تجربة نيسان ماكسيما 2016
|
تجربة نيسان ماكسيما 2016
السلام عليكم ورحمة الله وبركاته.. اليوم معانا سيارة جداً جميلة
--
السعر من 107 ألف إلى 140 ألف تقريباً
28,533 إلى 37,333 دولار أمريكي
--
السيارة حلوة السيارة نيسان ماكسيما؛ السيارة لها تاريخ كبير وعريق اللي أفتكرها أنا في سنة ماكنت في الجامعة كانت السيارة 6سلندر هذي على ايامها 190 حصان دحين ماشاء الله 300 حصان والسيارة ذي يعني أيام الشباب كانت كان لما نجي نجرب سيارات مع بعض كانت هذي مثلاً مقارنة بالموستينغ 8سلندر 230حصان كانت هذي الـ 190 حصان تبهذل الموستينغ روم دحدره الموستينغ جابها بعد 170-180-190 كيلو حتى يادب يمسك معاها فكانت ليها يعني زي مايقولوا شنة ورنه ليها يعني اسم كبير؛ أنتقل المسمى ذا بعدين لمسمى من حابه ظريف ماكان ظريف أبداً اللي كانوا بيسموه ( التابوت الطائر ) لكن بصراحة خلينا نتكلم كلمة حق طبعاً أي أحد يتجنن في سيارة مهما كانت صلابتها حيقلبها لتابوت طائر فهي دائماً الواحد كيف يعامل السيارة وكيف يعامل الأنظمة يعني يحكم عقله شوية؛ خلينا نرجع للسيارة السيارة جبارة السيارة ممتازة.
أيش يعني كلمة ماكسيما؟ ماكسيما جاية من ماكسمازينغ اللي هي تعظيم تعظيم المنفعة؛ تكبير المنفعة؛ تكبير الفخامة أي شيء بتاخذه لحدوده القصوى فهذه هي السيارة اللي آخذينها للحدود القصوى خلوكم معانا اليوم راح نتكلم شوية عن السيارة ذي عن الجنان اللي ساوته شركة ماكسيما لأنه شايف السيارة ذي أنه شركة ماكسيما أو عفواً شركة نيسان جمعت سكر كتير وحطت معاه شوية فلفل أو شوية شطة أو ملح خلطت حاجات شوية مع بعض حاجات غريبة قمة في التقدم وحاجات غريبة شوية تانيه يمكن في طريقة تطبيقها خلوكم معانا اليوم راح نتكلم إن شاء الله عليها.
أبعاد السيارة الله يسلمكم كالآتي:
489 ؛ 185 ؛ 143 ؛ 300 حصان ؛ 353 - 250متر ؛ 300 حصان على 6400 دورة ؛ 353 – 200 مترى على 4400 دورة في الدقيقة.
الجيربكس سي في تي وأيش عندنا أشياء تانيه في السيارة دي كمان مستمعينا عندنا الله يسلمكم السيارة دي مقارنة بالموديل الأقدم فيه عدّة أشياء خلّي الناحية الجمالية لأنها أجمل بكتير طيب والزوايا هذي أول ما أبتدأت مع المورانو وشركة نيسان وبعدين لحقتها شركات تانيه كتير في التصميم دا إنكلودينغ شاملة ليكزس فتصميمها حل حكاية شوية زوايا كذا مسطحة زوايا زوايا.
خلينا نتكلم الآن أيش الفرق بينها وبين الموديل القديم: نبتدي الشكل أجمل عالأقل في ظني أنا الشاص طيب أفضل من القديم أصلب وأخف وزناً الشاص جاي أطول أو طول السيارة زاد بحوالي 5,5سم والإرتفاع قل أنخفضت السيارة السقف أرتفع بحوالي 3,5سم والسيارة راحت بالعرض عشان يديها ثبات وتماسك في الأرض والأداء رياضي. شركة نيسان في مفهومها تبي تجمع بين هدفين غريبين شوية سبورت سيدان خل نقول سبورت وسيدان؛ سبورت وسيدان لو جينا نتكلم يعني من يوم مايخطر على بالنا كلمة سبورت سيدان تتكلم على تشالجر تتكلم الله يسلمكم مثلاً على هيلكات حاجات زي كذا كلمة سبورت سيدان لكن هنا حبة تاخذها بمفهومها على السيارة الحجم الوسط سبورت سيدان وتوفر بنزين فهنا شوي يمكن زي مايقولوا أيش الوصفة بتناسب ناس فيه ناس تنبسط منها وفيه ناس شوية تلاقي تقول لك ياخي ناقصها سكر شوية لا والله زايد سكرها شوية كمثال بسيط؛ الشاصية أصلب أقوى أفضل أخف وزنا السيارة أخف بحوالي 40 كيلو من الموديل القديم في نفس الوقت ربطة الأحصن المُحرك العملاق من شركة نيسان من عائلة الفيكيو بس 60% من قطع الماكينة من الداخل تم تجديدها وتم تغييرها لأداء أفضل وجيلوبيرتي استحمال أفضل توفير بنزين أفضل.
