مرسيدس سي ال اي 250 2016 250 CLA Mercedes
|
مرسيدس سي ال اي 250 2016 250 CLA Mercedes
السلام عليكم ورحمة الله ويركاته.. يا خي من أبشع المواقف اللي بتصير معاك أنه نطلع نصور تجربة ويومين وتصوير في الليل ونهار ورطوبة وحر وشوب وبالأخر يخرب الميموري أو الهارد دسك ويروح عليك نص التصوير؛ هذا اللي صار معنا بالسي ال اي كلاس بس مو نفس اللي معنا لليوم كان معي CLA45 اللون الأبيض بس بصراحة أشكر مرسيدس بالشرق الأوسط خبرتهم بالقصة أيش صار معنا بس عوضوني في السيارة وأعطوني السي ال اي 250 الفورتي فايف ماكانت متوفرة في التجربة حالياً بس أنا حبيت أجيبها فراح أتكلم عن اليوم عن النسخة العادية عن الفورتي فايف راح أتكلم عن الديزل عن البنزين عن كل نسخ السي ال اي بشكل عام بداية من التاريخ اللي هو طلع لأول مرة نسخة تجريبية كانت 2012 بس كانت تصميم الكوب 2013 شهر يناير بالضبط مع بداية 2013 أطلقوا السيارة كانت بالتصميم الجميل والجريء؛ بشهر أبريل طرحوا السيارة للبيع بس مو بكل العالم فقط في أوروبا وبسبتمبر 2013 طرحوها للبيع في أمريكا بس الصدمة وين كانت مو بالإطلاق الصدمة كانت بحجم المبيعات المخيف تخيلوا سنة واحده من إطلاق السيارة سي ال اي تم بيع أكثر من 100,000 نسخة كانت صدمة مو بس للناس كانت صدمة لمرسيدس نفسهم لدرجة أنه مرسيدس حكت لك السي ال اي هي أفضل إطلاق أو أحسن إطلاق سويناه من عشرين سنة بسبب المبيعات الكبيرة والمفروض كانت السي ال اي ماتوصل عندنا في المنطقة أكثر بس لا نشوف السيارة وصلت رسمياً تقريباً بنهاية السنة الماضية بعد ماكانت أنا شفت فيه كثير سيارات تجي وارد كانوا بعض الشباب حبوا نسخة ال اي فورتي فايف أو السي ال اي فورتي فايف حتى أنهم نفس الشيء تقريباً كانوا يجيبوه وارد السي ال اي بدأت بهذه الهوية من ناحية تصميم إضاءة من ناحية تصميم شبك أمام جديد فالسي ال اي أيش الحلو فيها آخذه نفس الفخامة من اس كلاس مع حجم وسعر السي كلاس رغم أنه هي كمان أقل سعرها من السي كلاس وبنفس الوقت مع عملية وقوة المُحركات الرياضية الموجودة بالاس ال أو الاس كيه فالسي ال اي فعلا سبب مبيعاتها الكبيرة كان تصميم جميل تصميم شبابي وسعر منافس ومنخفض عم بحكي أنا في أمريكا ولحتى أوروبا حتى عندنا السيارة صراحة جميلة جداً وبتنفع تكون شبابية لطالب جامعة أو لشاب متزوج جديد فالسيارة فعلاً حلوة في التصميم وبالقيادة ممتعة جداً.
التصميم الأمامي عندكم ال اي دي انتلجينت لايت تستن من مرسيدس الشهير يعني على حسب الطريق أنت الإضاءة معاك متفاعلة؛ فيه حساسات أمامية بس مافي كاميرا أمامية؛ نحنا معانا الإم جي باكج يعني بيكون عليها كت أيه إم جي مثل ماتشوفوا أما نسخة الفورتي فايف الأصلية لجي إل أم سي اي لا بتكون فعلاً هذيك بكامل بصماتها كسبويرات أمامية خلفية كتخطيطات وأكيد إختلافات من الأسفل بالكامل إن كان في التعليق كجيربكسكمكينة أو حتى حتى كفرامل بتكوم أيه ام جي أما هذا بتكون فقط كشكلية وبصراحة حلوة السيارة بالنسبة للناس اللي ماتهمها الباور والقوة هذي بتكون معاهام حلوة يعني كتصميم جميل بس مشكلة هذيك الفورتي فايف صوتها طرب هذي مافيها صوت طرب.
