تجربة وحش بي ام دبليو اكس 6 ثمانية سلندر 2015 -2016
|
تجربة وحش بي ام دبليو اكس 6 ثمانية سلندر 2015 -2016
السلام عليكم.. اليوم بنجرب إن شاء الله 2015 بي ام دبليو X6 V8 500؛ نشوفكم إن شاء الله بعد التجربة. تجربتنا اليوم إن شاء الله على الـ X6 الجديد البي ام طبعاً هو تغير بالكامل الموديل اللي قبله نزل تقريبا بالـ 2007 – 2008 تقريباً البي ام ماكانوا يتوقعون المبيعات اللي ماشاء الله هم وصلوا تقريباً أكثر من ربع مليون سيارة انباعت فأهتموا بالجديد من ناحية الشكل أنه يكون يعني متطور أكثر من برا ومن داخل؛ أول موديل نزل الـ 8 سلندر ونزل بعده بالخليج الـ 6سلندر؛ السيارة يعني يكفيها شعر البي ام يعني سيارات البي ام سيارات فخمة وبنفس الوقت رياضية والشخص اللي يفكر بالراحة والهدوء وبالأشياء هذي ممكن أنه يروح للأودي أو المرسيدس والشخص اللي فعلاً يعشق شيء اسمه قيادة وأنه يستمتع بالسواقه البي ام لاغبار عليه؛ السيارة كنت مفكر أني أقارنها بالـ Cayenne S بحكم تقريباً من نفس السعر ومن نفس الليفل بس صراحة أنه والله لا حسيت أنه يعني فعلاً أقرب تقريباً للـ Cayenne Turbo أكثر من Cayenne S يعني هو تقريباً صاير بين الـكين الـ إس أو الجي تي إس وبين التوربو.
الـ X6 أطول وأعرض من الـ Cayenne بـ5سم وطبعاً الإرتافع نفس الإرتفاع. جنوط الـ X6 اللي معانا اليوم الـ20 الحجم الكفرات الأمامية 275 والخلفية 315؛ اللي أكبر منها الـ 21 الأمامية 285 والخلفية 325.
الوزن أخف شوي يعني بشيء بسيط يعني ممكن مع الأوبشنز الوزن هذا يمكن يختفي فوزنه تقريباً 2100 كيلو.
توزيع الوزن بالـ X6 50/50؛ 50% قدام و 50% ورا فالسيارة جداً متوازنة؛ شوي ثقيل بس هم معوضين الشيء هذا بالمكينة يعني لازالوا البي ام حاطين لك الـ V8 وهذا الشيء أشوف أنه البورش اللي هم غلطوا فيه أنه شالوه من الكين إس والكين جي تي إس؛ فالبور 450 حصان بالـ X6 بالكين الإس اللي جربناها 420 بس فرق رهيب بين الـX6 والـ Cayenne يعني يكفيك أنه هنا فيه زيادة 2سلندر وبنفس الوقت العزم عزم هذاك 550 وعزم هذا 650 ؛ الـ Cayenne Turbo 520 حصان 8سلندر 4.8 تيربو الـ X6 4.4 ماكينة الـ 4.4 هذي البي ام يستخدمونها يعني الدسبليس ممتاز يستخدمونها من نهاية التسعينات وطلعوا مميزين فيها ومن أفضل الـ 8سلندر الموجودة بالعالم؛ الـ Cayenne Turbo 520 حصان 750 نيوتن متر اللي هو العزم فمن 0 -100 الإكس 6 يأخذها في 4.8, الـكين تيربو يأخذها في 4.4 سيكند؛ فيه فرق بينهم بسيط بس نشوف إن شاء الله اليوم نجرب نشوف التسارع. الإكس 6 برضه السنة هذي بدأوا يدخلون عليه اللاينز اللي دخلوها على سياراتهم اللي هي 4سيريس و3 سيريس يصير عندك البيز وبعده يصير عندك اللي هم 3 أنواع للي هم شيء يسمونه الـ Extravaganza يكون فل أوبشن ويكون فيه بدال الكروم يكون فيه اللون الذهبي ويكون من داخل لونين يعني مخلينه فخم شوي وفيه الـ M طبعاً ماهو الإكس سيكس إم لا الـ إكس إم كيت يجي معاه التغير اللي هو من داخل الدركسون السكان, الرينقات, الجنوط, الكراسي تكون أفضل يعني اللي معانا اليوم اللي هو الفيفتي البيز والكراسي اللي عليه اللي هي الكونفورت جداً مريحة بس إذا بتفكر كرسيارة رياضية أنا أفضل السبورت عليها يكون فيها القريب وتكون تمسك السواق أفضل من الكونفورت ؛ الكونفورت إذا بالسفر أو إذا إنك تحب السيارة تكون مريحة فجداً يعني ممتازة؛ الموديل الرابع اللي هو الإنديفيجول؛ الإنديفجول اللي أنت تقدر