عملية توفير البنزين اللي حبة تفكر فيها شركة نيسان تكلمنا عن البودي وأتكلمنا عن الماكينة تلكمنا على تعليق السيارة أفضل الدريكسون كهرباء والجيربكس سي في تي؛ الدركسون كهرباء مميزاته أنه مابيستهلك طاقة فتوفير بنزين أقل عفواً يعني توفير بنزين أفضل إستهلاك بنزين أقل نفس الشيء جيربكس السي في تي معمول عشان توفير بنزين فالأثنين يعني مع كلمة سبورت فيه 300 حصان زمان شفتوا السيارة جربتها كذا قبل ما ابتدي التصوير فها مواصفات كاملة رائعة بس هي نوعاص ما شوية كذا زي ماتقول على قد ماهي ماشية مع بعض في منكقة معينة وتبتدي تخش عكس بعض في مناطق ثانية.. خلوكم معانا اليوم حناخذ لنا يوم طويل بالسيارة دي نستمتع فيها مع بعض.
السيارة هذي الله يسلمكم يعني ما أنكر مُعجب جداً بالزوايا التصميمية حقتها جميلة وآخذينها زي الطائرات الحربية لو تشوفوا مثلاً طائرات الـ F15 – الـ F16 فما فوق تلاقي الطيارة بودي لون والكوكبت المقصورة فوق تجي لون القزاز بلون تاني فتلاحظوا السيارة جايه آخذه لون في لون كذا فعلاً مستوحى من الطائرات الحربية؛ نيسان ماكسيما نيسان يعني طول عمرها كانت بتركز على الناحية الرياضية شوية على قد ما ذا الشيء رائع في الثبات في الفرملة في الأداء في يعني أي واحد حابب يستمتع وينطرب في السيارة في الياباني نيسان وسوبور ومازاد كانت دي والهوندا كمان بتخش على خط تاني؛ التويوتا موجودة بس تُحب تركز على حكاية النعومة عزل الصوت أكثر مايتركز من نواحي الرياضية البحتة طبعاً هذا نوعاَ ما يعني في شوارعنا الحرير وإذا جاء واحد مايهتم بالحفر والمطبات ممكن عاللونغ جرانغ عالمسافة الأطول لازم حيبتدي يسمع أشياء جوا السيارة من إزعاج لكن خلينا الآن زوايا النحت رائعة الخلفية تشبه الإنفينتي السيارة رفعوا مستواها كثير من ماكسيما لدرجة صارت الفواصل بينها وبين أختها الفخمة أختها الغنية الإنفينتي صارت جداً ضعيفة يعني إذا بنتكلم عن السيارة مثلاً 145 ألف ريال هنا كمثال بسيط أنا ممكن مثلاً فيه واحد مقتدر معاه فلوس يقول لك عمنا زود شوية وآخذ دفعة خلفي وآخذ الإنفينتي كيو فيفتي أو فيه سيارات ثانية منافسة لكن محبين الفئة دي للفئة دي نفسها واللي رغبان فيها عندك فتحتين سقف عندك الله يسلمك مناطق عمياء 360درجة عفوا الكاميرات 360درجة عندك مناطق عمياء عندك جهاز حتى إذا أنت بديت تسهى في السيارة أو ماتنتبه في طريق يعطيك إنذار؛ مثبت السرعة؛ مثبت المسافة بينك وبين السيارة اللي قدامك كمية إليكترونيات موجودة في السيارة لا ونوعية الجلد اللي محطوط من جوا وعملية التطريز اللي على شكل الدايمنز اللي على شكل الألماس رائعة جداً؛ نفس خامة الجلد موجودة بشكل حلو؛ تبريد الكراسي أو تسخين الأمامية... عُد وأغلط من كمية الفخامة الإلكترونية اللي فيها.