لما طلعت السيارة بـ 2013 مرسيدس قالت أن هذي راح تكون أكثر سيارة إنسيابية في العالم عامل الإنسيابية هو 03,20 إذا قلنا هذا الرقم كان فعلي من مرسيدس يعني هي تتفوق على أكثر سيارة إنسيابية كانت بوقتها اللي هي التست مودل اس 0,24 ؛ لو مرسيدس قاالت لك إن النسخ من ديزل 180 قالت ممكن يكون المعاملة إنسيابية 0,22 أرقام حلوة السيارة فعلاً عزمها حلو وإنسيابيتها حلوة ولكن بعض الإختبارات كانت خارج مقرات مرسيدس من ناس أخرى غير مرسيدس قالوا لك لا إحنا أختبرناها وكان المعاملة الإنسيابية تبعها 0,30؛ على كل حال السيارة إنسيابيتها حلوة بس أنا حبيت أذكر هالمعلومة علشان تعرفوا بعض الأرقام المهمة.
شاص الس ال اي هو نفسه شاص ال اي كلاس بس هذيك بتكون هاتش باك أصغر شوي حجماً بس مرسيدس بانت بالسنوات الأخيرة جننت الناس إطلاقات دائماً بفترات قصيرة أطلقت موديلات جديدة طرازات جديدة تحاول تلبي كل طلبات الجماهير؛ طبعاً الجنوط هذي ال ام جي بتشمل معاك ال ام جي كت اللي أنت طالبه على السيارة؛ كإطارات نفسها 225 – 40 نشوف عرضهم حلو؛ كسيارة تعتبر حلوة في المناورات فورما تك دفع رباعي؛ إطارات عريضة تماسكها رهيب جداً مقارنة بوزنها.
مرايا كاربون فايبر وأربعة أبواب بتصميم كوبيه؛ لاحظوا معي بعد البيبلار عندكم بيبداء السيارة اللي هو النحتة السفلية علشان تصير تصميم الكوبيه. بلوس أنجلس 2014 طلعوا نسخة الشوتينغ بريك اللي بتكون نسخة خلينا نقول البكس السيارة سي ال اي بتكون بكس نفس السي ال والسي كلاس طلعوها ليش علشان الناس بترغب بسيارت نفس الوقت شبابية بس بتشيل معهم حمولة أكثر وبنفس الوقت بيهمهم كثير راحة المقاعد الصف الثاني ليش بالتصميم هذا اعندكم شوي ضيقة بمقاعد الصف الثاني من ناحية الرأس؛ مع تصميم الشوتينغ بريك أو البكس عندك مساحة أفضل للرأس وبنفس الوقت مساحة تخزين أفضل خلفية تقريباً زيادة 25 لتر أو حجم حمولة 25لتر.
كي لي سنتري موجود؛ كاربون فايبر؛ نقطة عمياء موجودة على السيارة؛ الكت الجانبي الموجود نسخ ال ام جي بعضها بيجي عليها كروم أيضاً بالأسفل. بدي أذكر نسخة السي ال اي فورتي فايف فيه منها أديشن بنسميه الأديشن ون أو النايت باكج؛ النايت باكج أو الأديشن ون بيكون عليها لمسات أحمر بيكون عليها جناح بيانو بلاك بيكون عليها جنوط أسود مات بيكون عليها بركات لون أحمر عليها تخطيط أسود مات ولمسات داخلية أدشن ون وبصمات أدشن ون حتى تجي في فئة الفورتي فايف. السيارة من الخلف بزوزات مزدوجة بالفورتي فايف بيكون عليها أربعة عندكم الحساسات موجودة؛ كاميرا واحده موجودة بس هذي الكاميرا تفتح راح تشوفوها بالصور أكثر؛ 470 لتر حجم الحمولة الخلفية. فورما تك إحنا عندنا في الأمارات بالشرق الأوسط بشكل عام موقع مرسديس الرسمي بتقول لك أنها ماتوفر غير بنسخة الدفع الرباعي؛ الأصل دفع أمامي بس إحنا معانا الفئات رباعي فقط تجي عندنا على المنطقة وبشكل عام الفئات متوفرة عندنا في المنطقة بنفس اللي معنا اليوم سي ال اي 250 فورما تك أو سي ال اي 405 فورما تك أيضاً.
بالنسبة للمساحة الداخلية للسيارة بالخلف أنا قلت لكم راح تكون ضيقة صراحة أنا مثبت المقعد أني أنا السائق مسافة الرأس فيها ضيقة ري ريزر لا فيه ضيق حتى من الأقدام يعني جاي فيت علي تقريباً مافي مضبط مقعد السائق مافي كثير مساحة بالنسبة لي بس تمشي معاي لمشاوير صغيرة بس خطوط لا.