تسوي الألوان اللي تبيها بالجلد بالأنواع اللي تخطر في بالك وتكون ألوان أكسكلوسيف للإنديفجول؛ الـV8 تجي معاه مواصفات تقريباً استاندر مخليته يعني يفرق عن الـ 6سلندر ؛ الـ6سلندر طبعاً بالبي إم ماهو V هو أونلاين 6سلندرات ورا بعض ؛ الجير 8 تعاشيق نظام القيادة حق البي إم الجديد اللي هو الإيكو وعندك النورمال درايفنغ اللي هو الكونفورت وعندك الإسبورت والإسبورت بلس؛ الإسبورت والإسبورت بلس عندك العدادات تتغير بحكم أن العدادات الإكس6 يعني صار لها تغيير بالكامل فصارت كل العدادات صارت LCD والشاشة اللي فيها النافيجيشن صارت تقريباً 10 إنش؛ شاشة ماشاء الله كبيرة وحطوا لك الإنترنت أولريدي السيارة فيها بيلت إن سين وفيها السبسكريبشن انترنت تقدر تستخدمه 3 سنين (جوجل, فيس بوك, تويتر ) الأبلكيشنز هذي أنا ماراح أكثر الكلام فيها لأنه فعلاً يعني واصلين بالتكنولوجي شيء رهيب تسكر السيارة وأنت بأي مكان بالعالم من الأبلكيشن اللي بالجوال مثلاً وغيرها الكثير يعني؛ أنا بركز أشلون قيادة السيارة. مثل ماشفنا بالبورش كين الكوستينغ تكنولوجي اللي هي عبارة عن أنها تفصل الجير عن الماكينة لما تكون ماشي بسرعة ثابتة ورافع رجلك من البنزين ومنت ماسك فرامل التكنولوجي هذي موجودة بالإكس6 بس تكون يعني تشتغل أو أكتفيتيد بالإيكو بروموت.
البي ام من السيارات الوحيدة اللي تصنع إنجنز لها وللسيارات الثانية ويكفيك أنه يعني من أنجح ماكرلين في العالم البي ام اللي مصنعة الماكينة حقتها وغيرها وغيرها سيارات ثانية تُعتبر الآني يعني من السيارات النادرة وأسعارها بالملايين؛ الممتع بالبي ام المكاين فيها غير طبيعية أضف إلى ذلك عندهم المساعدات أو طريقة تعامل السيارة بالريق فعلاً يحسسك أنها فعلاً سيارة رياضية لاهي بورش ولاهي مرسيدس اللي ناعمة بزيادة عن اللزوم فتعتبر سيارة مُريحة جداً؛ البي ام لا سيارة رياضية, الشغلة الثانية المميزة في البي ام اللي هي السكان أو إحساس الدركسون لمن تسوق فعلاً تحس إنك متحكم بالسيارة 100% ماتحس السيارة مثلاً تسبح ماشية على راحتها على كيفها لا تحط السيارة بالمكان اللي تبيه بالكيرف تدخل الكيرف وأنت واثق من نفسك فما تجرب بنفس اليوم جرب لك البي ام جرب لك الأودي جرب المرسيدس جرب الليكزس راح تلقى سواقة البي ام إنك فعلاً تستمتع يعني ولما تسوق البي ام أول مرة راح تلقى إنك قاعد تبتسم. الـ x6 اللي واصل الخليج طبعاً اللي هو الإكس درايف اللي هو دفع رباعي؛ طبعاً كشاصية كأنجن كجير نفس اللي موجود بالإكس5 الـx5 تقريباً عائلية أكثر هذي لا شبابية أكثر فالشخص اللي فعلاً يبغى يتميز الإكس6 من السيارات اللي فعلاً بالشارع مميزة أنه يعني ماتلقاها إنتشار الإكس5 بس طبعاً عندك الشنطة الخلفية أو الدبة الخلفية شوي الحجم فيها شوي صغير يعني الشخص اللي عنده عائلة بيسافر أو بيروح أو هذا ففيها يعني نوعاً ما ضيقة؛ الكراسي الخلفية ماراح أقول أضيق مثلاً أنا أقارنها بالإكس5 فالسقف شوي نازل بس كعائلة صغيرة أطفال الشيء هذا عادي بس الكراسي نازلة يعني اللي بيجلس ورا راح يحصل أنه نازل غائص بالكراسي فممكن أنه مايستانس أوأنه مايستمتع يشوف أيش اللي قاعد يصير قدامه بس كمساحة جداً ممتازة؛ طبعاً كلهم الأثنين الإكس5 والإكس6 أصغر من مساحة الـCayenne مساحته الخلفية جبارة. مرايا الإكس6 الجانبية من النوع الكبير فالرؤيا منها جداً ممتازة بس مشكلتها مع الهواء تطلع صوت حتى على السرعات البسيطة اللي هي 70/80 كيلو متر بالساعة.