فالماكسيما أول مرة في حياتي أشوف الماكسيما على قد ماهي السيارة حلوة وراقية توصل للمرحلة دي راح نرجع ثاني مرة السيارة دي أنا أقول كنت أتمنى طول عمري أقول سيارتين في السوق لو كانت دفع خلفي والجيربكس حقها 8 -9 سرعات ودفع خلفي هذي الماكسيما والأمبالا بقولها يعني أنا ماني مستوعب أيش كمية المبيعات اللي راح تبيعها في السوق وخصوصاً جات دفع خلفي الماكينة بالطول أو دفع باعي كمان والماكينة بالطول راح يكون شيء جبار جداً لأنه يعني أعتقد راح تخرق الحاجز حق المبيعات العالية حقتها وتجيب مبيعات خيالية ما حصلت في تاريخ الشركتين هذي.. خلوكم معانا اليوم زي ما أنتوا شايفين شكل السيارة جداً جميل؛ الجنوط 18 وراح ناخذكم في باقي السيارة.
طبعاً زي ما إحنا شايفين الله يسلمكم الكبوت منحوت نحت هنا مرفوع كأنه السيارات الرياضية القديمة في الخمسينات والستينيات الأمريكية وبعدين منحوت مسطح من هنا وبعدين منحوت من الجوانب من هنا الشكل جداً جميل. الماكينة دفع أمامي ثلاة أربع الوزن جاي قدام؛ السيارات هذي دائماً يجي الوزن بنسبة كبيرة قدام 63-67 وزن السيارة قدام واحد واحد من العيوب حقت السيارة؛ المُحرك جاي غالبيته محور أمامي ومع ذلك الإلكترونيات بتساعد كثير يعني ما أقول هذي ميزة أنا أعتبرها دا عيب بس مقدمينه كثير عشان يعطوا مسافة خلينا نرجع تاني نتكلم عن السيارة سيدان بنفس رياضي لا تعتبروها السيارة سبورت.
مقاس الكفر الله يسلمكم 245/ 40,19 كفرات لوبروفايت شوية السيارة كفراتها ممتازة في التناسب في الثبات في الأداء الرياضي عندنا هنا سنس الضغط حق الكفرات لكنه راح نرجع تاني نقول الله يرضى عليكم جنوط 19-20 – 18 ومافوق أنتبهوا من الحفر والمطبات يعني الواحد يبغى له شوية إعتناء لا أكثر ولا أقل.
هذي الفئة اللي معانا فئة SR فئة رياضية وإن كان أعتبر أظن فيه فئة أعلى منها بلاتنوم أو شيء زي كذا لأنه فيه شوية أشياء فيها ناقصة السيارة؛ الشنطة فيه مساحة ماشاء الله لابأس فيها هنا أعلى وزاوية التحميل لا بأس فيها ماهي مرة عالية بتكفي من هنا من تحت لفوق مع الحماية اللي موجودة؛ عندنا الشنطة هنا برضوا زي ماقلت ماشاء الله يعني الكمية لا بأس فيها بيقدر الواحد يحط شنطة سفر كبيرة جوة السيارة؛ تقفيل يدوي مافي كهرباء ولا غيره؛ حساسات رجوع للخلف ؛ كاميرا خلفية ماشاء الله هنا كاميرات عد وأغلط؛ جناح لتثبيت السيارة أيضاً جناح رياضي؛ السير بريك لايك موجود عندنا هنا وهنا جوة السيارة.
السيارة هذي الله يسلمكم صناعة مصانع نيسان وشركة أمريكا عفواً مصانع شركة نيسان في الولايات المتحدة الأمريكية في أمريكا فهذي السيارة صناعة أمريكا.
نقطة ثانية اللي حابب أنوه عليها وأشكر جداً شركة العيسى وكيل نيسان فالله يسلمكم ماقصروا عزمونا على حفل السيارة أصريت أنس أبغى أسوق السيارة لأنه بكرا مسافر إن شاء الله على دبي علشان في معرض دبي عندي أشياء تانيه كتير أسويها هناك فالجماعة ماقصروا شحنوا لي السيارة بسرعة من الرياض لجدة عشان أوصف لكم هي فمشكورين شركة العيسى.