اللون أحمر جاي داخلي طبعاً كطلبية هذي مع السيارة جاي مع حزام الأمان؛ اللون الأحمر صراحة رائع جداً جداً؛ سجاد الأرضية جاي عليه MG نظام الصوت هارمن كاردن لوجيك7 – 12سماعة مع ام بي فاير وعندنا بالأسفل مساحة تخزين صغيرة مع 12 فولت باور؛ حبيت تصميم المقاعد الرياضية الأمامية صراحة؛ مسند الرأس صراحة جاي بطريقة حلوة بيحمي الرقبة بشكل كثير منيح ولاحظوا هنا حتى بمسند المقعد الوسطي بيقلوا لك إذا كان فيه راكب جالس حاطين لك إشارة أنه لازم ترفع له مسند الرأس هذا علشان تحمي الرقبة في حال صار فيه تصادمات لاقدر الله؛ طبعاً لاحظوا أنه النوافذ الخلفية بيكون عليها تظليل أو مخفي فشوفوا الفرق بين النوافذ الأمامية والخلفية وعليها عزل حراري أكثر.
الشاشة اللي موجودة 7إنش بالسي ال اي؛ أكثر شيء لفت انتباهي هو الإضاءة الداخلية فيها أوبشنز أو إضاءات داخلية أكثر من الإس كلاس بس أحلى شيء دائماً اللون الأحمر أنه السيارة لون أحمر من الخارج يعني وفيك تتحكم بأشياء عديدة مثلاً من خلال شاشة تشوف فيها موضوع الإضاءات تشوف الصرفية؛ فينا نتحكم بموضوع القفل والإغلاق والإضاءة الخارجية كيف بتكون قد كم تفظل الإضاءة الخارجية شغاله بس حتى تتسكر السيارة مثلاً وحدة الإضاءة الداخلية هذا اللون الأحمر وإلا أصفر وإلا أخضر فينا نتحكم فيها وفينا كمان نشوف مكان الباركينغ كيف تفظل مضوية عندك المرايا وكل شيء.. تمام تمام؛ هذي الشاشة اعتبروها ترفيه فيها نافيجيشن أيضاً خلينا نشوف هذي النافيجيشن موجود الراديو موجود الميديا بشكل عام سي دي ويو إس بي وهذي الأشياء موجودة في السيارة؛ التلفون والتوصيل للأقمار الصناعية موجود وآخر شيء طبعاً أنه السيارة وموضوع الصرفية وإذا عندنا موضوع التوصيلات كل شيء موجود في السيارة – ساوندز, أبلكيشنز... هذي الأوبشن الموجودة في الشاشة.
الآن كشاشة وسطية اتحكم فيها من خلال الأزرار الموجودة على اليسار تعجبني هذي الشاشة كثير يعني فيها تحكم موضوع الرحلات تشوف أيش الموضوع عندك الصرفية وإلا السرعة وإلا نفداك نافيجيشن الصوت وفيك تتحكم في التلفون.
السيستم مثلاً خلينا نشوف أيش فيه عندهم.. عندك الجراف خل نشوف أيش فيه هنا موضوع السيارات اللي أمامك وإلى غير ذلك؛ التركش كنترول تتحكم فيه من خلال الشاشة الوسطية؛ التحذيرات من التصادمات أو التحذير ماقبل التصادم أيضاً موجود؛ الأستنشن خل نشوف أيش عندهم اللي هو مثلاً تنبيهات مثلاً كيف أنت بدك إياها تكون وبشكل عام السيارة فيها تنبيهات للسائق حتى. بلاند سبوت أسسنت هي نظام المنطقة العمياء؛ على اليمين عندنا التحكم في الصوت كومنت سيستم، تلفون، شفتينغ بادلز موجود وعندنا بالأسف هنا عندكم نظام تثبيت السرعة المتفاعل مع الرادار وعندنا بالأسفل هنا عندنا التحكم بالإضاءة والهاند بريك الألكتروني الموجود بالخلف؛ عندكم ثلاث وضعيات ميموري بالنسبة للكراسي مع تحكم كهربائي بالكامل؛ عندكم هنا زر الوضعيات للقيادة ( E ايكو S سبورت M مانول) إذا ضغطنا عليه بيطلع عندكم عند الجير عند الشاشة في الجير فيه عندكم أحرف عندنا هنا الـM مانول الـE باللون الأخضر اللي هو الإيكو والـS سبورت مود وعندنا هنا الرباعي وبعدين عندنا زر الـE عليه سهم عم تشوفوا هذا الزر أيضاً إشارته موجودة هذا عشان السيارة تفصل الماكينة عن التوقف لفترات قصيرة مثلاً عند الإشارة وعندنا آخر زر اللي هو زر الحساسات تفصلهم؛ السيارة فيها كاميرا واحده فقط مافي كاميرات محيطيه أو 360 درجة.