البي ام مبدعين بالتكنولجي فتلقاهم عندهم الـR&D أو الأبحاث والتطوير شغالين باستمرار فهم من الناس المتطورين من ناحية الأنوار فبالنسبة لهم الـxinon صار شيء من الماضي ألحين داخلين بالـ LED السيارة بالكامل من قدام ومن ورا ليد فالنور العالي الواطي ليد والليد هذا فيه كاميرا تكون خلف المرايا الوسطية هذي بحيث أنها تشوف السيارات اللي قدام وتسوي أبتيشن أنها ماتضايق السيارات اللي قدامك تزعجهم بالنور العالي أو الواطي فالأنوار متحكمة بنفسها إليكترونياً وقدام إن شاء الله ممكن ينزلون اللي هو أولريدي اللي موجود الآن بالـ i8 اللي هو الليزر يعني هم واصلين بالإضاءة لليزر فمساحة التغطية اللي فيها يعني أكثر بكثير من الـ LED .
من الأشياء الحلوة اللي عجبتني اللي هي الداخلية مدخلين لك الـLED فتقدر تغير تتحكم بالإضاءة الداخلية (أحمر, أزرق, أبيض, تبي تخلط بين الألوان ) فحركة جداً حلوة إحنا شفناها بالمرسيدس وصارت الآن في البي إم جداً حلوة.
السيارة مع الوزن اللي حسيناه فيها لـ 2000 و100 كيلو بس مع الـ8سلندر وإحساس الدركسون اللي تكلمت عنه تحس السيارة خفيفة يعني فعلاً السيارة تشجعك إنك تعطيها وتدوس وتمشي وعندك الشيء البورش للأسف أنه أفتقدوه الآن اللي هو الصوت حتى بالتيربو التيربو مافي صوت مع أنه 8سلندر هذا صوته روعة تحس فعلاً أنه صوت 8سلندر يعني مثل مايقولون يطربك.