مساحة الجلوس الخلفية لا بأس فيها كمان يادوب فيه صباع بين ركبي والكرسي الأمامي طبعاً أنا مرجع الكرسي الأمامي على طولي تقريباً؛ السقف فيه عندي كمان أصباعين تقريباً حلو لا بأس فيها بس على طول السيارة وعلى التصميم الرائع اللي فيها أعتقد ممكن تستفيد السيارة كمان من سنتين ثلاثة إضاءة خلفية في طول السيارة راح يطلع شيء رائع؛ فتحة التكييف هنا موجودة تحت كمان شيء حلو وطبعاً الفئة دي اللي قدامي أنا ما شفت غير فئة بس الفئة دي اللي قدامي إيرباق إيرباق إيرباق مناطق عمياء إيرباق إيرباق وفي الكراسي إيرباقات فشيء ممتاز؛ أتمنى أتمنى أنه نفس الإيرباقات دي والمناطق العمياء تكون موجودة في أقل نوع دائماً أتكلم على قد ماحبنا للسيارات وتعجبنا السيارات كلها بس حكاية السيفتي جداً مهمة وأتمنى مو بس في أعلى نوع في أقل نوع صعوداً هذا الكلاد دا لوأشوفه في كل السيارات وأحب دائماً أنوه عليه لأنه أتمنى إن شاء الله الوكلاء والمواصفات والمقاييس والمصانع في الشرق الأوسط تبتدي تهتم في الناحية دي على الأقل في السعودية في دول الخليج موجود في السعودية إن شاء الله يعني ينتبهوا للناحية دي أكثر. الحلو في السيارة هنا الله يسلمكم عندنا معلومات كثيرة جداً وكنا يعني نتفرج عليها نشوفها؛ هذي درايفنغ إدز مساندة السواق من مناطق عمياء ومن المسافة الأمامية أمام السيارة جهاز ضغط الهواء حقت الكفرات هذا طبعاً يبان والسيارة ماشية وهنا عندنا عداد السبور والسرعة وحرارة الزيت وحرارة المويا؛ warnings الإنذارات عندنا لما يقول الباب الخلفي مفتوح الـ settings في شيء كذا في السيتنغ اللغة هنا بالإنجليزية مافي بالعربي؛ عندنا هنا البوصلة كمان برضوا هنا البوصلة اتجاه السيارة؛ المعلومات حقت السيارة البنزين والسرعة والكم كيلو ماشية السيارة؛ معدل إستهلاك البنزين والدرايفنغ إدز تاني مرة مساندة السواق؛ المناطق العمياء عندنا هنا المساندة حقت يعني كل أنظمة الأمان الإلكتروني موجودة في السيارة لتنبيه السواق.
عندنا هنا النفيجيشن لمس وعندنا هنا كمان الله يسلمكم فيه تحكم الواحد يقدر يتحكم في المنطقة هنا؛ عندنا هنا كمان أمكان الأكواب وهنا تبريد الكراسي وهنا زر السبورت والنورمل حقت الأسبينشن؛ ياريت في وضعية ثالثة كانت مريحة لكنها هنا مختصرة العادي والرياضي. النظام السمعي حق السيارة سماعات بوست كمان وعندنا هنا على اليسار باقي جهاز فتح الشنطة وفصل جهاز التحكم في التماسك والشماسة الخلفية.
بسم الله الرحمن الرحيم.. راح نقيس تسارع السيارة ونشوف كيف أيش النتيجة. راح نجرب التسارع حقت السيارة الآن وطفينا المكيف السيارة على السبورت تعشيق رياضي ونقول يابركة بسم الله الرحمن الرحيم نديها...
التسارع كان بيقول 6,5ثواني إحنا جبناها 7,30 ثواني تقريباً وفعلا ً جربت التسارع بالسبورت وبدون زر السبورت وبالتعشيق الرياضي فرقت معايا 8,03ثواني و 738,30 فيه حوالي فرق يعني كم 3,33 من الدقيقة يعني 33 ثانية بالضبط.