التحكم بشكل عام من خلال التلفون الشاشة إذا مابدك تتحكم من القرص هذا عندكم وبالأسفل تحكم في المكيف كهربائي كامل منطقتين وعندنا مدخل باور ومساحة تخزين وهنا أيضاً عندنا مساحة تخزين حلوة تلفوناتك ومحفظتك وإلى غير ذلك وعندنا هنا حمالة أكواب هي ضيقة شوي بس فيك تشيلها وتخليها أوسع؛ وهنا عندنا مساحة تخزين فيه مداخل يو اس بي فيه عندكم اثنين.
راح ناخذ لمحة سريعة على المحركات الموجودة على السي ال اي حول العالم بشكل عام.. السي ال 80 بيكون عليها محرك 4سلندر أو 0.6 – 20 حصان توربو؛ باختصار كل المحركات اللي بتجي على السي ال اي توربو أوكي عندنا السي ال اي 200 هذول محركات البنزين؛ سي ال 200 أيضاً 0.6 توربو 4 سلندر بس بتكون أقوى شوي 64 حصان مقارنة بـ 120 حصان؛ طبعاً السبب بيكون إختلاف بين حجم التوربو , البورس, إنتركورل وإلى غير ذلك ولا حتى نوع الفلتر المستخدم بالسيارة.
عندنا النسخة بعدين السي ال اي 250 اللي معنا اليوم فيها نسخة الفورما تك مثل اللي معنا وفيه عندنا نسخة النسخة العادية اللي هي بتكون دفع أمامي بدون دفع رباعي بس نفس القوة الحصانية نفس العزم حتى؛ المكينة بتكون 4 سلندر سعة 2لتر أو 2.0 توربو تشار القوة الحصانية 208/5500RBM والعزم بيكون 350نيوتن متر بيكون عندك بين 2200 – 4000 RBM ؛ أقوى نسخة في محركات البنزين اللي هي السي ال اي الـ450 الشهيرة أنا بعتبرها جبارة صراحة بيعتبر أقوى محرك 4سلندر إنتاج بين المنافسات 4سلندر بيكون توربو بس التوربو بيكون مختلف أكيد حجمه غير أيضاً 2لتر سعة المحرك ولكن القوة بتكون 355 حصان على 6000RBM والعزم بيكون 450 بين 2000 متر و 250 إلى 5000 RBM؛ الصراحة هذيك الماكينة جبارة جداً جداً جداً. نجي لما محركات الديزل عندكم محركين مختلفين نسخة السي ال اي 200 ديزل بتكون 0.8 قوتها تقريباً 134 حصان؛ عندنا نسخة السي ال اي 220 ديزل أيضاً طبعاً المحركين توربو بتكون 2.0 ؛168 حصان هذي محركات الديزل الموجودة.