شغلات ثانية تفوقت فيها البي إم هذي من التجربة الشخصية للسيارة اللي هو ستارت ستوب إنجن بالإكس6 السيارة هذي لقيت أنه فعلاً يعني مضبوط توقف السيارة بالكامل تفطي الماكينة بالكين قبل التوقف تطفى؛ الشغلى الثانية اللي هو الهولد الأوتو هولد بالكين لقينا أنها تمسك يعني قبل ماتوقف 100% هذي شوية تخليك يعني تحس أنه فيه شيء غلط أو تخليك منت مرتاح لوضعيتها بالإكس6 لا بالعكس ممتازة يعني أول يعني توقف 100% تشتغل معك فتحس السيارة نورمال عادي؛ شغلة ثالثة اللي هي الشغلات اللي يقول لك مساعدة السائق مثل النقطة العمياء مثلاً أو اللين تغيير اللين السينسور والأمور هذي فبالـ Cayenne لكل سيستم تلقى له زر لازم تروح له أو عن طريق شاشة تروح تستخدمه وتعدل فيه؛ بالـX6 زر واحد إذا ركبت السيارة مثلاً تسوي له تفعيل مرة وحده وكل ماتمشي خلاص صير معاك شغال اللي هو اللي بالوسط هذا إذا فعلته أول مرة يصير أخضر هذا أخضر معناة كل السيستمز اللي هي ريكوليجن يعني لاسمح الله لو السيارة فيها الرادار الأمامي وفيه سيارة قدامك مسك بريك وأنت مو منتبه السيستم أولريدي هذا شغال ( اللين تشينج, اللين ديبارتشر, النقطة العمياء) كلهم شغالين بهالزر تبي تطفي كل السيستمز تطفيهم من هنا فأسهل يعني خصوصاً للناس العاديين يعني يمكن 90% أو 99% من الناس ماتبي تروح للتفاصيل وهذي شغال هذي ويعدل فيها وشغلة ثانية تفوقت فيها البي إم اللي هو إنك تقدر تشيك على السيارة ماهو بس الزيت مستوى الزيت لا تشيك عندك مدى السيرفيس بالإضافة إلى عندك البريكات الأمامية الفرامل الأمامية أشكثر يعني راح تعيش معاك, الخلفية نفس الشيء تشيك السيارة بالكامل يعني كأنك بالورشة؛ أضف إلى ذلك المفتاح حق البي إم مفتاح يعني سمارت يعني لما تروح الوكالة مايحتاج والله إنك تقول لهم عندي السيارة فيها الشغلة الفلانية والشغلة الفلانية والشغلة الفلانية لا تعطيهم المفتاح زي البطل هم عندهم جهز يحطون فيه المفتاح تطلع كل تفاصيل السيارة أنا أتكلم تفاصيل السيارة يعني أي Warnings عندك بالشاشة يبين عنده متى السيرفيس وأي وأي سيرفيس ونوع السيرفيس ومتى كنت آخر مرة عندهم كل شيء كل شيء شغال حركة جداً روعة مع أنه بالموديلات القديمة لما كان المفتاح العادي فكان السويتش يشحن المفتاح فما كان يحتاج إنك تغير البطارية بس الآن لأنه صار المفتاح تحطه بجيبك فماصار له يعني إنك تشحن المفتاح. نتكلم عن الفرامل في البي إم تقريباً نفس أداء البورش بس البي إم ما يعطونك التفاصيل ويعطونك المواصفات زي البورش فدورت بالكتالوج دورت باليوزر مانول حق السيارة موقع البي إم مافي أي تفاصيل عن حجم الفرامل اللي في الـX6؛ ماعندك أي مشكلة من ناحية الفرامل لأن إذا ماهذي اللي كانت موجودة فيها الآن أو اللي موجودة فيها الآن ماهي عاجبتك تدقر إنك تروح البي إم وتطلب منهم والله تقولهم أبي البيرفورمنس بريك إذا الـPerformance Breaks ماهو بعاجبك فيه عندهم الـ M Brakes يعني أفضل بريكس موجودة عندهم بس you have to be يعني الكوست راح يكون عالي.
داخلياً إذا بتقارنها بالبورش كيين تعتبر more simplified يعني أسهل من الـ Cayenne الكيين كله أزارير هذي فيها الـ iDrive اللي أنا أشوف أنه أفضل سيستم موجود بجميع السيارات ناس تتكلم تقول أنه صعب وأنه ماهو بواضح وأنه من هالكلام بالعكس إذا أستخدمته فترة بسيطة راح تتعود عليه جداً مثل مايقولون straightforward مافي فلسفة زايدة؛ اللي بالمرسيدس تحس أنه very basic بالأودي نفس الشيء دخلنا زي موضوع البورش أزارير وما أزارير؛ البي إم السيستم حقهم فعلاً اللي سواه شخص يبغى يسهل عليك الأمور ومافي سالفة التتش يعني أنا صراحة من الناس اللي ما يعجبني سالفة التتش سكرين يعني حتى كسيفتي أنا أفكر فيها كسيفتي أنه يعني لما تلحق الشاشة تدور وتضغط فخامة ماشاء الله تبارك الله يعني أنا مستغرب أنه مدخلين لك يعني جلد مع الألمنيوم مع الخشب وهذا بلاستيك بس بلاستيك يعني ناعم الـiDrive والـgear والأزارير هذي السيارة هذي عليها أوبشن اللي هو السيراميك مخلية اللون حقهم أسود لماع فمعطية شوية فخامة؛ بالجير البي إم حطوا لك لما تحطها على السبورت أو المانويل حطوه بالطريقة الصح عكس الـCayenne لمن تاخذ السيارة وتحطها بالمانويل وأنت ماشي تطلع من الجير الثاني للجير الثالث وتسحب الجير اللي هو البلس هذي الطريقة الصح تبي تهدّي وأنت ماسك بريك تدف قدام هذا الماينس فهم مسوينه في البي إم صح الكيين مسوين العكس أشياء بسيطة بس بحكم إنك راح تشتري سيارة غالية فتفظل إنه يكون الشيء مسوينه مثل مايقولون على أصولها؛ جير البي إم شوي يبيلك فترة على بال ماتتعود عليه لأنه يعتبر joystick فمافي تحط الـD الـR الـN لا هي عصا بحي إنك مثلاً السيارة من نفسها إذا طفيتها تروح للمثلاً الناترول وإلا للـ B فمسهلينها شوي.