أنا شايل الآن يعني شفتها لما يكون مصغل مثبت السرعة الله يسلمكم السيارة تديني إنذار لما أقرب لقدام كثير لكن زي الآن السيارة اللي أمامي شوفوا الله يسلمكم السيارة اللي أمامنا الآن أنا بالعنية قربت منها كثير بس السيارة ما أعطتني أي إنذار أنه أنا ممكن أصدم في السيارة اللي قدامي فلو فيه حساسات سينسرز أمامية على قد فيه كاميرات أم لا فسبحان الله يمكن أسهى يمكن السيارة تتدحدر شوية فلو فيه إنذار أنه ترى أنا راح أخبط في السيارة اللي قدامي يكون ممتاز لأنه ماشاء الله الشعب عندنا عبقري شوية في السواقة. ممتاز 60 ديسبل مع أنه حاسس الإزعاج أكثر وهذا جاي من الكفرات أنها عريضة ومقاس 19 أكثر الإزعاج جاي من هناك لكنه 60 ديسبل ممتاز 60ديسبل يعني إلى الآن واحد من أقل الأرقام اللي جاتني.
لما تحط السيارة على النورمل مُش على السبورت وتتسارع في السيارة حتى لو حطيته على A الإيربيم راح يقعد يشتغل 6,5 المعتاد سي في تي المعتاد ماراح ينزل عنه؛ من يوم ماتحطه على السبورت وزر السبورت هنا راح يبتدي لا بتلاقيه يعشق معاك بس اللي هو أيش فون فون فون فون فوق كذا ماتحسه لغاية فيه فهمتوا عليّ كيف يعني تحسوا رايح جاي وهو طالع خمسة مرات أربعة مرات ستة مرات ومكمل لفوق فنوعاً ما بتحط زر سبورت ردة فعل الجيربكس يختلف ردة فعل الدركسون بتختلف لأنه كهرباء؛ الكهرباء على قد ماهو دقيق ماهو دقة الدركسون العادي نظام التوجيه دركسون في السيارات المعتادة لأنه بيعطي ردة فعل مع الأسفلت بيعطيك ردة فعل أكثر فبيديك أحساس أدق وبيعطيك الدركسون الكهرباء دقيق ماأقدر أقول ماهو دقيق بس لمن يكون الله يسلمكم فيه ردة فعل مع الشارع بتحس الشارع أكثر نوعاً ما يمكن توجيهات يعني توجيهاتك للسيارة والدركسون تكون أسرع وأدق وأزبط من مايكون جهاز ميت ماشي معاك زي المسطرة بس مابيعطيك ردة فعل للشارع؛ أحسن في توفير البنزين؛ الجيربكس سيفتي أحسن في توفير البنزين مما يتنافى مع كلمة سبورت سيدان؛ السيارة ممتازة راسية حلوة لما تحطها على السبورت ردة فعل الجيربكس الدركسون بتختلف في طريقة التعشيق لكن مازال السيفتي مازال السيفتي لو هذي السيارة على قد المُحرك اللي فيها والتعليق اللي فيها والفرامل اللي فيها بالجيربكس مختلف مو كان أبدعت كان عملت أشياء ماتعملت لكن فلسفة شركة نيسان نحترمها حبوا يسووا سيارة رصينة ناضجة فخمة حلوة بنفس رياضي المحرك اللي فيها مع التعديلات 60% يعني قمة في الإبداع والتجلّي لكنه زي ماقلت الشركة حبت أنها تحط فلسفة معينة في طريقة التحكم في صرفية البنزين مع أنه صرفية البنزين جيدة بس ماهي ممتازة.
منافسين السيارة هذي أن تبغى دفع خلفي راح تخش في التشالجر والكرايزر300سي دفع أمامي عندك الكادينزا عندك الأفالون وأيش فيه شيء تاني سيارات تانيه فيه عندكم عندك سعرياً قريب مرة منها كمان وفئة من الأفخم ودفع خلفي؛ و8سرعات الجيربكس أتوماتيك؛ الجينيس300 ؛8 أحصنة فمن الداخل السيارة هذي زي ماقلنا الجيربكس والسيفتي على قد ماالمحرك التعليق رهيب ماهو سيء بس ماهو مابيعطيك الفل بوتينشن مابيعطيك الطاقة الكاملة حقت السيارة اللي تقول ياسلام المُحرك معطيك صوت يعطيك كل شيء بس أحسه دائماً الجيربكس شوية كذا الحلقة الأضعف عشان مقصود فيه توفير في البنزين؛ مافيها دبل سبليه هذي كمان وحده من الأشياء اللي أيش على قد السيارة لما بدفع حوالي 140- 145 ألف – 139ألف أتوقع ألاقي بدبل سبليه وخصوصاً في الفخامة والمجهود الجبار اللي عملته شركة نيسان في السيارة هذي فأمتعونا وعشمونا وطمعونا.
