهي شغاله الإضاءة الداخلية وفيه هنا النور الأزرق كمان حلو من الجنب.
الكاميرات 360 درجة؛ هذي الخلقة وهذي 360؛ الملاحة؛ خرائط؛ ميديا؛ بلوتوث؛ هنا الوضعية حقت التحكم في السيارة الإعدادات حقتها صرفية البنزين الكاميرات. المعلومات حقت صرفية البنزين؛ الناحية الإقتصادية حقت الإيكو دسبلاي عندنا حتى الوضعية حقت التعليق التحكم في السيارة والتعليق موجود هنا عندنا قدامنا وموجود كمان بتلاقوها في الشاشة في الجنب؛ الوضعية الإقتصادية؛ الكومفورت مُريحة؛ الإسبورت الرياضية؛ الرياضية سبورت بلس اللي هي عندنا أقصى شيء في الناحية الرياضية وفيه اللي هي الإنديفجول بلاي أنت تحط الحاجة اللي أنت تبغاها تبرمج السيارة حسب ماتبغى على ذوقك؛ هذي مثلاً لما الواحد يطلع من الخط تظهر له الخطوط اللي هي إندبارشر الخروج من المسار توريله خط أخضر أو لا حسب التوجه لما تقراه.
شكراً لمتابعتكم
- يرجى تسجيل الدخول لإضافة تعليقات