إذا تبي ترجع ورا تضغط الزر الجانبي تدف الجير قدام السيارة تصير بالأرض؛ إذا تبغى تمشي قدام تضغط الزر الجانبي وتسحب الجير للورا تصير السيارة بالـ D وتوقف تبغى السيارة تصير بالـ P تضغط الزر اللي فوق اللي هو الـP .
طيب الآن جربنا السيارة رأيي فيها صراحة جداً جداً صعب.. خل أول شيء نبداء عن الأسعارألحين:
الإكس سيكس فيفتي 8سلندر سعره يبداء عندنا تقريباً في الكويت من 28,000 إلى 31,000
بالسعودية قيمته 420 – 430 اللي هو الـ إم كِت أو الإكسترافيجنزا.
ضمان البي إم بالسعودية واضح وصريح أول ماتدخل الوكالة حاطين لوحة ضمان المصنع 2سنتين مفتوح الكيلو مترات السيارة بالكامل مضمونة؛ في السنة الثالثة اللي هي 1 extended year الماكينة والدفرينس؛ بالنسبة للضمان بالكويت لازم إنك تنتبه للضمان؛ الضمان لما تمر عليهم يقولون لك الضمان 5سنين طيب الخمس سنين هذي كيف ضمان المصنع سنتين شامل كل شيء من الصدام للصدام ماعندك أي مشكلة الثلاث السنين الزيادة هذي اللي يسمونها الإكستنتيد وورن تي أو الضمان اللي أنت طالبه زيادة بس أنت مو طالبه فجاي مع السيارة كبكج هذا يشمل جير ماكينة ديفرينس فالواحد لازم ينتبه للشيء هذا طبعاً ممكن البياعين أغلبهم 99% ماراح يقول لك الضمان أنه مقسوم جزئين؛ الفري سيرفس البي إم دخلوها من كم سنة يعني من زمان. الفري سيرفس بالسعودية عبارة عن خمس سنين أو 100,000 كيلو متر خلال الفترة هذ ي ماتدفع ولا شيء ماعدا الكفرات على حسابك إذا البكج هذا ماهو عاجبك سعره مايقارب الـ 30,000 ريال يمكن ينزل من سعر السيارة؛ بالنسبة للكويت الفري سيرفس تقريباً معاهم من الأربع سنين أو تقريباً 84 ألف كيلو متر طبعاً الضمان اللي هو 5سنين أو 150,000 كيلو متر السيرفس إلى 84 كل شيء ببلاش بس أنا لما سألته قلت له طيب الديسكات والفحمات أو البريك فات يشمل وإلا لا قال لي هذي بس تدفع قيمة الديسكات والباد معناته ماصارت فري سيرفس يعني ستل لإنك لازم تدفع فاسيرفس يمكن يشمل اللي هو ( زيت الماكينة, الفلاتر, سير الماكينة ) يعني أشياء بسيطة.
بعض أسعار قطع الغيار الـX6:
الفحمات الأمامية 100 دينار – 1400 ريال تقريباً.
الفحمات الخلفية 70 دينار مايعادل 900 ريال.
الديسكات الأمامية 92 دينار – 1300 ريال.