من الخارج عندك المنافسين طبعاً قلنا اللي هو الإلكترونيات الموجودة كلها جبارة في السيارة ماراح أتكلم فيها؛ من الخارج بنتكلم سعرياً عندك منافسين عندك تشالجر عندك الكريزر 300 سي دفع خلفي وعندك الإمبالا دفع أمامي وعندك الأفالون وعندك الهوندا الأكوراد وعندك الكيا كادينزا كلها 6سلندر كمان فيه منهم وأدائهم برضوا ممتاز على حجم السيارة وطولها المساحة الخلفية لابأس فيها وإن كنت أتمنى سنّه أطول بشوية بما يليق بجمال السيارة صراحة لأنها جداً جميلة وتصميمها؛ الدركسون حتى هنا لاحظوا الدركسون عامل حكاية القصة الرياضية لكن أرجع تاني مرة أقول كل شيء في السيارة دي رائع بس الحلو مايكمل أو الزين مايكمل فحطلّي هذي هنا يعني هههه حلوه حلوة السيارة بس زر التشغيل التطريز حلوة السيارة لكنه والكراسي حلو الجلد اللي فيها التخريم التبريد يعني كأنها أنفينتي لكنه سيفتي يعني أنا السيارة دي لو دفع خلفي أو دفع أمامي بس بجيربكس 8نمر عندهم الـ7نمر حقت الأنفينتي جبار.
الخارجين زي ماقلت الجينيسس كمان وحده من المافسين الأقوياء فيه تحدّي على شركة نيسان والوكيل الآن أنه لمحبين نيسان واللي عاشقين نيسان وغرمانين في نيسان أو بيفكروا في نيسان يبغوا يشوفوا العودة حقت شركة نيسان قوية في السوق المنتجات موجودة الناس تبغى تشوف قطع الغيار الصيانة يبغوا يشوفوا يمكن تجاوب مع المستهلك أحسن؛ أنا بشكرهم كثير جداً لأنها ماقصروا صراحة وصلّت السيارة شركة العيسى ماقصروا بسرعة على سطحه وأرسلوا لي هيا لغاية جدة وهذا شيء يشكروا عليه زي ماقلت بس يعني التحدي قوي أتمنى لهم كل خير أعتقد شركة نيسان داخلة في عملية توزيع وتعيين أكثر موزع لهم في المملكة عشان لعدّة أسباب يمكن هم شايفينها مع أنه أنا ماني لا مع ولا ضد أثبتت أن السياسة دي بتنجح في أشياء وما بتنجح في أشياء تانية لكن أتمنى زي مايقولوا أيش الدعم الكامل لأنه شركة نيسان موجودة فأتمنى الدعم الكامل لقطع الغيار والصيانة عشان تعود نيسان لسابق مجدها لأنه الكوريين صاروا رقم أثنين في السوق وبيقفلوا يعني الفجوة بينها وبين شركة تيوتا بشكل كبير الضغط طبعاً راح يكون على قطع الغيار والورش والصيانة؛ العميل واعي وبيستهلك وبيتوقع خدمة يعني على ليفل معين وأتمنى أن شاء الله الجماعة قدها وقدود وزيادة أتمنى لأنه يقولوا الآن الأمور هادية ومستقبل رؤي العين ونسمع من الناس أنه والله فعلاً الصيانة تحسنت والأمرو تحسنت السيارات أفضل المواد الخام أفضل السيارة أفضل أفضل فيها تكنولجي جبارة ما أنكر المصنع حط مجهود جبار ويمكن الزين مايكمل حكاية السيفتي لكنه المناطق العمياء كل شيء تاني فيها أتمنى زي ماقلت أقل درجة لأعلى درجة تكون مواصفات السلامة كاملة السيارة فعلاً منبهر وأرفع لهم القبعة إحتراماً؛ منافسينها جينيسس أو ناحية السعر شوية فيه خط فيه ضرب جامد راح يصير خلينا نشوف كيف تمشي الأمور في الدنيا ومع السيارة هذي.
شكراً لكم متابعتكم وشكراً على مشاهدة التجربة ذي وشكراً لشركة نيسان والعيسى ولي تجارب إن شاء الله كتير وشكراً لكم.
- يرجى تسجيل الدخول لإضافة تعليقات