بالنسبة لجير السيارة وإلى غير ذلك صار الوقت نتكلم عنهم على الطرقات.. ياخي الجير العادي بتحس له أصل له وفاء إلى الآن عايش بكثير طرازات بالسيارات لأنه لما تركب الجير قطع الجير العادي بس له إلى الآن ناس بتحبه وفعلاً فيه شركات محافظة أنها توفر سيارات بالجير العادي مثل مرسيدس اللي معنا لليوم سي ال اي عشاق الجير العادي موجود نسخ متوفرة على جير عادي على الأقل يعني 180 تقريباً بيجي عليه جير عادي 6سرعات طبعاً عارف راح تقولوا الجير عادي غيارات يعني مافي عالـ ايه ام جي بس مافي ايه ام جي جير عادي يعني بس راح يكون كان أحلى مثلاً أنتوا عارفين السيارات الأمريكية أحلى بس فيه ناس بتحب الجير عادي في أي سيارة أي سيارة بيفظلوا جير عادي وفيه جير عادي 6سرعات بيجي على الس ال اي بس الجير الأساسي بيكون أتوماتيكي 7سرعات مثل اللي معنا لليوم؛ نسخ ايه ام جي دبل كلتش اوتوماتيكي 7سرعات بس مختلف تماماً عن النسخ العادية لكن مطور من ال ام جي بشكل عام بالإضافة إلى أنظمة التعليق الموجودة طبعاً أنظمة التعليق على السي ال اي العادية بتكون حلوة, ثابتة فيها نوعا ما نعومة للوضعية العادية وبنفس الوقت أي مطبات صغيرة بتحس فيها (13:55) مع أن أنظمة التعليق تعتبر رياضية نوعا ما بسيارة مثل سي ال اي؛ الفورتي فايف بتكون أنظمة تعليق رياضية بحتة من ال ام جي؛ فرامل السيارة عن تجربة مثلاً عادية في إزدحام في توقف مفاجيء ABS موجود فرامل عالية الجودة هذا أكيد موجود بالـ اي ام جي بيكون عندك السيراميك أكيد من اي ام جي بتكون أداءهم رياضي أعلى وتوقف لمسافة أقل أكيد بنسخ ال ام جي. بالنسبة للتسارع أرقام بتهم الجميع من 0-100 بنسخة السي ال اي 250 مثل اللي معنا لليوم بتكون 6,6 أجزاء من الثانية ؛ نسخة اي ام جي 4,6 ثانية مُحرك يستحق الإحترام يعني سيارات V8 مابتجيب تسارع 4,6 فما بالكم 4سلندر على فورما تك على أنظمة تعليق رائعة على توزيع وزن خيالي صراحة سيارة 450 سيارة تستحق الإقتناء للشباب الصغار عجبتني جداً حتى ال اي 450 بس سي ال اي بتحس تصميمها يعني بيبي سيليس كإضاءة خلفية مميزة بتشبه السي ال اس كثير كثير كثير مو شوي.
كسرعة قصوى بنسخة سي ال اي 250 بتكون 240 كيلو متر محدهه إليكترونياً أما نسسخة الفورتي فايف ال ام جي بتكون 250 يعني فرق عشرة كيلو بس؛ بس يعني الصراحة يعني هذا ممكن الناس تفيد اللي عايشين طرق اللي عنده أوتوبان بألمانيا مثلاً أو طُرقات السريعة بس هنا مابنحتاج سرعة 250 وإلى غير ذلك يعني في طرق عادية يعني حدها 140 شارع الشيخ بن زايد 140؛ دبي العابر أو الإمارات حالياً 140 فـ140- 200 حتى السرعات إذا كنت على خط سفر ديروا بالكم فيه ناس بتوصل سرعة 200 صراحة يعني أنا عارف بس انتبهوا بالآخر إطارات هذي على مسافات طويلة انتبهوا يعني.
السيارة الآن أيش اللي عجبنا فيها وأيش اللي ماعجبنا فيها : اللي عجبنا فيها تصميمها صراحة حلو ملفت للنظر؛ تقنياتها حلوة الموجودة؛ كوسائل أمان السيارة آمنة جداً يعني تعتبر أصلاً من الأشياء الإيجابية بالأخير ألماني معروف بالسيفتي مرتفع فيه؛ كوسادة هوائية غرفة هوائية كاملة في السيارة؛ رادار أمامي موجود؛ تحذيرات التصاادم؛ فرملة تلقائية موجودة؛ تنبيه النقطة العمياء موجود؛ فأنت عندك أنت أنظمة أمان عالية اي بي اس كفرامل كلها ممتازة في السيارة.
قيادة السيارة ممتعة جداً بالنسبة لي كشاب مع نظام الدفع الرباعي ثابتة السيارة؛ لفات خفيفة بتحس بمتعة ثبات خيالية صراحة. تصميم السيارة الداخلي فيه فخامة مرسيدس مع لمسات رياضية من اي ام جي بس أكثر شيء ممكن تحكي عنه إنتقاد للسيارة هو موضوع المساحة الخلفية بالنسبة للمقاعد أنا ماكنت مرتاح فيها مثل ماشفتوا في التصوير هذا كان تعليقي الوحيد على السيارة؛ كعزل أنا مرتاح بس فيه لمسة ضجيج خفيفة كثير بتحس فيها كسوط هواء بيجي بعتقد من فتحة السقف البانورامية من عندكم من الجوانب حتى بتلاقيني كل شوي بتأكد من أن هي مسكرة وإلا لا ففتحة السقف البانورامية عندك فيها تسريب خفيف من الضجيج عندك هذي أيضاً فيك تعتبرها من أحد الإنتقادات للسيارة غير هيك السيارة ممتازة وتشغليها عن طريق الزر موجود.
- يرجى تسجيل الدخول لإضافة تعليقات