الديسكات الخلفية "2" 70 دينار مايعادل 900 ريال.
الأنوار الأمامية إذا كانت LED لاسمح الله في حالة الحاث الوحده تقريباً سعرها 800 دينار اللي هو 10,000 ريال, الثنتين بـ 20,000 ريال الأنوار الخلفية قطعتين وحده كبيرة ووحده صغيرة, الكبيرة مايعادل 140 دينار – 2000 ريال والصغيرة تقريباً 100 دينار – 1300 ريال.
الصدام الأمامي 320 دينار – 4500 ريال.
الصدام الخلفي 300 دينار – 4000 ريال.
المساعدات اللي هي shock absorber تقريباً 350 دينار مايعادل 4000-5000 ريال.
بالنسبة للـ إم كِت يصير الإسبينشل بالخلف يصير فيه بالون, البالونة الوحده مايعادل 60 دينار اللي هي 2200 ريال.
نخلّي هذي كلها على جنب السيارة أنا من السيارات اللي حبيتها فعلاً ومن أول السيارات الجيوب اللي حبيتها من الـ 2008 من أول مانزل كان الـ X6 سيارة فعلاً سبورت بكل ماتعنيه الكلمة يجيك واحد يقول لا هذا جيب هذا خرابات هذا كله كلام فاضي خرابات البي إم يعني بسيطة إذا والله توقفه سنة وإلا سنتين وتجي تقول لي والله خرب أكيد راح يخرب يعني الألماني لازم إنك تستخدمه كل يوم تداوم فيه تروح تكرفه تمشي فيه 200,000 – 300,000 ماعنده مشكلة.
الـX6 يعني البي إم يعني سووا فيه العجب يعني أذكر حتى أول الموديل الأول لما حاولوا أنهم يضبطون سالفة السيفتي بلحالها بحالة الحوادث حاولوا أنه يقلبونه ماهو راضي ينقلب يعني الجيب ماشاء الله من كثر ماهو عريض وراسي ماهو راضي ينقلب والأمان في البي إم ماشاء الله تبارك الله يعني بعد حفظ الله سبحانه وتعالى الواحد يمشي وهو متطمن.
السيارة هذي أنا أفضلها على الرينج روفر, أفضلها على الـX5 ممكن أفضلها على البورش من ناحية كوست إذا والله الفلوس عندك ماعندك أي مشكلة أكيد راح تروح للبورش إذا والله لا تبغى أقارن apple to apple فهذا يعني تقريباً شبه قريب من البورش الكيين, البورش الكيين سعره 540 تقريباً بدون أي مواصفات يعني بيوصل الـ600 بالراحة بينما هذا تاخذه فل أوبشن تقريباً بـ 420,000 ريال جداً معقولة السيرفس راح يكون أخف وأرخص من البورش.
رساوة ماشاء الله تبارك الله, ماكينة ماشاء الله تبارك الله, الجير ماشاء الله تبارك الله عندك يعني العزم الـ650 نيوتن متر هذي توصلها من 2k RPM السيارة عندك قوية من أول الـ RPM يعني أنا شفت أنه تقريباً على الـ 1500 أقوى من الكيين إس يعني تحس إنك فعلاً تحس إنك راكب سيارة 8سلندر تحس إنك قوي حتى على الـ 1500 على الـ 1000 السيارة قوية؛ الكيين الإس تحت الـ 2000 ضعيف.
أنا قارنت كسعر تقريباً سعر الكيين إس الكيين جي تي إس بس كأداء فرق كبير؛ شخص يسألني آخذ الكيين أو آخذ الإكس6 أو الإكس5 أقول له إذا الفلوس ماتهمك خذ الكيين تيربو أو التيربو إس سيارة ماعليها أي كلام إذا والله لا شباب وتبغى سيارة مميزة وتستانس بسواقتها وتستمتع فيها X6 8سنلدر إذا والله معاك عائلة ولو أنت فعلاً تحب سواقة السيارة تحب تسوق السيارة تحب تحس إن السيارة رياضية عندك الـX5.
يعطيكم العافية ونشوفكم إن شاء الله في الحلقة الجاية على سيارة رياضية تعجبكم إن شاء الله, أي استفسار أنا حاضر ولاتنسونا من الكومنت في أمان الله.
- يرجى تسجيل الدخول لإضافة تعليقات